زوج خالتي يتحرش فيني .. سمعووووو سالفتي

[خفآيآ الرؤح]

السلآإم عليكم"





بنآت أول شي وقبل كل شي عفـية .. قروب شارلوك هولمز الي بينطون ويقولون " كويتية جديدة " أكيد ولد .. من الحين out

انا عضوة معرووووووووووووفة معاكم بالمنتدى و تبون الصراحة انا من العضوات الي واااايد احب انصح خواتي العضوات وافيدهم بكل الي اقدر عليه بس على هذا يا كثر المشاكل الي عندي و الي ادورلها حل يعني تقدرون تقولون انصح غييري لكن مو قادرة انصح نفسي [ باب النجار مخلـّـع ] :denya:

عندي اكثر من مشكلة لكن ماراح اطرحهم كلهم مرة وحدة لاني امر بمرحلة صعبة بحياتي محتاجة ارتب اولوياتي وابدي من الاسهل لي الاصعب .. :gr4uu:

مشكلتي الاولى اهي زوج خالتي ..
بسولفلكم عن كل شي وابيكم تسمعوني لي الاخر و ابي رايكم ..



امي عندها من مرت ابوها خوات و سالفتي ابتدت مع زوج وحدة من هالخالات .. خالاتي بعمر صغير كلهم بالعشرينات وزوج خالتي الي راح اتكلم عنه بـبداية الثلاثين يعني ماتعدا ال32 سنة
علاقتي بخالاتي انا بالذات مو قوية وايد يمكن وحدة منهم الي شوي كلوز معاها اما الباجي تقدرون تقولون علاقة عداوة من تحت لي تحت يحفرولي وايد و مايحبوني و وايد يغارون مني مادري ليش !!!!
خالتي هاذي بالذات من النوع الي طيبة حيل لكن مع هذا ماتواطني خصوصـا من تزوّجت واهي زااادت بغيرتها مع اني ماسوي اي شي يزيد الحطب ع النار والله :gr4uu:
المهم بنات خالتي هاذي من النووع الي ماتعرف تلبس ولا تكشخ ابدا ابدا ابدا و حتى مكياج ماتحط ولا حتى عدسات ولا شي كلش ! وان لبست ماعندها ذوق ابد بنات هذا مو كلامي والله هذا كلام الكل ..
انا من النوع الي احب اهتم بنفسي وايد و بين كل فترة وفترة اطلع بنيولوك وانا بيت خوالي ماروحه وايد اساسا فـكل مايشوفوني اكون متغيرة عليهم ..
الحمدلله الكل يمدح بذوقي حتى حريم خوالي مرات يشاوروني بملابسهم و ديكورات غرفهم و مكياج و صالونات وخلطات وجذي لاني وايد احب هالسوالف
زوجها عينه زااااااايغة بنات والله اهمة من تزوجو ليلحين صارلهم 3 سنين تقريبا والله من اول مادخل بيت خوالي والكل ملاحظ ان عيونه زايغة .. وكان يتعمد يتلزق فيني وايد حتى لما نكون قاعدين كلنا مجتمعين عقب الغدا نسولف و جذي يهد الكل ويقعد يدورله اي سالفة معاي بالاول كنت اخذها بحسن نية بس قامت تزيد ..
بنات كان كله يسألني اذا عندي رنات و صور يديدة وانا على نياتي اي شي يديد عندي ادزه له ..
اول مرة دزيتله رنة قالي عندج شي يديد قلتله اي لحظة اسمعك اياها قالي لا لاتسمعيني انا اثق بذوقج كل شي منج حلو خذيتها كمجاملة و سكت و لما سألته شنو نكك بالبلوتوث قالي بدايته بس ولما شفته بتلفوني ولا كان النك الي اهو قاله ويمه رقمه انا طنشت قلت نكه واهو حر فيه انا شكو يحط رقمه يحط عنوان بيتهم كيفه ومرة قالي بدزلج رنة سمعيها بس ها لا تمسحينها لو شنو .. ويوم دزهآ ولا راشد المآجد " دنيآك دنيآي .... < من اغنية علمني وشلون أنسآك " !! و حاط اسم الاغنية رقمه وكاتب يمه بالانجليزي call me
المرة الثانية كان توا شاري تلفون يديد و عقب الغدا قعد يحن بوريج تلفوني يديد ومادري شنو و منزل فيه وايد رنات و جذي وانا كشيت منه بصراحة قلتله بأدب لا مشكور مابي اشوف عليك بالعافية و اهو من النوع الي حننننة قعد يحن و ملزم لا والله شوفيه ومادري شنو قلت بمسكه بس جذي على بو قاعدة اشوف و اعطيه اياه بس عشان يسكت
بنات لاحظو هالحجي جدام الكل يعني الكل قاعد بس ان لاهين كل واحد يسولف مع الثاني
خذيته منه ولا بسرعة يقولي لحظة لحظة عطيني اياه
ولا اعطيه و تعبث فيه شوي جان يعطيني اياه ويقولي " اي الحين شوفي .. وغمزلي " !!!
طنشت الغمزة قلت يمكن مو متعمد ولا يمكن انا يتراوالي ..
طالعت التلفون ولا والله يا بنات كان حاط ع الفيديو الي بفونه و نظام تلفونه ان الفيديو يصير مثل الصورة يعني من تشوفينه من برا تعرفين محتواه و الفيديو كان " فلم ××× " !!!
انا قطيت التلفون عليه وقمت وانا ساكتة ولا تعليق و ماشفته عقبها طول اليوم تحاشيت اني اشوفه
المرة الي بعدها قعد يحن كالعادة بطلي بلوتوثج بدزلج شي و من هالحجي و لما بطلته ودزلي ولا طلع دازلي فيديو رقص بنات بحفلة خاصة @@ حفلة خاصة يعني قعــدة !!
والرقص كان كلمة رايح فيها شوية عليه جان امسحه و اسكت خفت ماعرفت شلون اتصرف معاه و تحاشيته جم اسبوع ماقمت اروح الزوارة عشان ما اشوفه
بهالفترة كنت طالعة مع رفيجتي وصادفت وحدة من رفيجاتها وقعدت معانا .. شوفو الكويت شلون صغيرة طلعت البنت هاذي تصير حق ريل خالتي من بعيد بس ان اهمة على طول معاهم يعني تشوفونه بجمعاتهم وجذي .. يوم قلتلها انه زوج خالتي جان تبتسم جان تقولي نصيحة ديري بالج منه .. انا سكت جان اقولها شلون يعني من اي ناحية .. جان تقولي بس ترا الريال مو مظبوط لا يحلل ولا يحرم .. و بس عقبها ضاعت السالفة و ماسولفنا فيها مع البنت ..


