زوجي يخوني وماعرف شنو اسوي معاه

[دلوعة حمني]

حبيبتي انت ماعندج شيء يقطع الشك باليقين صح؟؟ خليج اذكى من زوجج و قعدي يمعي الادلة و الاثباتات....و لي تأكدتي 100% حزتها حاصريه بالتحقيقات... ترى من صجي الرياييل مثل المزلقانة ما تقدرين تصيدينهم او تمسكينهم بإيدج علشان جذي لازم يكون عندج اثبات.. و من الحين لين تيمعينهم خليج على حالج و صبري... بس كشتي فيه شوي علشان يحس شوية...

سوري طولت عليج

الله يهديه لج و يسخره

 

[ريماس77]

الشكوه لله حسبي الله ونعم الوكيل استخفوا واقعدوا

 

[ام منوووره]

بنات شنو تقترحون علي اشلون اصيده عشان اواجهه احسه الحين يحاسب اكثر في كل شي

شنو رايكم افاجأه مره وحده واقول له ابغي اشوف البي بي ؟

 

[PuPa^^SWeeT]

حاليا انتي موو بايدج شي

لأنج ماعندج دليييل

كل شي يقووله مقنع

انتي لهييه بالبيبي معااج

و قولي ابي اطلع اغير جو وياك

اذا شفتييه لاهي بالبي بي قوليله يسكر التلفون حدج انزعجتي

مابايدج الا انج تدعييين على سيادتج حبيبتي

وربي يكوون ف عوونج ويكوون بس حجي بي بي ينقطع مع الوقت

 

[shayom24]

ام منوره انتي نفس حالتي انا غيرت نكي عشان اقدر اشارك بالموضوع عشان في ناس يعرفوني من الأهل يدخلون المنتدى ماحبيت يعرفون شى عن حياتي انا بعد ريلي يخونني شفت في لابتوبه عنده صور وافلام وايد اتضايقت بجيت واتهاوشنا صراحه

انا موناقصني شى ومهتمه بنفسي كان ودي اعرف ليش جذي يسوي مره شفت مسجات بتلفونه وقت الي انا كنت مسافره شفت مسجات وانصدمت من الي شفته وللحين افكر ليش ما مسحهم ياريت ماكنت شايفه دقيت على رقم البنت وطبعا مااعترفت بشي عشان انا اعرف شنو السالفه وقالت هذه تلفون زوجي وجذبت وريلي عرف انا اكلمها دخل وخذا الفون مني وماخلاني اكلمها وعصب وصارخ علي انتي ليش

اتسوين جذي انا قلت لج هذي المسجات مو مالي مال رفيجي !!! ويبيني اصدق :-((( حسباله انا ياهل يعني رفيجه ماعنده تلفون ؟؟ ومسجل اسم البنت سبايسي نار ؟ وايد اتضايقت حسيت انا مااسوى ولا شى عنده ولا يحترمني مو مهتم فينا ويطلع مع

البنت بفلوس بعد ؟ انا الحين حامل كله عندي التهابات من شهر الأول اخذ علاج كله افكر واقول اكيد من ريلي اهو مايعترف شى دايما يجذب ويقطه براس ربعه بس انا صرت اعرفه عدل وشفت ايميلاته بعد بس موبيدي شى ما اسكت شقول له يعني؟؟؟

بنات انا نفس حالة ام منوووره ماعندي اى حل صدقوني مافي حل اذا اتهاوش

ومااسكت شنو الفايده ؟؟ المهم انه اهو مايروح حق الخرابيط مو انه انا اهدده او

افضحه عند احد من الأهل شالفايده يتغير ويهتم بس مايكون من قلبه شالفاااايده

حسبي الله ونعم الوكيل :-((( ادعولي

 

[لبى عيونه]

رد : زوجي يخوني وماعرف شنو اسوي معاه

الله يعينج وعليج بالدعاء

 

