زوجي ووووو؟ يارب يتهيألي

[الفدنه]

الله يهدي زوجج
مرت حماج مع احترامي قليلة ادب
على طول بيني لها ان ريلج يموووووووووووووووت فيج
ويقولج جسمج واااااااااااااااااااااااااااااااو وميت عليه
عشان تحس انه زوجج موصوبها كلش
خل تموت بحرتها

 

[غيوره ومغروره]

شوفي في حريم فيهم نقص يبون الكل يمدحهم والكل يحبهم والكل يشوفهم حلوين ودلوعين

وهذيل مع الاسف لحمهم رخيص اسنغفر الله والله يهدينا ويهديهم ،، لكن انتي دلعج خليه عند ريلج وبسسسس

انا انحطيت بهالموقف قبل وعلا قولتج انا احلى منها بواااااايد مابي اقول وين شفتها او شنو علاقتي فيها بس شوفي السالفه.. انا طبعي هاديه وثقيله الحمدالله عاد يوم جت اهي الكل التفت لها والكل يسنعلها ومسويه شووو لهم
بس الناس اللي عندنا الحمدالله سنعين ويعرفون الاصول استنكروا تصرفاتها ومارضوا باللي تسويه مع ان اهي يعني نظام انا العفةيه او الياهلاللي مااتعمد تف عليها
عاد،، بعدين الرخيص تم رخيص والغالي يبقى غالي ،،
اهي حزة الفرفشه والوناسه يبونها عادي حتا ترقص،، لكن انا معروفه بالحيا،، بس الحمدالله انرفست رفسه محترمه وانا عزوني وعرفوا قيمتي اكثر لاني متربيه وماني رخيصه ومحترمه واعرف الاصول والحمدالله الكل يشهد باخلاقي والكل واثق فيني
عكسها اهي لي صار ماصار،، اللي اهو صار اصلا<< ان شالله فهمتي:d
محد يوقف معاها ،، لان يتوقعون كل شي منها

فحتى زوجج يمكن لاقي وناسه وتفرفش لكن يدري انها ماتسواج ،، وتانيب ضميره يمنعج تكونين معاه
حتا لو شنو ماكان تعامله معاج بس صدقيني يحبج وانتي بعينه اكبر من كل اللي يشوفهمً

عجبني كلامج (الرخيص تم رخيص والغالي يبقى غالي )
واخيرا في احد مر بمثل موقفي وحاس بالشعور الخايس اللي مريت فيه
ومابي يصير اللي صار عشان الكل يعرفها -- ابيها بس تنقلع عن حياتي لأن حياتها احسن مني بمليون مره بس اشتبي مادري

 

[غيوره ومغروره]

رد: رد : زوجي ووووو؟ يارب يتهيألي

وااااااي حبيبتي الله يعينج


انا مريت بنفس موقفج ,, بس ما وقفت حياتي

بالعكس قمت اكشخ و سوت توتال ميك اوفر حق عمري بطرقه لبسي و مكياجي و اكسسواراتي و شعري

و بالنسبه للكلام انا اساسن دلوووووووعه (( حددددي ثقه لوووووووووووول


و اذا صرنا بزوارة و الا بسوق و الا باي مكان ما اقعد اخز فلانه و لا علانه

بالعكس امشي بكل ثقه ,, قام اهوا ما يبصص على قولتكم


لان قاعد يشوفني ملفته ,, ف ماكو مجال لاحد غيري

واااااااااااي دلوعه سويت مثلج بس قلت لج قام يغار مايبيني اطلع مع رفيجاتي واذا طلعت معاه يزفني شهالعبايه - وصدرج واقف:eh_s(12): غيري البرا -مع انه عادي
زحكرني واحس اني بنفجر كمن الحكره

 

[حكستار]

الله يهديه

 

[شقرديـه عالطل]

الله يعينج وانشاءالله فتره وتزول
ماادري شقولج والله

 

[حبي حبيبي]

رد : زوجي ووووو؟ يارب يتهيألي

الله يعينج ويهدي ريلج ويبعد عنكم العذال :s

 

[هنـــــد]

رد : زوجي ووووو؟ يارب يتهيألي




حبيبتي فديتج هونيها ..،
ومنو هو عشان تضايقين روحج عشانه !
سوي نفسج ولا همج منه ولا من حركاته وان مو فاهمته
واشتغلي على عمرج بـ نيو لووك ولبس واناقه ودلع ومياعه
عشان يشوف الفرق بينج وبينهم بما انج احلى منها
طنشيييه وصدقيني بيرجع لج ، وانتقديها بالمعقول
عشان يحط في باله انها ماتستحي ومايحط عينه عليها
انتقادج خليه بالمعقول بس ديري بالج تقذفينها بكلمة !

 

[غمزه وإبتسامه]

شووفي لا قعدتوو مع بعض بالزووااره حاولي تقولين احااديث عن الحشمه وان الحماا ناار جذي جيبي سيرة الدين والستر وااااااايد

 

[احلى ـآ وحده]

وجع جدي اي والله .. ماعاد في حيا

كلمي زوجج يحترم نفسه ويخلي عيونه بالارض >> مالج امل

الشرهه على زوجها ..