لما شفت ريل خالتي المرة الي عقبها كان بالصالة الداخلية قاعد ع القنفة و خالتي الي اهي زوجته كانت نايمة حاطة راسها بحضنه و متمددة ع القنفة وانا مريت مادري انهم بالصالة كنت مارة اخذ شغلة وامشي جان يقولي فلانة تعالي شوي <
انا اول شي وقفت افكر بعدين قلت شيبي يسوي وخالتي حاطة راسها بحضنه مايقدر و اصلا احسن اذا فكر انه يسوي شي عشان تشوفه وتعرف اهو شنو من "حشاكم" زبالة .. رحت جان يقولي تعالي قعدي هني < ويأشر ع القنفة الي يمه قريبة منه حيل بس منفصلة عن الي اهو قاعد عليها .. قعدت !
جان يقولي بصوت واطي .. ماعندج صور يديدة بالتلفون قلتله لا انا مانزل صور و ماعندي غير صور اليهال الي طرشتلك اياهم جان يقولي " صورة مني مناك " استغربت جان اقوله شلون يعني صورة مني مناك @@
جان يقولي يعني " صورتج بدون حجاب شي " و غمزلي !!!!!!
هالمرة تأكدت إنه غمزلي مو يتروالي نفس المرة الي قبلها @@
جان اطالعه وانا حدي مصدومة من كلمته ومصدومة ع الجرأة الي فيه شلون يتجرأ يكلمني بهالطريقة لا و زوجته نايمة بحضنه !!!!!!!
جان اطالعه من فوق لي تحت و قمت بسرعة طلعت من الصالة و ظليت ساكتة طول اليوم ومصدووووووومة !!
عقبها دااايما اتحاشاه بس من نقعد كلنا مع بعض مع الاهل وجذي كلن يلهى يسولف مع الثاني و انا كل ماطاحت عيني عليه بدون قصد والله اشوفه يطالعني و نظراته قذرررررررررررة تعرفين لما تشوفين واحد يطالعج بنظرة جنه قاعد يتخيلج مفصخة هذا جذييييي نظرته تخليج تحسين بإشمئزاااااز !!
و مرات كان يغمز من غير لحد يشوفه @@ فيه خبث مووو طبيعي يعرف متى يسوي الشي من غير لحد يلآحظ ..
و بنات والله مرات لما تطيح عيني بعينه يحط ايده على( ..... ) يعني جنه مو قاصد :eh_s(2):
و وااايد يدق على ابوي ويحاول يطق صحبه معاه وابوي مايواطنه مادري ليش و كله يحاول انه يقنع ابوي نطلع طلعات جماعية نكون كلنا فيها او ان نروح مخيمهم او شاليهم جذي يعني ..
اي و كله يقول حق خالتي جداااامنا والله جدامنا كلنا قاعدين يعني مثلا مرة خالتي قالتله بروح السوق اخذ حق العيد جان يقولها اي اخذي فلانة معاج < عني انا
اخذيها معاج خل تختارلج ماشالله عليها ذوقها حلو يعجبني .. و البلآ إن خالتي سكتت و عدتها عادي :lkmnkl:

