زوجي يبي ..... !!

[مـزآج ــــية]

اهم شي انه ما ياب لج و يبيج اتيبين له !

و بعدين مو حجة انه ما عنده فلوس كان المفروض ايمع من قبل لو 20 دينار يشتري لج عطر يفرحج فيه

بس بعض الريايل مادري شلون الله يهديهم

انا اقول يبي له كيكة بدون هدية

 

[يا كويتنا]

بالعكس زوجج ما قصر كيكه واهم شي تذكر عيد ميلادج لو ما جاب كيكه كافي انه يهنيج فيه لو بكلمتين


احسن من غيره



تبين شوري سوولج ليله خاصه وجيبي كيكه واذا في ميزانيه اشتريله ميداليه اسويتش او اي شي حسب ميزانيه لا تضيقين علا عمرج انتي طالبه



واستانسي بحياتج

 

[ثلاثيني منفصل]

قدميله هديه وكرت وخليك المبادره وهو ماراح ينساها لك ..

 

[كويتيه فرنسيه]

والله حمدي ربج انه ذاكر تاريخ ميلادج وجاب كيكه ترا اغلبهم ينسووون

انا اقول اشتري كيكه وهديه بسيطه روحي بودي شوب واخذي مجموعه كامله عطر وشور جل وغلفيهم مع كرت كشخه كتبي كل عام وانت حبيبي ماراح تكلف عليج 20 دينار << سعر وجبات الاطفال اذا طلعناهم للمجمعات يعني ماراح يعيقج هالمبلغ

وسوي حفله صغنونه استانسو فيها وعيشو حياتكم وصدقيني راح يبين بعينه وبيجيب لج هديه حلوه بالمناسبات الجايه

 

[bal8es]

عاملي الناس بأخلاقج و الي تحبين يعاملونج فيه مو بأخلاقهم ولا تصرفاتهم
تقدرين من اعانتين تشيلين 30 او 40 دينا وتيبن له فيها بوك حليو او عطر حتى لو مو يوم عيدميلاده اذا ما تقدرين وقوليله حزتها هديتك توصلك بس مو الحين

 

[اميره1980]

صيري احسن منه و لا تعاملينه بالمثل
سوي ليلة خاصة فيكم و جيبي قميص نوم جديد و باجي الحركات اتي عارفتها
سوي كيكة حلوة و بسيطة من ايدج الحلوة و اذا ما تعرفين دشي قسم الحلويات هني فيه 100 كيكة و شغلات بسيطة بعد ما يبيلها شطارة

اشتري حقه عطر حلو و مو غالي
عندج عطورات العبدالمحسن عجيبين و حلوين و الله خذيت منهم مره عطر ب 5 دنانير لكن كلمة عجيب شويه عليه اسمه جوى رجالي و لمن ريلي يحط منه الكل يسأله شنو هذا ؟؟
الله يوفقكم يا رب

 

[جوري 2007]

الكيك بالكيك والبادي اظلم

ريلج يضحك مااييب لج هديه ويبيج تييبيله وانتي طالبه بعد !

ييبي كيكة وسوي جو بس بدون هديه واذا قط نقزة قوليله من وين اييب فلوس اطر ؟ انت اللي عندك معاش مايبت تبيني انا اييب لك

 

[بنت الاحلام]

انا راي من راي فوفو صاجه والله
لا تخلين الموضوع هات واخذ هذا زوجج مو رفيجتج

وانتي صيري احسن منه دايم

 

[كويتية نايس]

يامامي زين اهوو تذكر عيدميلادج وياب لج كيكهـ
المهم انا اقول سويلج حفله لج ولهـ
ييبي له كيكه وهديه عطر بووك مجموعه من بودي شوب

 

[al-musk]

مادري هو ماقصر جاب كيكة وحلوة ان جدام اهله ومانساج وهالشي هو الي له قيمه مو الشي المادي وحلوة منه وكفاية انه عذره جاهز ان ماعنده وهالشي كافي يعني الرجال متعذر منج وانتي بحياتج معاه لاتكونين مدمغه وتعطين بدون حساب بس حسبيها بطريقه ثانية انج لما بتجيبين وبتسوين شي زين فهو لأنج انتي حابه هالشي ولأنه بيسعدج انتي قبل مايكون له هو ومع الايام بيغرز بعينه ..

يعني الخلاصه لما تقدمين شي قدميه لذاتج انتي وسعادتج ووناستج قبل ماتنطرين اي تقدير من الناس

 

[لجلك سهى فكري]

يا اختي الدنيا ماتوقف على هديه ( اوك معاج ان والله شي حلو يذكرج حتى لو شي بسيط تكفي الذكرى )


والله تكفي الذكرى مو تذكر وجابلج كيكه بس لاتكبرين الموضوع , احتفلي معاه حفله صغيره جيبيله هديه على قد اللي عندج اكيد بيعذرج لانج طالبه مو شرط هديه يعني بقيمتها لا اختاري شغله حلوه وتقدرين تلعبين فيها يعني من ناحيه التزيين وفكره تقديم الهديه ( بينسى شنو الهديه ) ويستاانس على طريقتج وفكرتج صدقيني والله .. مووووفقه انشالله يا اختي


هذا رايي ولو اني ما تزوجت للحين بس حبيت ارد عليج

لاتكبروون السواالف والله يكفي انه تذكر في نااس ماتذكر بالمره


تحياتي لج > طمووووشه

 

[cramela]

شوفي يا قلبي لا تذكرينه انا صار لي 6 سنوات ما ذكر اللا السنه اللي فاتت عيد ميلادي واشط عمري وسوالف هالسنه قلت بلا عيد زواج بلا عيد ميلاد بلا بطيخ ما راح اذكره كلش لان قلبي نضي يا ناااااااااااااااااااس بس

 

[Om_Abdulrahman]

معاها
روحي صيدلية بوتس

في عطورات بخاخات تينن وشور جل ولوشن

ما يكلفج اكثر من 5

جربي هالمرة واذا ما فاد وضل بمجعصيته عودية
احسن ما يتعود مع غيرج
علميه اهمية هالمناسبات واهو دام ياب كيكه بادره حلوة
وعالصوايغ علمية بالويهه هاذي مو مناسبه تنطرين يتذكر
هادج ومسافر ولا هدية
لا طلبي من اول ما يوصل لي المطار قولي له ابي هالعطر
خل يتعود تصير ايده خفيفه معاج ..

مع كلامها:eh_s(15):

 

[لولو كـاتي]

انا مع ام شمس وقمر


احمدي ربج انه ذاكر يوم ميلادج

ونااااااااااااااااااااسه انه جابلج الكيكه جدام اهله يعني يبين لهم انه يحبج وانه من فرحته بيوم ميلادج يبي الكل يحتفل معاه

وحلو انج تحتفلين فيه مع اهله وجيبي الهديه حق امه وقولي لها محد تعب غيرج في اليوم <تاريخ ميلاده> يا خاله هههههههه ا و اشكريها انها اهدتج اجم هديه الا اهو زوجج وصدقيني بتغنيه عن الهديه الملموسه


فكره شريره مو

 

[انا لحبيبي .]

امممم .. هو غلطه انه قاعد برمي نغزات ، انا ما بحب يلي برمي النغزات كأنه الشي اجباري .

اعمليلو شي خفيف بالبيت حبيبتي ،

 

[دمثة]

اخذي له هدية وخلاص

 

[7aram 3zoz]

ترى حياه زوجيه مو أخذ وعطى
حمدي ربج اذكرج في ريايل مايعرفون يوم العيد ميلاد متى
وزين يابلج كيكه جدام اهله وبين لهم حبج
مو شرط هديه
في ريايل مايهتمون بالهديه
وانتي لاتاخذين شينه منه وتقطين الحلوه
لا حبيبتي اذا تقدرين ييبي هديه واذا ماتقدرين
سوي كيكه ولا طلبي كيكه وحطي شموع وبالونات
ولبسي وكشخي واستانسي معاه
يمكن اهوا ماكان عنده فلوس ايبلج هديه ويعوضج اهو
وارد واقول الحياه زوجيه مو اخذ وعطى
اسفه طولت عليج
بس البنات الي يقولون طنشيه مثل ماطنشج لا لا

 

[دوووووووووووبا]

على الاقل جاب لج كيكة المفروض تفرحين على الاقل احسن من ولا شي

صاجه اختي انا معاها

 

[ليمار الكويت]

خلج احسن منه لو تسوينله حفله بينج وبينه على قد ميزانيتج وانشالله تبين بعينه

 

[queenbeeuty]

up up up