زوجي يعتبر ولده مو موجود

[سحر 123]

• سلام بنات
• انا زوجي يكره ولده البكر ومايهتم فيه من ولادته حسته متظايق وما يابي شوفه ولا قرب منه ولم يبكي الولد وانا يكون مو موجود يخليه يبكي ولا يهتم لحين عمر ولدي12وجبت غيره ثلاث ولدين وبنت وزوجي للحين نفس تعامله معه مايهتم فيه كلش ولا مره سال عنه واذا مرض مايهتم ومايبي شوفه اذا شفه قاعد معنه بالصاله بدون لا يطلعه يقوله روح غرفتك ومايبيه اكل معنه دائما يقولي حطله بروحه واذا نبي نطالع بره البيت يرفض يخذه معنه اقولي انتي ودي اي مكان بعدين وما يتكلم معه ابد حتي لو لولد يكلمه سوي نفسه ما يسمع وبنفس الوقت يلعب مع الباقي ويحبهم ومهتم فيهم وطالبتهم اومر واي شيء يبون سويه عكس الاول بس لبس و غرض المدرسه اما لعاب او اي شي ثاني لا ويرفض انا جيبله شيء
• ولدي تعقد دائما علي بيله انا هو ماسوي شيء غلط عشان جذي ابوه يكره طول الوقت يدرس بس عشان تفوق وخلي ابوه يحبه واذا تفوق ابوه عادي مايهتم نفس عياله الباقي هو درسهم ومهتم فيهم و هو هادي يحل وماسبب مشاكل حتي لو احد ضرابه من خوانه او عيال عمه مادفع عن نفسه يقول عشان ابوي مايزعل ودائما يسالني ليش ابوي مايكلمني انا شنو سويت وبعض مرات يروح لابوه وتاسف بدون سبب بس ابوه ما ريد عليه واذا كلمت زوجي عشان الولد يقولي انا ماحبه واذا شفته يعصب وحمدي ربج اني ماضربه ما ودي اقول لولدي انا ابوك مايحبك حرام
• شلون قدر خليه يهتم فيه ما خليت شيء ماسويته عشاء احبه بس مافي فائده

 

[! بــدويه وآآيــد !]

،


ياحياتي ياولدج عور قلبي والله

لازم تكلمين شيخ دين يكلم زوجج بهالسالفه لان مانفع لا حب ولدج له ولا كلامج معاه

 

[عهد الغرام]

سمعت بام تكره بنتها لدرجه انخطبت تقول ازوجج فلانه هذي موحلوة طلعت وحده حاطه لها سحر وهي حامل فيها تبيخا تكره ةوجها صار السحر بالبنت شوفي شيخ والله يهديه

 

[Elizabeth]

لا حول ولا قوة الا بالله خلي احد قريب منه ينصحه او انتي ذكريه انه ولده حبيبه وفي ناس محرومين من الضنا الصراحة انا بحياتي شفت من نوعية زوجج ومع السنين يحس بقيمة فعلته بس متاخر عقب ما عياله كرهوه

 

[عسل مرت قيمر]

شلون ياااربي

واشمعنه اهوا


لو مثلا اهوا تعامله مع باقي عياله كلهم جذي ممكن تنبلع

بس مع واحد بس جذي


غريبه


شنو السبب


ليش مايحبه


انزين ليش يكره

ومعقوله كل الي يسويه ولدج وماكسر خاطر ه

عور قلبي لما قلتي يعتذر واهوا مو مسوي شي


حرااام بيخرب شخصيته


ليش جذي

والله مادري شقول بس معور قلبي الولد

 

[kanoosha]

يمكن انفستي وانتي حامل او احد مسوي لكم سحر وهالسوالف كل شي جااااايز بهالزمن ،،، الله يهديه ويعرف قيمة هالولد المسكين ناس ميته علي الظناااا

 

[أم ميميتو]

حرااااام عليه وانتي شلون ساكته كل هالفتره زين الولد ما يسوي بنفسه شي
بسبب معاملة ابوه

 

[اناظرك وكلي حزن]

وعليه حرام يكسر الخاطر ماله ذنب الله يغيره ان شاء الله ويحب ولده

 

[ليتني مـآ كبرت]

شفيه زوجج عقله صغير !
شنو يكرة ولده !!

