زوجي يطلب يجامعني ف فترة الملكة تعالوا قولولي شو اسوي ؟؟!!!

[توتا حمرا]

نصييييحة لا تسوين شي تندمين عليه بعدين
تخيلي ليلة زواجي زوجي قالي احنا مو جدد.. افهميها عاد
مع ان كان وقتها طاااير فيني وللحين بس ما حسيت بطعم ذيك الليلة
تمنعي بس بطريقة حلوة وماباقي غير 3 شهور خل تزيد لهفته عليج

 

[هذا مزاجي]

لا لا لا لا لا لا لا
ديري باااااااااااالج توافقين

 

[نور خانوم]

والله دام انكم كتبتو كتابكم خلاص يعني ريلج جدام الله والعالم .. عطيتيه هاذا حقه وماعطيتيه هاذا ريلج وتتحاسبين عليه

وانا من راي مابقى شي على عرسكم والله حلاته تعطينه يوم عرسج وانتي لابسه الابيض احسن بتكون ليله غييير عن الطياريه

حسسيه بهليوم قوليله لما ايلك بلبسي الابيض وانت معرس ولابس بشتك بتحس فيها اما جذي ماراح نحس انه احنا معاريس ..

 

[Queenleo]

انتي ضامنه شنو بيصير باجر؟
الله لايقوله مو ممكن لاي سبب ماتكملون
شنوو تسوين تالي!!
صح ريلج بس عاداتنا ان هالشي مرفووض
والريال مايقرب لمرته الا بعد العرس
لاتسلمين نفسج بسهوله
خليه يكون شفقان عليج
والي نطر سنتين ماينطر 3 اشهر!!
خلج قووويه وحازمه
لاااا يعني لاااااا

 

[ما كو اسم]

انا كنت بفتره ملجة وباقي اسبوع على زواجنا
وريلي سوا حادث واخوه توفا وهو بالعنايه المركزه وحالته صعبه
وتم ٥ شهور ...
والحريم بس يشوفوني ابجي وذابحه روحي عليه وقاعده يم راسه
بالمستشفى وهو مايحس باحد قالوا ايه ماخذها وحامل وخايفه يصير
شي وتتوهق .. وانتشر علي الكلام وامه كلمت امي عشان تسألني حتى
الرياييل وصلهم الحجي ...
والحمدلله كنت اطلع واروح وارد مع ريلي وجهزت شقتي وكل شي معاه ...
كنا نتبادل الحب والمشاعر ويحن يبي الجماع وماكنت ارضاا ارده بس بهدوء
وافهمه الوضع واشرح له ... وكان ينفر ويعصب بس تمسكت برايي لدرجه كان
يقول حق امه ماقدر عليها ... هي قالت كنت اسأل اخذتها ويقولي مو اي بنت هذي
ما اتسلم روحها بسرعه ...
والحمدلله ربي قومه لي بالسلامه وتزوجنا زفه لي الفندق بدون عرس ولا شي ... وحذفت
فوط البكاره بويه كل وحده دنيه تكلمت بعرضي وشرفي ... وتفشلوا لانهم قراب حيل منا ..
اذكر لدرجه كانوا يدزوني ويطقون بطني علبو حاشتني ... عشان يضروني ... واشكرا قالو
بويهي حامل منه صح وابتلشتي ....!!!!

هالزمن والله غير ساعات الريال ماله امان .. او اهله ... او الظروف ...

حاولي اتصبرينه وتبعدين فتره قوليله عشان اجهز وتشتاق لي واتغير بعيونك ليلة عرسنا ...
والله يوفقكم مع بعض يارب ...

