زوجي يعتبر ولده مو موجود

[قلب الزعابي]

حرام الولد في سن محتاج أبوه وايد
الله يعينه

 

[al-musk]

فعلا شي مو طبيعي

 

[a7la_7b]

استغفر الله العظيم
زوجج مريض لازم تخلينه غصب عنه يهتم بولده

 

[كـ غلا ــلي]

وي لا حول الله والله شي يضيق الخلق اشلون جذي حسبي الله عليه ما يدري في ناس تتمنى ظفر ياهل

 

[منووله مشعل]

لا حووووووووووووول ولا قوة الا بالله

 

[سحر 123]

مشكوين علي الردود

 

[صفحه بيضه]

ياحياتي حبيبي كسر خاطري حرام وانتي شلون
ساكته طول هالفتره حرام مافيج احساس طول هالفتره
ساكته جان فهمتي منه سبب كرهه للولد حرررام عليكم اكيد زوجج
مسحور ولا شي ياحبيبي الله يعينه يارب

 

[ضحكتي ماركة ]

اقري سورة البقره بماي وحاولي زوجج يشرب او وديه لشيخ لان

مو معقوله مايحب ولده الله يهديه

وزينه الحياة الدنيا المال والبنون

 

[ابني ملاكي]

اسال الله ان يحنن قلب ابوه عليه

 

[bnkya]

ذكرتيني بولد ولد عمتي سالفه قديمه بس شوفي جدته شنو سوت . بل ظبط نفس ريلج يهتم بكل عياله الي هذا الوالد اكبر اعياله مايهتم فيه وله يعبره كان يروح يودي عياله يشترون العاب ومايخذه وبل طريج يقول حق عياله الحين يموت حره يوسف وبل عيد يعطيهم 10
الي اهو 5 معنه اكبرهم , صارت مشاكل بين الام وريال عن الولد وليش ماتهمت فيه ونفس رد ريلج جذي , بس جدته ام امه امسكت الولد
واهوا كبر ولدج قالت له انت ليش تنطق ومادافع عن نفسك قال اخاف من ابوي . قالت له ( طز ) اب ابوك مالك شغل فيه انت اكبر اخوانك
انت الي لي كبرت تجيب حقهم , اسمع يوسف ان لم تكن ذئباً أكلتك ذئابو . لاتهتم اب ابوك حتي سلام لاتسلم عليه خله يولي اعتبره صنم بل
بيت مالك شغل فيه , لا تخاف منه قالت له كل يوم اطلع بل شارع وافتر لاترد علي ابوك وحتي لو طكك هم اطلع لاتخاف منه مدام اهو
مو مهتم فيك لاتهتم بكلمته , خلته يروح مع خواله لما يقعدون مع ريايل ماكنت تخليه يقعد لما تصير جمعت حريم علمته انه لما يكون مع
يهال بكبره او اكبر منه اهوا الي يمشي كلمته عليهم

تقول لما وصل عمره 16 تقول كان يروح مع عيال عمامه وخواله اكبر منه اعمارهم 20 كان اهوا الي يحدد مكان الطلعه كلهم يخافون منه
لما كبر وصار عمره 18 صارت عنده معرفه شلون يتكلم مع ناس وصار عنده ماعارف , لما اتخرج ابوه قام يقرب منه قاله شنو تبي تدخل ومن هل سوالف قال ابي ظباط قاله ابوه خلاص انا اشوف لك واسطه . قاله لاشكرن انا اعرف ناس مناك . الحين يوم تخرج وخلص من الدوره ابوه كل مايروح الي ياخذه معاه وكل كلمه والثانيه ولدي يوسف ولدي يوسف , والله انه ابوه الحين يقول انا ماقعد علي سفره
الي يوسف موجود

مختصر الكلام لاتخلين ولدج يهتم اب ابوه مدام اهوا مو مهتم فيه علمي ولدج مايخاف من احد مايقطع الراس الي ركبه
لا دلعين ولدج الولد مايتدلع البنت الي يدلعونها الولد علمي شلون يكون له هيبه بين الريايل

وشكراً

 

[راتشيل]

يحرام ليش يعامله بالطريقه هذي يمكن يغار منه
المهم سوي نفس ماقالت الاخت لي قبلي كلامها صحيح خلي لولد لايهتم بابوه وشوفي عمه او خاله غريب من عمره يقاعد معه وحوالي تقوين شخصيته ودافع عن نفسه
الله يهدي ابوه ان شاء الله

 

[كوريا وبس]