[shayom24]

حتى اذا عندج دليل مايعترف انا مواقف صارت معاى وعندي دليل وااناديه واوريه شنو هذه ابي اشوف رده يجذب ومايعترف وعادي عنده يصدق نفسه بعد ويخليج انتي اتشكين بنفسج للأسف انا اشوف الموضوع ماله حل

 

[ام منوووره]

اختي قطرات من الدموع كلمتها وايد على سالفة البي بي وقلته له انه يضايقني واذا انت معاي لا تنشغل فيه هالكثر بس مافي فايده يومين ويرجع نفس الشي او انه يطالع بالخش عشان ماشوفه ووايد تهاوشنا على هالسبب


وانتي صاجه اختي shayom24 حتى لو عندج دليل يطلع لج شلخه ويصدقها ويخليج اتشكين في روحج واتفكرين يمكن انا صج ظلمته
تدرين انا من فتره عرفت باسوورد ايميله بدون مايدري رحت شفت ايميلاته المرسله جان اشوفه مطرش حق وحده ويقول لها مبروك على الزواج ومادري شنو وانا ماراح اضرج لاتخافين بس تذكري انج انتي اللي جرحتيني وانه مانسى اول مكان جمعهم فيه وايميل ثاني تخيلي يبشرها انه بيصير ابو ويبيها تستانس له ويبيها ترد عليه باي شي وانا شاكه انه يمكن اهيه اللي يخوني معاها بس بعد ودي اتاكد
وماقدر اواجهه لانه بيقلب السالفه علي واشلون اتجسس عليه واشوف ايميلاته

 

[نور الكوثر]

امشي على نظام النقزات
ونصيحة لا تواجهين اذا اليوم وامس من وراج الشغل باجر جدامج علني ترا ذاك الساع بتنقهرين كسبيه

 

[قصيدة خريف]

رد : زوجي يخوني وماعرف شنو اسوي معاه

السلام عليكم خواتي موضوعكم شييييييييييييييييق بس ابيكم تقرون موضوعي وانتوا بتحسون بنعمة الي عندكم لاتفسقون.......................


انا بنت تزوجت من تسع اشهر وعمري 21 سنة انا ولله الحمد الكل يشهد بجمالي ومن عايله محترمه انخطبت لانسان من جماعتنا وصار نصيب وماخليت شئ ماشريته بجهازي مع ان مهري قليل امي زادته علشان اطلع بابهى حله المهم تم العرس وباول يوم حالي حال اي عروس مرعوووووووووووووووووبه والمشكله اني ماكنت اعرف شكل المعرس تصدقوون المهم بيوم العرس كنت خايفة وبالسوالف بغرفتنا سالني اذا الي قالوه الناس عني صحيح ولا لا سالني اني هاديه ولا لا قلت لا قصوا عليك انا عصبيه وعصب وانجن شلون تقولين قصوا عليك يعني انا مقصة وانهبل وقام يصارخ انا طبعا عروس وانصدمت وقمت ابجي شنو هذا مجنون شارب شئ اخذت مخدتي ابي انام على الارض وبعد عشر دقايق جا وراضاني المهم مرت الايام وكل يوم يهاوشني على شئ تافه واهله يحاولون يصالحون بينا بس المشكله اني عروس وماطلعت خلال هالاشهر الا ثلاث طلعات ومايعطيني مصروف اهله يتبرعون لي بعشر دنانير كل شهرين وسكت وصبرت قلت اكييييييييييد ماعنده مضغوط وبتفرج بيوم وانا الي ببيت اهلي مااحاتتي الفلس ومايخليني اطلع من البيت لاعرس لا خاله وماازور اهلي الا مره بالاسبوع ومان علي مع ان بيتنا مو بعيد عن بيت اهلي بينا شارعين بس وصبرت وبعد مو مخليني اشتري تلفون وحتى المطعم والبقاله مو مسموح لي ادق عليهم بعذر انه يغار انا حملت اول شهر وحاشني نزيف وماله شغل بعلاجي ولا السونارات ولايوديني للبيب اهلي كانوا ياخذوني ويمرني خمس دقايق بالمستشفى حتى بطل ماي مايجيب كان يقول كنت مشغول وصبرت يعشمني انه يحبنيي وصبرت علشان هالشئ وحاشني نزيف ثاني ومازارني الا هم خمس دقايق واهلي هم الي يراجعون فيني للعيادات على حسابهم ويعطوني مصروفي ولما طلعت من المستشفى مايخلون الخدامه تساعدني مع ان اهله يسوون روحهم يحبوني وخادمتهم بعيوني وطلباتهم مجاااااااااااااابه واقفه لغدياتهم وعشياتهم وصبرت علشان عيونه مع اني نازفه مرتين وبيوم شكيت من الم بظهري تخيلوا قاعد عالتلفزيون ورافض يوديني للطبيب وبعد يومين طحت بالمستشفى لمدة 6 ايام اعالج من التهاب حاد بالبول ومايمرني الا بطلعة الروح ومااااااايتعاتب مصيييييييبه لو عاتبته وجكيته اكثر من مره يغازل وهاوشته ويحلف اني موسوسه بس صبرت على كل الهم بس الي فجعني بالاخير انه كان يدخل غرفتنا ولو دخلت انام يتافاف مني علشان اطلع ويخلاله الجو ويسوي روحه تعبان ومايقربلي بالايام كنت استغرب بس اسكت استحي اساله ليه وبيوم دخلت عليه الغرفه لقيته متلحف وبوضعيه شكيت فيها طالعت يمه مالقيت موبايله كان مدخله معاه بالفراش اثاريه كان يكلم البنات ويسوي الحرام معاهم بالتلفون ماصدقت الي شفته نكرته واخر يوم كنت قاعده بالصاله وجا ودخل الغرفه الساعه عشر وقال لاتزعجيني بنام عاد انا تحايلت وقلت انا بنام بعد وشفت ويه انقلب وانسدحت سريري وقام يتقلب متضايق ويتأفأف وقلته فلان بسألك سؤال زفني وقال مالي خلق بنام لاتزعجيني سكت وعطيته ظهري وخططت بعقلي خطة قلت لنفسي قومي واقعدي بالصاله الكبيره لمدة ربع ساعة بعدين ارجعي للغرفة ولما رجعت لقيته ماسك تلفونه ويتكلم ولما فتحت الباب سكره فجأه وحطه يمه وسوا روحه نايم قعدت على سريري قام يتأفأف ونام وبعدين حطيت راسي بنام وحلفت اني لوقعد ت الصبح وشفت يمه كلينكس وسخ بطلع من البيت ومابرد المهم اصبح الصبح علي بطلعة الروح طالعته كان يسبح بالحمام رحت صوب جهته من السرير ولقيت كلينكس وسخ من البارح وسكت طلع من الحمام طالعته بنظرات احتقار ومشيت للحمام اسبح وابجي ويوم طلعت مالقيته موجود راح لدوامه رحت لخالتي الساعهة ست الصبح واخذت تلفونها ودقيت على امي وتركت البيت بلا عوده ودزيتله مسج ابي الطلاق وهو انصصدم وصارلي اربع ايام ببيت اهلي ومحد دق علي من اهله علشان يستفسر عن السبب بس انتظره يجي علشان افجر السالفه بويهه واني جاكته واني ابي الطلاق بس بخليها بيني وبينه ماراح اعلم اهله بالسبب حتى لو حطوا الاسباب فيني ابي رااااااااااااااااااااااااااااااااااااااااااااايكم بقصتي

 

[بوغاتي88]