بنات ادري وايد طولت عليكم بس شوفو من جم سنة شايلة هالحجي بقلبي و بس ابي افضفض !!
عطوني حل الله يخليكم لان والله زوارات قطعتها ماقمت اروح هناك والسبة هذا قمت اروح بالسنة حسنة وادعي من كل قلبي انه مايكون موجود وفعلا ً اغلب الاحيان مايكون موجود بس البلآ لمآ يكون موجود احس نظراته القذرة تآكلني ويييع :eh_s(2):​

بنات عفية مابي وحدة تدش تقول انتي غلطانة و ليش تبطلين بلوتوثج له ومادري شنو
ترا هالحجي هذا كله انا كنت بعمر صغير يعني مو الي افهم نفس الحين
وفوق كل هذا اقولكم كان خبيث يتعمد يسوي كل هالاشياء جدام الكل عشان يبين ان ترا مو خايف بس بنفس الوقت من تحت لي تحت يعني لما يقولي بطلي بلوتوثج وكلهم قاعدين وجذي بس ان لاهين باليمعة واللوية و جذي ماقدر اقوله لآ مابي ماني مبطلته ولا شي لان اي احد من الي قاعدين بيكون منتبه علينا بيقول شفيها ليش ماتبي تبطله اكيد في شي صاير و اكيد واكيد و بيطلع مليون استنتاج ماله داعي و اشياء وايد .. و بس مادري شقمت اخربط بس ابي رايكم عفـيه ..

 

[Un-6be3iya]

واي الله يعينج : \

انا من رايي خلج قوية ولا تهتزين جدامه ولاتعطينه ريج حلو ابدا حتى لو جدام الاهل
و الي يبي يحس خل يحس بالطقاق و اذا تمادى ضروري تقوليلهم

 

[ملآمح ترف]

آنتي غلطآآنه > كآآك آتغشمر



بس سج نصيحه تحآشيه لآتسولفين معآه وآذآ نآدج لصقي بآمج سوي نفسج مآشفتيه


بآجر يقلب السآلفه عليج تطلعيني آنتي سبب الخرآب ويقلب كل شي عليييييييج


وآذآ سوآ لو سآلفه نتفه علمي آمج سيده حطيهآ بالموووقف > علشآن آذآ تكلم ولا قال شي يبين آنه جذآآب


حبيتي هذآ امبين عليه بآآيعهآ ولا يكلمج ومرته بمه > آي شي


...