المحبة بالقلب محد مفتش قلبك لاتحبه
بس لا تبين له !


تلاحقي على الموضوع باجر ترا كل هالكرة اللي تقدمونه لولدكم راح يرجع لكم

وتذكري محد راح يشيلكم عقب كبركم ألا هالولد

قعدي مع زوجج وخليج قوية وجادة
قوليله ماتحبه كيفك هذا شي بينك وبين نفسك محد يقدر يغير مشاعرك

بس بالمقابل عامله مثل اخوانه لاتبخس حق واحد فيهم على حساب الثاني

قوليله باجر منو بيراعيك ويداريك غيره
منو بيشيل اسمك غيره
منو إذا مرضت بيركض فيك غيره

ذكريه بالحساب وان كل شي محاسبين عليه والعيال أمانة برقبته

قوليله قصص أطفال انتحروا لأن اهاليهم كانوا يميزون بينهم

اي حبيبتي لاتستغربين ممكن باجر تقومين ماتلقين ولدج بداره

ولاتنسين ربع السوء ألحين موجودين وممكن ياخذونه وياهم سهر وطلعات وزقاير عشان ينسى .. ويخربونه لج

بعدين حرام هالفترة من عمره هذي اللي تتكون فيها شخصيته
وهذي اخطر مرحلة

ياعمري ولدج حيل حيل كسر خاطري
وَاللّـهْ لو أني منج جان حطيت حد لتفاهات أبوه

 

[نـوت الحلا]

لا حول ولا قوة الا بالله وربي قلبي عورني عفية قلب علية انتي عوضية عن هذا كلة صيري لة الام الابو كل شي ربج مايضيع حق​

 

[((البرنسيسا))]

حرام ليش جذي

 

[الغـــــزال]

طيب يوم سألتيه...وقال ما أحبه
ليش ما سألتيه ليش؟...أكيد في سبب..مو معقوله ما يحبه من الطريق
وأذا قال بس كذا ما أحبه..أكيد زوجك فيه شي..ولاااااااااازم يتدخل أحد بالموضوع
الولد يمكن تجيه عقده..وماتدرين شنو يجي من وراها..الله يكفينا وأياكم االشر

 

[سحر 123]

مشكورين بنات
والله ان يوميا يكلمه بس مافي فائده ومرات يقول خلص ان شاء الله راح عامله عادل ثاني يوم ولا جني ماكلمته

 

[سحر 123]

مادري والله ليش ما يحبه بس يمكن عشان المشاكل لي كان فيه قبل لا اولد بالولد وانا اذا سالته يقول بس جذي هو عنيد مايطالع مشاعره

 

[ملح الدنيآ.]

ياحبيبي والله ,, غورقت عيوني :"(

وسوي مثل ماقالت بدويه كلمي شيخ دين .. الله يعينج

 

[om-7asson]

اخييييييه حبيبي والله عور قلبي ولدج
الله يهدي ابوه

بس ترا مو شي طبيعي اللي قاعد يصير
كلمي شيخ دين مثل ما قالو البنات

والله يسر اموركم ان شاءالله

 

[miss swan]

وانتي ساكته ولدج امانه
تدرين شراح يصير بالمستقبل اذا سكتي
1)راح يصير انطوائي
2)راح يكره نفسه
3)شخصيته ضعيفه
حرام شنو ماكو احساس لو انا منج يقوله روح الغرفه اروح الغرفه اقعد معاه
والمشكله الكبير باجر حتى اخوانه مايحترمونه
واتمنى انج ماتلومنه اذا صار سلبي​

 

[ام زهقانه]

يا عمري عسي قلب ابوه الوجع
والله حبيتهاولدج ما اعني ما شفته
شنو قلب زوجك صخره استغفر الله
مالج الا الدعا واستغفار وتضرع الرب العالمين
ودعي ان رب العالمين يقذف في قلب زوجك الحب لولده
امين يا رب العالمين

 

[ماريمار الكويت]

حرام والله .. يقطع القلب

لازم تكلمين احد يحاجيه مايصير جذي هذا قطعه منه

 

[جوزائيه مغروره]

الله يحنن قلبه على ولده