والله ياحبيبتي ريلج مو اول واحد ولا اخر واحد يخون زوجته ياما حريم صارلهم 30سنه مع ازواجهم وبنهاية اكتشفوا خيانة ازواجهم لهم الحين اللي حاصل عندنا ان اللي مايكلم بنات على زوجته مو ريال عند ربعه جذي النظرية صايرة للأسف فأنتي في هالحالة مالج غير الصبر والدعاء عسى الله يفرج همج ويسخر هالريل لج ويهديه ويبعد عنه بنات الحرام وبنات الشوارع والاحسن لج انج تنطشين عشان صحتج اهو يستانس وانتي تاكلين بنفسج ليش وبعدين تذبلين وتجيج الامراض وتقعدين تراجعين من مستشفى لي مسشفى واهوا ولا على باله طنشي ياقلبي وعيشي حياتج

 

[غروري بطيبتي]

الله يهديه
والله الدنيا خربت والرجاال اللي مايكلم فووق مرته يطلع مو رجااال


حمدالله وشكر
مايبين بعينهم شي
بس اذا جتهم امرااااض ولا الله بلااهم بحريمهم وخوااتهم بيحسوووووون

ليش الله يبليهم بخواتهم وحريمهم
عسا الله يبليهم بنفسهم ان شاءالله
الزوج رايح فيها والزوجه ربي يبليها
ولا تزر وازرة وزر اخرى
بس جد تغثني كلمه بيشوفها باهله والله يبلي خواته ومرته
الله يبليه بنفسه الحقير
سوري اشتطيت شوي



قصيده خريف
وليش مايتزوج الزباله اللي يكلمها مدامه مايرتاح الا معاها ليش متزوجج !
والله يغثون اشباه الرجال
اخذي راي اهلج اهم اقرب الناس لج وبيعرفونج عدل وبيعطونج حل يريحج
والله يفرج همج

 

[غروري بطيبتي]

بنات الله يعينكم جد ويصبركم
استغفرالله الوحده ودها تزوج وترتاح وتزوج ويطلع زوجها اعوذ بالله
وعنده مليون وحده يكلمها استغفرالله
انزين تزوج وحده من هالبنات ولا تبلي بنات الناس معاك
الله يهديهم
الله يصبركم بنات
ويعينكم ويرزقكم الجنه
يبيلكم حلول جذريه وكل وحده تعرف زوجها واهلها وظروفها اكثر من البنات اللي هني
مالنا الا الدعاء
دقو على استشاريه واشرحولها كل شي وكل ظروفكم
واقعدوا مع نفسكم يومين براحه وهدوء وفكرو عدل بحياتكم
تقدرون تعيشون جذي تقدرون تغيرون ازواجكم
حاولو تسوون اللي عليكم واللي تقدرون عليه بس
والله يعينكم ويفرج همكم

 

[بوغاتي88]

قصيدة الخريف/ قطعتي قلبي بسالفتج الله يكون بعونج يا اختي شنو هذا وين قاعدين احنا اللي رياييلكم يسوون فيكم هالشي يوم انه مو قد الزواج ليش يتزوج عسى لايوفق كل ريال يخون زوجته شنو هذا حيوان بس همه يفرغ شهوته مع بنات الشوارع وبنات الحرام قربت الساعة يا اختي اللي يخلي زوجته حلاله ويروح يزني مع بنات الحرام عسى الله يبتليه بأمراض مالها علاج وفوق هذا حارمج من المصروف واهلج يصرفون عليج ماتقوليلي على شنو اسمه ريال هذا ربي لك الحمد انا اقول قعدي مع اهلج واشرحي لهم السالفة والله يكون بعونج وعسى الله يفرج همج ويهدي هالرياييل اللهم ياكافي مادري اشصاير لهم مادري قلة سنع بالحريم مادري قلة سنع وتربية في هالرياييل الله يهدي الجميع :yaaaaaarb:

 

[المكسيكيه]

الله يعينج

 

[ام منوووره]

قصيدة خريف عورتي قلبي حبيبتي الله يعينج ويرزقج على قد نيتج ان شاء الله

 

[ام سليمان 2008]

ماشاء الله عليهم البنات كفوو ووفو
حسبي الله على بنات بليس مايخلون احد بحاله جنه مافي غير المتزوجين
الله يهيده لج يارب ويخليكم لبعض ويهدي الجميع

 

[Aisha..]