بآجر يقوول آهيآ تبيني ..




وحآولي ترقين نفسج بالاذكآآر قبل لا ترووحين الزوآآره ..

 

[دبي العز]

السلام عليكم ورحمة الله وبركاته

:cxxxp::cxxxp::cxxxp:

لاحول ولا قوة الا بالله شو هالناسس شو هذا ماصاروا يخافون الله والعياذ بالله !!!!!

ماعليه علميه الادب :eh_s(13):

نزلي ايات واحاديث الي فيها عقاب وحساب ويوم القيامه وهالاشياء الي توعي الواحد وصور فيها كلام ديني

ومن يقولج طرشي قولي هيييه عندي شي واييييييد زيين حقك :jumpon: وطرشيله

اولاً بياكل تبن!!!!! ثانياً بيعرف انتي من اي نوع !! ثالثاً اعتقد هذا جواب حتي الابجورة بتفهم قصدج

نظراتج احتقار كلي كامل وحتى لو يموت لا تعبرينه لا تشوفينه بتاتاً حتى من باب الفضول ابداً ابداً ابعدي نظرج عنه جنه قطعة من الأثاث !!!!!!!
وان صار وشفتيه عطييه نظرة تبين له حجمه الحقيقي :jumpon:

وان يتج الفرصة انج توصلين له جملتين طبعاً ابداً لا تتصلين فيه ولا تفكرين ولا تطرشين مسج لا يمسكها عليج واصلاً الغلط ما يتصلح بغلط !!!!!!

قوليله والله في سماه ان ما احترمت نفسك ولزمت حدك وهذا اخر مره احذرك فيها قسماً بالله اكبر الموضوع واخبر عليك وتحمل الي بييك وانا حلفت بعدها ما اظن تشوفين ويه للابد

بعدين ليش تطرشين له رنات الله يهديج ناقصه تاخذين ذنوبه :jumpon: لا له ولا لاي حد غيره الواحد يكفيه ذنبه الله يهديج وانتي تتركينه باجر حتى لو تبتي تستأثمين لان رناتج تنتشر !!!!!

واذا قالج بعد مره عندج صور مني مناك قولي هيييه عندي صور حيوانااااااااااااات :eh_s(3): لا لا اسولف لا يتحرا الناس تنكت معاه الاخ بعد هالاشكال ينخاف منهم كل شي وصخ في حياتهم


عاد انتي فري نغزات يمعه قولي الواحد ماصار يخاف الله متزوجين وبعد يخونون وما يتقون الله ...........الخ

وعاد انتي يوم تروحين حاولي تتمسكين بالحجاب الشرعي اختيه وهذي نتايج اليمعات المختلطة ...الخ

الله يهدي ويصلح الجميع

والله يعينج حبيبتي

 

[الاسطورة]

الله يعنج
يا عمري على انسان مثل هذا

بس يا عمري هذا ما ينسكت عنه
لازم اتوقفينه عند حده
يعني اذا شفتيه مره ثانيه
وصار بينكم موقف زفيه جعميه

واذا ما تقدرين
كلمي خالتج الكلوز وقوليها عنه
خل تلاحظ وتشوف
علشان اذا صار شي ما شيات الله لايقول
خالتج الي اهي زوجته طاح عليه بسي من ناحيتج
يكون عندج دليل او شاهد عليه
ومايصير شي ضدج

لازم لازم احد يدري
هم علشان اذا حاول يتقربلج
او يسوي شي
اتحاول تسحبج من المواجهه معاه




والله يفرج كل همومج انشالله
واذا بغيت شي
لايردج الا الخاص
سواء بهالنك او نكج القديم

 

[ألايانفس......]

