زوجي يهدد أهلي

[ريم محمد زيد]

بنات انا لي 4 شهور معلقه عند أهلي وعندي ولد
أبوه مايدري عنه ولا يكلمه ولا شي
الحين اتصل على ماما وقالها بأخذ الولد جم أسبوع وبرده قتلها ما اقدر وأخاف مايرده ما أثق فيه
اتصل عليها مره ثانيه وقالتله تبي ولدها ماتقدر قالها باخذه باخذه لو بالقانون
هددنا بالقانون ونا خايفه يقدر ياخذه
ولو كلمته اخاف يطلق وأخاف يشوفني خفت والحين التهديد مشى معاي
ساعدوني وذا عطيته ومارده لي شسوي ساعتها ولدي ياناس وهو ماطلق لو راح القانون ياخذه مني

 

[الجادل الخشف]

ابوه ومن حقه ياخذه
استودعيه الله وانشالله يرده لج ماعتقد في احد بيتحمل الولد مثر امه مصيرهم بيملون ويردونه لج

 

[glby7sas]

حبيبتي خل يروح بالقانون اذا كنتي من اهل السنه لو ينقد مايقدر ياخذه منج الا اذا صايد عليج شي لاسمح الله

اما اذا الجعفريه فالله يعينج

فلايهدد بالقانون حتى لو ماطلق اشبسوي يعني

 

[*Pink Girl*]

ما يقدر يأخذه غصب الحضانه لام
لما يبلغ الولد سبع سنين يختار أمه والا ابوه
اما البنت هي الي تروح مع ابوها

 

[فتاة الكوخ]

ما يقدر يأخذه

 

[Light-MoON]

بالقانون الكويتي يغسل ايده ياخذه الا لما يكون صايد عليج وعنده دلائل ضدج وهذي صعبه حدها وحتى لو تزوجتي تتنقل الحضانه لامج وله حق الشوفه وان يصرف عليه ويعطيج مرتب حاضنه وخادمه وسايق و اجار مسكن

.... قولي له تبي تشوف الولد من حقك تعال شوفه بيتنا تاخذه لا وبلغي اخوج او ابوج يكون عنده عشان لا يخطفه وياخذه واذا قال بوديه الجمعيه او البقاله خلي احد من اهلج يروح وياه

 

[mrs.abk]

أنا أقول روحي ويا الولد وقصري الشر .. حاولي تخذين ما بخاطر زوجج وتجمعين الشمل ..

 

[أم حسوون]

السلام عليكم ، مع الأخت اللي فوقي.

 

[M!SS.LOBY]

الله يكون بعونج

 

[^كويتية^]

الله يكون في عونج وييسر أمرج ويكتب لج الخير وين ما كان

 

[عاشقة هواك]

الله يهديكم وترجعون حق بعض يارب

 

[هيبة ملك]

ردي لابو ولدج. واقصري الشر

انا. اذا مايستاهل. ردتج. فيحلم ياخذ ولدج

 

[شندوخه]

اذا انتي كويتيه والمحكمه السنيه عقدت عليكم

هني يغسل ايده ياخذ الولد

لكن لو المحكمه الجعفريه
الحسبه تختلف

 

[بنت عطا]

ع كلام البنات لوكويتيه ماياخذه لو يذبح رووحه وعنده ساعات زياره محدده من المحكمه الا اذا عنده شي عليج من سوء معامله او شي واثبت ياخذه

 

[CuTe KuwaiTia]

الله يصبرج يارب ويعينج

لا تخافين حبيبتي اتكلي على رب العالمين

و نصيحتي والله الصلح احسن دام في طفل بالموضوع​