 

[رحيل المرافيء]

رد : زوجي ووووو؟ يارب يتهيألي

انتي قلتيها مغرورة وغيورة هذا نكج
وليش ماتكوون غيرتج هي السبب والبنت ماتسوي شي
عروس طبيعي تتدلع وتشووف نفسهاا
انتي اللي محترة ليش صرتي الجنة القديمة
وواضح من كلامج انا احلى منها واسنع منها ومدري شنوو يعني هي فاصخة وانتي المتدينة المحتشمة؟؟؟؟؟؟؟؟؟؟
وخالتي تطبخ اللي تحبه وماتطبخ لي جني مو موجوودة
واضح الكلام غيرة حريم
ومحد جابرج تروحين
والمرة ما سوت لريلج شي هو اللي يركض وراها
لاتظلمين المرة وقليلة ادب ومدري شنوو

 

[noor الدنيا]

رد : زوجي ووووو؟ يارب يتهيألي

الدعاء .. الدعاء .. الدعاء .. عليك ياحبيبتي بالدعاء ,, ما أقصد تدعين عليها لأ .. أن أقصد تدعين لنفسك إن ربي يآثرك عليها ,, و تدعين إن ربي يعف نظر زوجك عنها و عن غيرها .. و استودعي الله نظر زوجك و فرجه .. و الله ما يطالع أحد غيرك .. لا تكلمين زوجك أبد عنها ,, اعتبريها شيء غير موجود .. أحس إن زوجك مبهور بها لأنها شكل جديد و نوع جديد و نمط جديد ,, مثل المسلسل إللي ودك تشوفينه كل يوم لأن أبطاله يقدمون شيء جديد .. و بيجي يوم بيمل زوجك منها لأنها بتكون في نظره شيء مكرر , مثل ما الواحد يمل إذا أنعاد عليه المسلسل .. إنتي شوفي الموضوع بهالطريقة و بترتاحين .. أسأل الله العظيم إن يآثرك عليها ,, و ينصرك على من أراد بك سوء ,, و يسخر زوجك لك .

 

[آطخمـُ عنزيـهِ]

رد : زوجي ووووو؟ يارب يتهيألي

الله يعينج انا انقهرت من حركاتها شلون انتي @@

 

[chanel N22]

الله يعينج ويهدي ريلج ويكفيج شرها بصراحه قلة ادب @@

 

[مــســك]

اوووووووووف بصراحة انا احتريت وانغثيت عشانج ياقلبي ..



ليش جذي زوجج بليييييييد ..؟ انتي لازم تعاتبينه ع تصرفاته لاتخلينه يضيع من ايدج ..


وهذي مرت حماج ماتدري الي تسويه حررام عليهاا ؟؟ ياربي الحمو نار ..


خلي دلعهاا ومصاختهاا تنفعهاا بيوم القيامة ..


بس صج وصخه ..



وانتي مالج الا الدعاء ياقلبي .. والله كريم ...

 

[om_dodo]

الحمدلله والشكر

 

[رحيل المرافيء]

رد : رد: زوجي ووووو؟ يارب يتهيألي

ثااانكس حبيبتي عالنصيحه -كلاااامج درر -- انا قلدتها بالدلع بس يطريقتي الخاصه وحركاتي واسلوبي
وقاعده اسويلي نظام حياة منعزل عنه وما اخليه اهوا ركيزة حياتي وبس -- يعني الحين قاعده اطلع مع رفيجاتي وخواتي وغيرت طريقتي باللبس وما اطلع للدوام الا وانا بكامل اناقتي خليته يستخف ويحاول بس يعرف اخباري وقام يغير من صديقاتي --لدرجة مره زارتني رفيجتي الروح بالروح(عادة ما استقبل احد بشقتي ) ما طلع ليما تأكد منو اللي زايرتني وتسلط كل دقيقه يدق
بس خل ينطر علي راح ايننه

وهذا اكبر دليل على الغيرة انج تقلدينها
مادام اسلوبها غلط ليش تقلدينها وجدام حموانج بعد
تنتقدينها وتردين تقلدينهااا
انتي زوجج مطنشج وتبين اهتمام وحطيتي حرتج بالعروس اليديدة اللي الكل ملتفت لهاااا
الا طنبزت الا كحت الا عطست مراقبتها بكل حركة
يعني الادمية ماتتحرك

 

[barbya_q8]

رد : زوجي ووووو؟ يارب يتهيألي

صج قلت ادب وحدة تسوي هالحركات جدام حموانها وين الحيا ( الحمووووو الموت ) وريلها يا حسرة شنو محله من الاعراب ما يشوف حركات مرته ولا عادي عنده ولا تبي تلفت الانضار يعني شوفوني

 

[غنج اهلها]

تغث ربي يعييييينج والله

 

[a9ealah]

رد : زوجي ووووو؟ يارب يتهيألي

الله يعين

 

[bint_looda]

عسى الله يسخره لج ويزيد من محبتج ابقلبه ... خليج عاديه وحرصي عليه وداريه ولي راح هناك رووحي وياه وخلج طبيعيه مردها بتركد