زوجي يبي يتزوج يا بنات

[غدووور الكويت]

رد : زوجي يبي يتزوج يا بنات

الله يفرج همج يااارب

 

["اسطورة العشق"]

يا بعد عمري الله يعيينج ...

 

[حبي حبيبي]

رد : زوجي يبي يتزوج يا بنات

الله يصبر قلبج ويعينج عليه

مادري ليييش يسوون جذي

مايحسون باحساسنا
يعني مو مقصرين عليهم
وهم بيتزوجون !!
شنسوي يعني !!

 

[الأميرة جوري]

رد : زوجي يبي يتزوج يا بنات

الله يكون بعونج بس من صجه من مواقع يتزوج مايدري انهن استغفر الله الاغلب مو الكل مايدرون شنو سوابقها ؟؟

 

[أم حمد 4]

واي اللة يعينش صراحة كاسرة خاطري

 

[ما تخيلتك حبيبي]

رد : زوجي يبي يتزوج يا بنات

حبيبتي ماالج إلا الدعاااء ..

والرجال اذاا يبي يتزوج محد يقدر يرده .. وشداارج يمكن يصير احسن لا تزوج .. صدقيني اغلبهم لا تزجوا يصيروون احسسن .. ويحسوون بقيمة الزووجه الاولى .. ولوو شنوو كاانت الثانيه داايم الاولى هي الغااليه ..

واهم شي الدعااء .. اذاا في زوااجه خيرره لج ولعياالج الله يتممه .. واذاا فيه شرر لكم ربي يششيل هالفكره من باله ان شااء الله ..

 

[أم حمد 4]

رفع

 

[محبه نسكافيه]

رد : زوجي يبي يتزوج يا بنات

رفع

 

[Mona Lisa]

الله يفرج همج ويسخر لج ريلج يا رب

 

[ام العبايه]

رد : زوجي يبي يتزوج يا بنات

الله يعينج ويصبر قلبج تدرين فى واحد يهدد مرته من خمس سنين وبناته متزوجات سنه اولى ..... للحين ما تزوج انهارت وبجت حتى على فوزيه دريع اتصلت ووصلت من عصبيتها للطلاق وراحت عند اهلها وهى عندها احفاد عمر شهور ما افرحت فيهم تراقب ريلها ومحتره منه وبعدين اهلها ما قصروا فيها سووولها عشا مع انهم الطلاق عيب بس اختنا مو صغيره وطيحتها عندنا ما تكسرنا ولموها لين شهر او اكثر ورجعها واول ما ادخلت قالها هذى غرفت العروس مقابله غرفتج قالتله ما ابي غير بيتى وعيالى وجيرانى وانت ما تشوف شر لليوم هذا ما تزوج تهديد على الطل ................ لايعه جبودهم من بنات الشوارع ويتزوجون الله يصلحهم انتى استغفرى واقري القران وطمنى على قلبج ودايما تذكرى لن يصيبنا الا ما كتبه الله لنا والناس الى تخافين يتشمتون تراهم اهم الى بيوقفون معاج بس انتى ان جاب الطارى وانت عصبيتى دقى على اهله واهم ابخص فيه ..................

 

[كويتيه مذهله 87]

لو انا مكانج أخر همي أعيش حياتي عادي وأعتبره هو والطوفه واحد
,,,

 

[بهبهانيه]

رد : زوجي يبي يتزوج يا بنات

شنو هالدني شكو هالصراحه
ما قادره اتخيل ان الوقاحه توصل بالرياييل لدرجة انه
يصارحها بالزواج
كل سنه تمر اشوف الحريم بتضعف قدرتها سنه مع سنه رغم
كثر الجمعيات النسائيه ويرامج التوعيه وتقوية شخصية المرأه
والريال قاعد يكبر ويتمادى فظلمه وجبروته وضارب الدنيا بالنعال
الله يصبر قلبج

 

[AL-7Oo0b]

رد : زوجي يبي يتزوج يا بنات

يا ربي عليهم الريايل الواحد فيهم يقول بيعرس عشان الشرع حلل اربع ،، يعني بيقضي على العنوسه وانا ما ادري
فديتج لا تضايقين الله يهداه ،،
صح انه هو يبى الحلال وبعد عن الحرام بث مع هذا انتي ما مقصرة معاه على كلامج ،، ذكرتني بخالتي يوم تزوج عليها ريلها ،، وتصدقين اللي خذاها متاذي منها يقول حنانه ولسانها طويل هههه ويمدح في خالتي يقولها لو ما عندها عيال مني جان انا منفصل عنها من زمان ،،
يعني هو على باله انه اذا تزوج بياخذ وحده مثل صفاتج هاديه وطيبة وعلى نياتها مستحيل الا بيلقى فيها عيب لانه هو تعوود عليج وعلى طبعج فبيشوف الفرق بينج وبينها ..
استغفري ربج وربج كريم

 

[مدام يجيى]

لاتطلقين ولاتتنازلين عن عيالش سوي اللي بينش وبين الله (وعسى ان تكرهوا شيئا وهو خيرا لكم)

 

[ورد الغرام]