حبيبتي هالاشكال يبيلهم وحدة قوية وهدديه اذا سوى أي شي أنج بتفضحينه عند مرته وجماعتكم علشان باجر لا تطيح السالفة كلها على رأسج هالوصخين لازم اتعاملين معاهم بنفس اسلوبج يعني ((وقاحة بوقاحة))اذا لسانه طويل انتي بعد طولي لسانج ولا تخافين منه علشان لا يحس بضعفج

 

[ميمو "]

رد : زوج خالتي يتحرش فيني .. سمعووووو سالفتي

حبيبتي رأيي ما عليج منه روحي للزورات روحي للجمعات عاااددي وجنج مو شايفته وارفعي راسج خل يخق واذا قرب قولي بصوت واااطي لو سمحت بعد اذا ما رضى وقام يستخف دمه قولي شسالفه ترا اذا ما وخرت بفضحك واطلع سوالفك وانا بايعتها اذا ما اقتنع الحبيب علمي كل بنات خالج وخالاتج خل ينتهبهون اذا مصخها عاد طراااااق محترم قدام الكل وقولي السالفه كلها وانا اقول هذا الرد وانا عندي تقريبا نفس المشكله بس معا خالي يعني حاسه فيج حبيبتي والله اذا حاول صرخي وهاوشيه وخل مرته تعرف شكلها منخدعه فيه وبالاخير راح يجرحها

 

[كيفي قدساوية]

لا أختي منتي غلطانة اهو الغلطان و فيه مرض نفسي صج ما يستحي مرته عنده و يسوي جذي لو مو موجودة شنو يسوي على الزوارة ماله داعي يكون موجود عند الحريم ليش ما يقعد بالدوانية مع الرياييل

 

[pinks]

قولي حق أي أحد قريب منج وتثقين فيه مثل امج اختج اخوج بنت خالتج

خل يكون يمج بالزواره ويفتح عينه عليه عشان اذا سوا اي شي يلاحظ ومايعطيه مجال ومثل ماقالوا الخوات لاتعطينه ريج حلو

وديري بالج على نفسج من هالاشكال الي ماتخاف الله اصعب انواع التحرش الجنسي لما يكون داخل العايله حسبي الله ونعم الوكيل


والله يحفظج من كل شر ان شاء الله

 

[الفلفوله]

رد : رد: زوج خالتي يتحرش فيني .. سمعووووو سالفتي

طنشيه وكله عطيه نظرة تحقيير

واذا مافاد قولي لأمج

واذا بعد مافاااد!!!! قولي حق خوالج

صج مايستحي الله يعينكم عليه

 

[%F&R%]

الله يعينج

 

[.:غربة مشاعر:.]

وااااااااااااااي الله يعينج
تدرين لو انا منج ويسويلي كل هسوالف اشكره اقطها بويهه انت ماتستحي على ويهك وقليل ادب وحرام انك تقعد معانا انت مكانك الشارع ..
واذا سألوني شفيج اقولهم كل السالفه انه يسوي جذي وجذي وجذي وافضحه جدامهم عشان لايتمادى ولو سواها معاج مو بعيده يسويها مع غيرج من بنات العايله الصغار وماخفي كان اعظم ولا تقولين لي فشله وعيب واستحي جدامهم لأ قولي واوقفي جدامهم وواجهي خالاتج اذا نكروا الموضوع ..خصوصا مرته وقولي لأبوج كل شي ترى اذا اهوه ماعنده كرامه انتي المفروض بكرامتج تدوسين عليه وتوقفينه عند حده
وربي شي ينرفز والشي لا زاد عن حده ينقلب ضده ..سمعي نصيحتي وانا اختج وروحي الزواره ولا يهمج واذا تحرش فيج احرجيه جدامهم وقوليله يافلان عيب واستح على ويهك الاهل قاعدين والبيت له حرمته وقوليلهم شسوى صدقيني بيطيح من عينهم خصوصا اذا كانوا عارفين اخلاقج وانج مو من البنات الي رايحين فيها الله يهديهم ويهدي الجميع

 

[كلي أنوثة]

الله يعينج ديري بالج والله لو انا مكانج مادري شسوي صج الله يكون بعونج

 

[أوركيدااا]

ديري بالك من هاللاشكال والله انه مصيبه

لاتعطينه وجه نهائي .حتى لو يناديك لاتردين

هو طاق الميانه بالحيييل ومو معبر احد

 

[P!NKia]

هذا يبيله احد يوقفه عند حده
لانه اذا تم جذى اخاف يجيبلج مشاكل

 

[DO7AWE]

وااااااااااااااااااااااااااااااااى

الى الحين ماقتلية؟؟؟

دليني بيتهم وانا ارمية بشوزن

بس اختارى الشوزن اللى ارمية فية؟؟

اي واحد

افكج منة​

 

[تنآهيد ..~]

قولي حق أي أحد قريب منج وتثقين فيه مثل امج اختج اخوج بنت خالتج

خل يكون يمج بالزواره ويفتح عينه عليه عشان اذا سوا اي شي يلاحظ ومايعطيه مجال ومثل ماقالوا الخوات لاتعطينه ريج حلو

وديري بالج على نفسج من هالاشكال الي ماتخاف الله اصعب انواع التحرش الجنسي لما يكون داخل العايله حسبي الله ونعم الوكيل


والله يحفظج من كل شر ان شاء الله

هذا اللي كنت بقوله
والله يعينج صرآآحه
بس أهم شي تبلغين أحد يكون كلوز معآآج عشآن لآ صآر مآ صآر الله لآ يقوله يكون عنده درآيه
ووآقف معآج مو ضدج ..

 

[مدرسة84]

شوفي حبووووبه

انتي جدامج شيين لا ثالث لهما.

اول شي::: اذا تقدرين انج تواعدينه في مكان برا ....واللي اقصدة عفوا في شقة ....قوليلة تدبرلك مكان عشان اشوفك
دخلي عليه قوي واهبلييييييييييييه بطلج طبعا هو هذا اللي يبيه ...لانه من النوع الدايخ ويحب يلعب عالقوي.
....بس ها كلامج هذا موبرسايل ....يعني اخذي رقمة وكلمية برقم يديد لج.

الشي الثاني::::: عقب ماتحددين المكان معاه وتتفقون عليه..... اخذي امج وواحد من خوالج او اي احد من اهلج
وقوليلهم انا ابيكم في موضوع باليوم الفلاني باخذكم ونروح مكان بس ما راح اقولكم الحين وين او شنوووو فيه

عقب ماتوصلين للمكان قوليلهم عالموضوع يعني تحت العمارة مثلا.... وقوليلهم الحين هو مواعدني هني .
وصعدوا المكان وتاكدووووا بنفسكم.

وبجذي تفتكين منه ومن عمايله.

واذا موقادرة على جذي موضوع راسليني عالخاص.اعطيج طرررررق ثانية.تبهددددددددددددله.

 

[red eye]

انت غلطانة أقولها وبكل ثقه

 

[دبي العز]

شوفي حبووووبه

انتي جدامج شيين لا ثالث لهما.

اول شي::: اذا تقدرين انج تواعدينه في مكان برا ....واللي اقصدة عفوا في شقة ....قوليلة تدبرلك مكان عشان اشوفك
دخلي عليه قوي واهبلييييييييييييه بطلج طبعا هو هذا اللي يبيه ...لانه من النوع الدايخ ويحب يلعب عالقوي.
....بس ها كلامج هذا موبرسايل ....يعني اخذي رقمة وكلمية برقم يديد لج.

الشي الثاني::::: عقب ماتحددين المكان معاه وتتفقون عليه..... اخذي امج وواحد من خوالج او اي احد من اهلج
وقوليلهم انا ابيكم في موضوع باليوم الفلاني باخذكم ونروح مكان بس ما راح اقولكم الحين وين او شنوووو فيه

عقب ماتوصلين للمكان قوليلهم عالموضوع يعني تحت العمارة مثلا.... وقوليلهم الحين هو مواعدني هني .
وصعدوا المكان وتاكدووووا بنفسكم.

وبجذي تفتكين منه ومن عمايله.

واذا موقادرة على جذي موضوع راسليني عالخاص.اعطيج طرررررق ثانية.تبهددددددددددددله.

الله واكبررررررررررررررررر

جريمة قتل لا محالة !!!!!!!!

عيني من الله خير اختيه انتي وخططج خخخخخخخ