لاحولة ولاقوة الا بالله
انتى ليش ساكته لغاية الحين ماتخافين هل المسكين يسوي شي بنفسه
والله حرام قطع قلبي
ليش ماايحبه شنو السبب؟؟؟
حسبي الله ونعم الوكيل
اختي نصيحة بسرررعة بسررعة روحي لشيخ دين وشوفي شمسوين لكم اعيال الحرام
خافي مسوين شي يخلي الريال يكره ولده امبييييه اكو ابو يكره ولده يعني انتي بالله عليج مالحسيتي
انو الموضوع في انه اكيييد اكييد في انه ليش ساكته كل هالسنين مليصير روحي تحركي شوفي شل القصة
والله يهدي ويخليه يرجع ويحب ولده انتي بس رلا تياسين ظلي روحي لشيوخ دين
وادي انو الله يحنن قلبه على المسكينت ولده الي ماله ذنب
والله الهادي

 

[ل_و_ت_س]

ادعي ربج بثلث الليل الاخير وتضرعي وخلي زوجج يسمع بدون لايبين عليج انج تقصدين يمكن يخاف من الله ويحن قلبه ،،وبعدين خليج يم ولدج وقوي شخصيتج وشخصيته بنفس الوقت ولا تبينين له التعاطف ،،، بالعكس اذا اشتكى لج قولي له عادي ما عليك منه اهو يحبك بس طبعه جذي ،،، وناقشي الاب بطريقة جادة وحازمة قولي له سلوكك معاه لازم يتغير تغير جذري وملموس ومن هاللحظة ،، والا ماراح اسكت ،واذا انت موحاس بحجم المشكلة ،، فانا ما اقدر اسكت لحد ما تضير ازمة ،،، وقولي له انا ما يهمني طبيعة مشاعرك تجاهه ولا سببها هذا ان وجد اصلا اللي يهمني سلوكك ،، لانه حق الولد ،،، واهو اذا غير السلوك راح تتغير المشاعر باذن الله
*

 

[انثى عاشقة]

والله الولد يقطع القلب
=(
تخيلي باجر ينحرف ولا يسوي بعمره شي
كله من ابوه
لازم تكلمين شيخ دين او احد كبير من العايلة
الموضوع يبي له حل جازم
حراااااااااااام كسر خاطري ولدك ​

 

[عجميه ذوق]

بالله هاذا ابو والله قلبي عورني يارب يحنن قلب أبوه عليه.

 

[!الجادل الصعب!]

عسا الله يهديه لولده ي رب ..

 

[Alias]

شنو شخصية زوجج

 

[dubai girl]

حرام والله غمضني
اذا استمر على هالمعامله خل يعيش بيت يده احسن ولا هالمذله
انا الي اعرفه الواحد يحب عياله بس يحب واحد اكثر عن الباقين
مب يكرهه في حد يكره ظناه !!

 

[Perfect J]

انتي زوجج شفيه مو طبيعي !!!
الحمد لله والشكر للحين اكو ناس جذي @_@

ع الاقل ايام الجاهلية كان جهل ووأد بنات وهالسوالف
انما ولده البجر وجذي المعاملة.. عوورني قلبي على ولدج الله يكون بعونه بصراحة

واذا زوجج ظالمه مرة انتي ظلمتي ولدج مليوووووووون مرة بسكاتج
ذنب ولدج برقبتج ترا
شلون يعني يطلع بالصالة يقول ما بشوفه واكله بروحه ليش فلبينيتكم !!!

صحيح حركات زوجج تقهر ومالها مبرر بس يمكن معقد من شي ولا مسحور
انتي ليش موافقة على هالتصرفات ويا دوب كلمتين .. لازم تاخذين موقف
خلي كبار العايلة يكلموه وروحي مشايخ .. يعني حتى لو كاره ولده لأقصى درجة
يعدل بينهم بالماديات .. اوكيه لا تطالعه لا تكلمه بس لازم يكون معاكم بنفس المكان
ما يكون منبوذ، باجر اخوانه كلهم بيتجرأوا عليه

والله شي يقطع القلب لما قريت يروح يعتذر بدون سبب !! مسكييين :eh_s(2):
احنا نكون غلطانين ونكابر ما نتكلم وولدج ما سوى شي يعتذر .. يطر العطف من ابوه

12 سنةةةةة لحقي ولدج قبل لا يروح فيها اذا طلع معقد وجبان مين بينفعه >.<

الله يهديكم بس

 

[عن النسآ أفرق ~]

-


لا حول و لا قوة الا بالله​