والله عجيب يعني حتى لو داخل عليج انتي زوجته

 

[مجنونة هع]

هذا ريلج حلالج خليه يسوي الي اسويه دام انه طيب وحنون اه بس اهلي رفضوا المعرس

 

[سعوديه شرقاويه]

انا مع الاخت ام يارا القمرة عين الصواب

 

[ضحاوي الديره]

نصييييييييحة اخت لاتسمحين له كلش كلش كلششششش
دايم نقرا مواضيع اهني عن بنات يشتكون من رياييلهم انهم دخلو عليهم بفترة الملجه ولمن صار العرس وتزوجو صار في برود بينهم ونفر منها ريلها
انا ما اعمم ولا اقول ان ريلج جذي بس نصيحه لا تسمحين له وتمنعي صج راح يعصب ويتضايق بس راح تكبرين بعينه ويشتاقلج اكثر واكثر
نصيحه نصيحه عشان ماتندمين لا سمح الله كلها 3 شهوووووور تمر مثل ال3 ايام

 

[ديانا سبنسر]

مع البنات بليلة العرس احسن

 

[نونو العصله]

حاولي تقللين مكالمات معاه
تحججي في اي شي
ليما يصير العرس
ترا له طعم ثاني


ارفضي بدلع

والله يوفقج

 

[رتو الكيوت]

قوليله حريمتك

عقب العرس !

 

[الوفاا...]

مثل ماقالو البنات.. ولا تسمعين للي يقولج ريلج وحلالج ..
صح ريلج و حلالج .. بس انتي ماتعرفين شو مخبيتلج الايام ولا شو تفكيره ..

سؤال بس ... بينج وبين نفسج ..

تتوقعين امج و ابوج بيوافقون على هالشي ؟؟

لو الجواب .. لا .. يعني خلااااااااااااص .. هم ادرى بمصلحتج ..

 

[ابتسامه فورايفر]

لا توافقين ابدا
خليه هالشي بعد العرس مثل ماقالوا بنات

 

[ام اريج 22]

دييييييييييييري بالج تسمحيليييييييه صبر سنتين مو قادر يصبر ثلاث اشهر خليج دكيه الرجال لايقص عليج افرضي عطيتيه وصارت بينكم مشاكل وطلق انتي اللي بتوهقين يالخبله سسسسسسسسسسوري بس ابيج توعين

 

[دلوعة صلوح]

لا حبيبتى كل شئ بوقتة حلووو لا توافقين وحاولى انج ترفضينة بطريقة حلوووة وماتزعلة.

 

[Judy . abbot]

شهالخرابيط شنو كرها وعافها وقطها بيت اهلها وما سوالها عرس شنو هذا كلام اي عصر ??!
هذي اسرار بين المره وريلها كييفهم ريلها وحلالها ولو صاار هالموضوع محد له حق يتحجى

انا ضد انج تخلصين الموضووع مو عشان استغفر الله كلام بعض البنات السخيف
بس عشااان حلاات كل شي بوقته
وماتدرين الظروف حبيبتي شيصير وهالمرحله مرحله تعارف
بس بصراحه ملجتج طويله زين منه وعليا صاابر يعني هم الريال يحس جدامه مرته ومايقدر يسوي شي
بس ممكن يكوون في مقبلات قبل الزواج هذي لازم تصير عشان انشالله ليله العرس ماتستحين منه والشوق يزيد ومنها تعوضينه
والله يوفقج حبيبتي

 

[no0o0o0r]

اب وانا مع البنات بليلية العرس

 

[درة أهل الطولات]

خلي امج وامه بالصورة

 

[القطه توتو]

حبيبتي اذا اصر ممكن تكلمين امك ظروري لاتقولين استحي هذا مستقبل ماتدرين وش يصير 3شهور ماهي بسيطه وشوفي امك ايش تقول بهدوء هذا اذا اصر ومالقيتي حل خليها تكلم ابوك وانتي حلاله فهمتيني كثري استغفار واذا اتصل نسقي مع امك ترد عليه وتقول طالعين ولا في الصالون ولا الخياطه عندها ولا مسويه تقشير وماتبي احد يشوفها دبري نفسك​

 

[جدة الحلوين]

حبيبتى صح انت حلالة بس حلاتها يوم العرس وماتدرين شنو خاشلج الزمن الثقل زين ودايما حسسى أنج خايفة
ونحاشو بدلع والله يتمم عليج حبيبتى