اتمسكني لين ماتتمكني بس مو ادلي روحك الية؟؟!!
يعني روحي وقولين له اتخيل بنتك تجي اتقولي لية ابوي مايحبنا؟؟ويبي يتزوج
احنا مانستغني عنة عنة ودايم نبية ويانا
وقولية له بناتك مايبون يتزوجون علشان لايسوو ازوجهم مثل ماتسوي لي
مو حرام عقدت البنات؟؟؟انت تبي تتزوج كيفك بس مابي بناتي يتعقدون

 

[L A T T E]

شوفي

في وحدة اعرفها تقولج :

انا تطلقت بعد عشرة عمر وعيال.. تزوج علي رفيجتي !! .. و بصراحة انا ندمت قد شعر راسي لاني تطلقت.. ياليتني قعدت على جبدها ولا تطلقت.. تعبت نفسيا مع عيالي و المصرف و احس اني شايلة مسؤولية اكبر مني.. نصيحة مني لاتسوينها وتتطلقين..


وانا اقولج.. قومي بكل واجباتج.. ولاتعطينه الحب.. خليه يحس بقيمة هالشي..

والله يوفقج يارب

 

[كويتksa]

رد : زوجي يبي يتزوج يا بنات

بنات انا قبل لاكتبلكم موضوعي فكرت ودخلت باسم ثاني علشان مابي احد يعرفني انا متزوجة من 15 سنة زواج عادي تقليدي واللة رزقني 4اولاد والحمد للة وهو اكبر مني 7سنوات وبعد هالسنوات مادري اشطرى علية يبي يتزوج طبعا انا اول شي ما قالي يوم طحت علية من سنة يدخل مواقع الزواج وشوف بريدة ما تدرون يوم شفت بريدة وش صار فيتني بغيت اموت حاولت اعرف ليش يبي يتزوج ندرون اش عذرة ان الشرع حلل اربع وهذا الشيء فطرة بالريال لا تقولون اني مقصرة معاة ترى بالعكس الحمدللة والة يتنات من القهر ما شفتوا الامراض الي ياتني منة ومن معاملتة لي طوال هالسنوات وانا متصبرة واقول انا يمكن احسن من غيري اصدقون واللة انا اكتبلكم دموعي تنزل من القهر والحسرة على عمري الي راح معاة يعني بكافئني بيبلي شريشة واقولكم شي احنا قاعدين في بيت اهلة ماعندة بيت مرات يقولي انا بحطها بالملحق وانتي فوق لان ما يقدر يخلي البيت نراة عمرة ما سافر معاي ولا ساليهات لو يوم واحد والحين قاعد يقنعني انة نفسيتة راح تصير زينة ورا ح اسوي واودي وبالعطلة سافرت مع عيالي وانا على نيتي قالي اخذيهم كلهم وياش طبعا انا شكيت بالموضوع ولا معطيني فلوس انذاكر اول مرة اثارية حجز حق دولة عربية بيتزوج بس ربكم ومزهب كل شي بس مايقدر يسافر علشان ظروفة بالبيت ما يقدريخلية وخوانة ما خلوة يسافر ولا عندة واحد بدوام مزهب كل شي بالسفرة واللة يا بنات قاعدة اعاملة احسن معاملة وهو بين فترة يفنحلي الموضوع وانا ادري ان الشرع محللة بس انا اعرف نفسي ما راح اتحمل ناس يقولولي قولي حق خواتة خاصة ان هو يحترمهم بس ااحس اني لاعت جبدي من هالموضوع حتى نفسيتي كلش مالي خلق وانا دايما احاول اشغل نفسي ودايما ادعي ربي ان اللة يردة ويبعدة عن هذا الشيء وكل ما فتحلي الموضوع ما خليلة في مجال كلش واقولة عياللك عندك وانا ما علي قاصر دلوني شسوي لاني صج تعبانة

اقولج شي لاتنصدميين
انا اكتشفت ان المرة السنعة :friends:تفتح نفس الرجال ع الزواج
عكس المرة الرفلة:23_asmilies-com: راح يكره كل الحريييييم بسبتها
ومايفكر يتورط
مادري هذيوجهة نظر ان ملاحظة كل الحريم الي ازواجهم يتزوجون عليهم حريم مثاليات

الله يخليه لج ويهون

 

[حراااير]

رد : زوجي يبي يتزوج يا بنات

مممكن اسالج سؤال شوفي شنو ماسويتيه سويه يعني غ
يري اللوك البسيلها بواريك كل يوم شكل جديد وسويله حركات ونتي عارفه شنو قصدي وغيري موديل غرفتج وشوفي راح يحس بتغير وحاولي تهدين حيله ونتي فاهمتني ياقلبي وديباج جديد . وردي علي وقوليلي شنو صار معج امانه لاتنسين

 

[دلوعه ناعمه]

رد : زوجي يبي يتزوج يا بنات

الله يهديه

 

[محبه نسكافيه]

رد : زوجي يبي يتزوج يا بنات

تسلمون على ردودكم ونصيحنكم لي استغفر اللة كارها كل شي حتى البيت كارهتا مالي خلق عيالي كلش