شوفي الريال عمره ما يعترف انه خان شلون تبينه يخرب بيته بإيده و اذا عترف شبتسويين هل انتي تبين الطلاق و لا تبين تبينيله انج تدرين عن خيانته و ما تقدرين تسوين شي الاحتمالين صعبين و كل واحد امر من الثاني ..شوفي انتي موريته انج لو شيسوي فيج شاريته و هذا غلط لازم تفهمينه بطريقه غير مباشره ان ما يهمج اللي يبيعج تبيعينه ..عشان يخاف انه يفقدج و قوليله وحده من رفيجاتي طاحت على زوجها يخونها و طلبت الطلاق و اهي خذت حظانت البنت والنفقه و كل شي و حاطلها سايق غصبن عليه المهم و بعدها تزوجت غيره احسن منه ..اهو مني بيخاف اذا صار شي لا سمح الله شلون اكيد ما يبيج تسيرين حق غيره ف بيحسبلج الف حساب ويييييييع اصعب شي الخياااانه كرت الريايييل ...

 

[cuccl_1]

اول شي هذا زوجج مومهتم لج ولا عاطلج اعتبار او تقدير ولا معتبرج لأسباب كثيره
اول شي لو كان عنده سوالف بنات احترام لج ولبيته ما ادخلها بيته
والطامه الكبره على افراشج
والشي اللي مو مقدرج ولا حاطلج اعتبار اكلينكسات ما شالهم صج قويه ولا يستحي حيل
حيل حيل انتى ماكو شي من ناحيته
مو مهتملج انا اتكلم بوجب شكوتج وقصتج لنا
والشي الثاني المكياج على ملابسه شنو هل الاستخفاف فيج حتى لو كانت من دول نائيه تعرف شنو هذا اللي علي ملابسه شنو قاعد يستخف بعقلج
اما نصيحتى لج شوفي اذا عندج بنت لحقي على نفسج قبل لا يصيرومن خمس وسته وسبعه ويهدج
حطي النقاط على الحروف واجهيه اما يستعدل واما بيت ابوي اشرف من هذه الاهانات
وكل ما تسكتين على شي راح تشوفين شي اكبر
لمه تشوفينه معاها عينج عينج واذا كلمتيه زفج اشان كنتى تسكتين عنه فمومتعود عليج تكلمينه
ديري بالج واجهي ولا تخافين
كلمة تخافين منها بديها
هذه نصيحتى لج​

 

[^^المهره^^]

مدام قالج انا احاسب وماخون لاني ان سويت جذي باجر انتي بتسوين نفس الشي
معناته هو انسان يخاف من الحوبه وعقاب رب العالمين
فا انتي اشتغليله على هالوتر
ماقولج اهمليه
بس لاتخلينه اكبر همج نفس قبل
الهي عنه شوي
شفتيه مشغول بالبيبي مسكي تلفونج
حتى لو بس تطالعين صور ولا تكلمين اختج و لا رفيجتج لا سئلج قولي ولا شي و قطي التلفون يمه وقومي
انتي خو واثقه من نفسج وتدرين ان ماكو شي
بس اهو الي بيحتار وبين
لانه بتشككينه و بالمقابل مافي دليل
خليه ينشغل فيج شوي و كثري من هالحركات بس بعقل عاد لاتزودينها بعد
لان مهما كان هذا ريال ماعندهم صبرنا وحكمتنا
احنا وعليا نشوف ظيم و نسكت و نبلع واهم من اول زله يبيعون