زوجي يعتبر ولده مو موجود

[exanon]

يا حبيبي والله حرام الولد هذا مسكين الله يهدي ابوه و يخليه يحبه

 

[فراشه بيضا]

اعرف واحده ابوها مايجبها لانها تشبهه
اهو مايحب شبهه
ويحب باجي اخوانها لانهم شبه امهم

 

[om-3azo-83z]

واي يمه عور قلبي حبيبي والله هذا و اهوا البجر حرام والله الله يهديه انشالله
لازم احدةثاني مو انتي لا شخص يحترمه حيل و يسمع منه و يفضل يكون كبير يقعد معاه و يفهم الاسباب و ينصحه

 

[sosowaty]

عووور قلللبي وااااي

 

[Patcholli]

شعوره مو طبيعي اتجاه ولده

اخاف احد مسويلكم عمل او حاسدكم عليه خاصه ان اول ولد حقج وهالشي مخلي الابو ينفر من ولده

روحي حق شيخ دين وشوفي يمكن يكون السبب روحي مو نفسي

 

[كت كااات]

حرام عليه عالمعامله اعوذ بالله منه شهالمعامله هذااولده شلون يعامله هالشكل وشلون انتي تسكتين علي هالوضع لا حول ولا قوة الا بالله قسم بالله اخنقتني العبره ..... يا عمري عمره ولدج الله يصبر قلبه حاولي انتي تعوضينه عن هالابو الي مو كفو عيال ولا تزعلين مني قسم بالله قلبي عورني

 

[إماراتية طر]

الله يهديه ويسخي قلبه ع ولده
شو ذنب الياهل حرااام عليه بيعقد بالصبي

 

[Bloom]

الله يعين

 

[غنج بدويـه]

زوجج يبيله أوريه واحد بالعايله نفسسسه مايحب ولده ومعقده وكارهه ..

الولد الحين كبر وفعلا شخصيته ضعيفه وانطوائي حيل وع طول متوتر مايواجه المجتمع..

والابو تدرين شصار فيه قسم بالله امراض الدنيا كلها فيه .. يصحى وينام ع حبوب ومن علاج لي علاج ومن دوله لي دوله .. والمصيبه كل عياله مااهتموا فيه .. الوحيده اللي اهتم فيه ولده اللي مايحبه وحيل يحترمه وهو موكفواحترام أبد!

ليت عاد يبين بعينه ويندم قبل لحظة الفوت

حذري زوجج
قبل لايغضب عليه ربي ويشغله بأمراض لها اول مالها تالي !
والله يعينج حبيبتي

 

[بنت الاجواااد]

يما ليش جذي السالفه كلش موطبيعيه
وهم انتي امرج عجيييب شلون ساكته طول هالسنين

الله يعين هالصبي بس

 

[LadY BuG 80]

احتمال انه انتي حبيتي الولد هاذا اكثر من ابوه و خليتي الاب ينفر منه ؟

لا تزعلين من كلامي انا ما اعرفك بس توقعات .. لانه امي تعلقت في واحد من اخواني ترتيبه الثالث و قبله ولدين

بس امي الله يهديها بالغت في حبه لانه يشبه اخوها اصغير و كانت تدلعه علينا و تفضله ... انا ما كنت احس بهشي لاكن اختي الاكبر دايم تقول انه امي هي سبب كره ابوي له

بس اخوي مو انطوائي شيطان و شقي ههههه يعني كانت تهاوش ابوي عليه دايم و ما تخليه يدخل في تربيته و ابوي حطه في راسه عندا فيها و طول عمرنا و هم يتهاوشون على هلولد حتى لمن تزوج
و الحين عنده عيال و امي و ابوي يتهاوشون على عياله هههههههههه

بس اخوي لمن كبر و صار عند عيال صار متعلق في ابوي حيييل .. و بار فيه اكثر واحد

شوفي حبيبتي وين الخلل انتي اكثر وحده بتعرفين وين العله . الله يحنن قلبه عليه و يفرج همك

​

 

[انونا]

لا حول ولا قوة الا بالله انا مع ليتني ما كبرت


والله عور قلبي

 

[غرور محمد]

سامحيني بس ريلج ظالم
عور قلبي ولدج وايد
حاولي انتي تعوضين ولدج بالحب والاهتمام
الله يسخر قلب ريلج على ولده

 

[حرم حبيبي]

لحول ولاقوة الا بالله

 

[بنت شتره]

كسر خاطري ولدج

ادعي يحبب ويحنن قلب ابوه له

 

[ام كشـة]

عور قلببي ولدج


الله يحنن قلب ابوه علييه ,,

 

[Vous jamais]

صراحه احسن لج تستشير اخصائية اسرية

لانه الوضع لي تم جذي الولد بتصيبه حاله نفسية لا سمح الله

استيعيني بالله واكثري من الدعاء

 

[كت كااات]

امسق قريت بجريدة الوطن ولد عمره 12 سنه بالجهراء ربط نفسه بحبل وانتحر ؟؟؟ خفت لا يكون اهو اسم الله عليه ؟؟ بس عشان اديرون بالكم علي عيالكم سواء كان ابو ولا ام انتبهو لهم

 

[brettey]

وليش ساكته كل هالمده الله يهديج

 

[ديانا سبنسر]

ريلج معقد الظاهر انه اخوه الكبير كان مدلل وعلشان جذي قام يكره الولد البجر له السبب
وانتي امه وين دورج يعني يسوي بولدج جذي ويعقده وانتي ساكتة ماكو رد فعل ؟؟؟!!موكافي انج بس تكلمينه لازم يكون لج موقف
اذا قال ماياكل معانا مولازم اخوانه بعد ياكلون معاكم خلي غداهم قبل غداه وخليه هو بروحه يتغدا انتي حبيبتي لازم يكون لج دوووور هذا مستقبل طفل حرام ينهدم :rgewrg::rgewrg::rgewrg: