زوجي يشرب ......

[عروسة اكتوبر]

عسى ربي يفرج همج ويهديه

 

[امـ خــزامـى]

حبيبتي انتبهي تساعدينه هالمره




حتى لو بيدخل السجن



انتبهي



وربي يهديه وسخره لك

 

[طيبة83]

خليه اداوم على صلاته

ان الصلاه تنهى عن الفحشاء والمنكر

 

[Um Tuki]

حبيبتي ما عليج مناللي تقول لج هدي البيت

احس لو هديتي بسوي اخس

و بحس روحه ضايع

بالذات ان هو ضعيف وايد

كوني يمه لين يترك هالشي و لج اجر عند رب العالمين

كلمي شيخ دين جوفي شقول لج

و دايما قعدي ولدج و اقري له قرآن و خليه يتعلم و يحفظ جدام ابوه

و قولي ربي يبلغني فيك امام مسيد يا ولدي

قوليله لاني احبك ماهديتك و الا انا شحادني اعيش هالوضع و انا عندي ولد اخاف يكبر و يقلدك

 

[الـكـاديـي]

الله يهديه يشرب خمر يعني حسابه عند الله حتى الصلاة غير مقبوله

 

[3houd86]

الوحيده اللي مرت علي مثل حالتج خالتي. درت إنه يشرب من أول ما تزوجته,و قعدت عنده 15 سنه نصهم ببيت أهلها. و ألحين متطلقه منه من عشر سنين تقريبا و هو كليته مادري جبده اندمرت و يتنوم بالمستشفيات.

عقلج براسج تعرفين خلاصج.
و اللي يناسب غيرج ما يناسبج.

 

[*سعووووديه*]

الله يهديه لك يارب
بس ياحبيبتي ماانصحك بالطلاق ابدا اي مشكله فكرتو بالطلاق
اذا كان عسل معاك وماضرك ابدا فلا تتركينه بالعكس خلك معاه لحد مايتركه على يدك باذن الله
كثثثثير اعرفهم ازواجهم يشربون ونفسك بس بالويك اند ومومقصر عليها بشي ابد وتحملو لين تركو ازواجهم الشراب
رجال وسمعته طيبه عند الرجال ولايخونك وقايم بصلاته وامور دينه وبار بوالدينه ومومقصر معاك بشي لا والله لاتتركينه اما لو مافيه هالصفات الله يعينك ماتنلامين لاطلبتي الطلاق
الله بلاه بالشرب مثل مابلا غيره بالحريم والزنا حااولي معاه
وانا ماقلت لك هاللكلام الا من شوف عيني نفس عينة زوجك
اما لو يضربك اذا شرب ومقصر عليك لا والله مايستاهل
لكن اذا كذا استري على زوجك وادعيله بالهدايه وحاولي معاه والله بيهديه ان شالله
بس مشكلته الله يهديه انه فصح نفسه
فكري فيها من ناحيه ايجابيه عالاقل يشرب هو اللي بيعاقب عند رب العالمين بس لو مايشرب ومحافظ وضرب فيك كل يوم يعني هونيها على نفسك شوي
والدعاء ثم الدعاء ثم الدعاء
وعلى فكره اللي اعرفهم يشربون الحين عيالهم يضرب فيهم المثل مااثر شراب ابوهم عليهم بهالشي
لكنه حرصان عياله مايدرون بس مرته ويقول لها ربي باليني وانشالله بتركه باذن الله
وطبعا يعشق مرته عششششششق موطبيعي يبوس اقدامها من وقفتها وياه وسترها عليه
مجرد نصيحه من اخت والله يهدي باله ولاتاخذين كلام الحريم تطلقي وتطلقي شوفي الردود الايجابيه فقط واتركي الباقي
خلي الطلاق لاسؤا الحالات لاسمح الله
طبعا كلامي عن اللي شربه قليل موليل ونهار يشرب

 

[فوزيه الراسي]

الله يهديه هالامر يتوقف يعتمد على صبرج

 

[كويتيه مذهله 87]

الله يعينج امر مو سهل عليج وبنفس الوقت الحب ذابحنه يمكن حل انج تصورينه تفيد جربي والله معاج بس لا تسكتين باجر يتمادي

 

[كويتية توتة]

اختي الله يعينج ع بلوتج
ثاني شي من صجج طبيب نفسي انا اقولج القرآن فيه شفاء
نصيحتي حجزوا للعمرة وقعدوا فيها جم يوم وقوليله اشرب ماي زمزم خله يغسل جسمك من هالمنكر وتوب لربك
وفي مشايخ هناك خليه يكلمهم عشان ينصحونه
والله يشفيه ويعينج

 

[7o0o0r]

الله يعينج ويفرجها عليج
دام الرجال يتحسف اعرفي انه وده وبنفسه يتركه بس مايقدر لانه تعود جسمه عليه
هونيها وتهون ادري الشرب شي صعب بس هذا بلاء من ربج وانه الله مع الصابرين
اصبري وتحسبي الاجر من ربج باجر هدايته علي ايدج بتكسبينه كزوج وبتكسبين ربج روحو للعمره انتي وياه بس اقعد فيها اقل شي عشر ايام عل وعسى الله يهديه بالعمره ويترك الشرب
الله يهديه ويردله عقله ويصبرج ويرزقج فيه متعافي يارب
اكثري من الادعيه احمدي ربج علي اللي انتي فيه ناس غيرج شايفين الويل من سالفة هالشرب
الحمدالله ياربي على كل حال والله يخليه لج ولولدج يارب

 

[ملح الكون]

الله يهديه ويسخره لج

 

[M!SS.LOBY]

الله يشفيه ويعينج

 

[ماي زهر]

لا حول و لا قوة إلا بالله

و لا تفكرين تقولين له أشرب بره !!!
خليه بالبيت و أستري عليه ..

و شوي شوي عوديه عالصلاة

قوليله أبيك تصلي بالمسجد ٤٠ يوم و أحرصي على صلاة الفجر و العصر قعديه مجبر و زهبي دشداشدته مبخره و معطره و أحرصي على صلاة اليمعه و أتبعي سنن رسولنا الكريم يوم الجمعة ( الأغتسال / التطيب / تقليم الأظافر / قراءة سورة الكهف ....) و حاولي تصومينه الأثنين و الخميس صدقيني شوي شوي راح ينشرح صدره و الله يفتح على قليبه و يترك هالمعصية الكبيرة ....

يعني لا تقولين له لا تشرب لأن خلاص ما راح يقتنع
قوليله إذا تحبني و تبيني أم عيالك أبيك تصلي بالمسجد أسبوع كامل و شوي شوي كملي الأربعين يوم و الله يبعده عن المعاصي و يهديه يارب العالمين