زوج قريبتي وثقته العميااااااء غير لها ارقامه السريه

[قلب بعلها]

قريبتي وبنفس الوقت صديقتي تزوجت من سنه ونصف ومن زمان ماشفتها وابقولكم بناااات وش حصل معاها وهي من احد الدول الخليجيه :-

تقول قريبتي بعد زواجنا سافرنا أحد الدول العربية شهر العسل تقول بعد ماردينا من الشوبنق واللفلفه رجعنا الفندق وجلسنا نطالع التلفزيون تقول . قام ريلي وفتح الثلاجه وجاب عصيرين وحطهم فوق طاولة الطعام
بعدين قام وجاب لابتوبه و موبايله وحطهم يم بعض وناداني قال تعالي بوريج شغله .
لما يت وجلست عنده قام وفتح موبايله على الضبط وتغيير الرقم السري .
قالي حبيبتي وشرايج ابي رقم سري جديد عطيني من عندج يكون سهل ( تقول اتفقنا انه يكون اخر رقمين من تاريخ ميلاده واخر رقمين يكون من تاريخ ميلادي )
وهم فتح اللاب توب وفتح الإيميل وفتح على تغيير الرقم السري وتقول حطينا الرقم السري نفسه وخلاني انا ادخل الرقم السري لإيميله ولموبايله .
بعدها سكرنا الأجهزه و قالي تعالي وجلسنا على الصوفااااا قالي حبيبتي انتي الحين جزء مني وماخش عليج شيء واحنا في بداية حياتنا ولازم اثق فيج واعطيج كامل الثقه وانتي بتكونين ام عيالي وعلشان تكونين مطمئنه بحياتك حبيبتي خلاص انتي تعرفين الحين كل الأرقام السريه لموبايلي ولإيميلي ومافيه شي اخبي عليج
بعدها تقول قمت وخليته يحط نفس الرقم السري لموبايلي وللابتوبي .
تقول الحمد لله من سنه ونصف ومانخش عن بعض اي شيء وحياتنا الزوجية الحمد لله حلووووه وخلاني اطمئن انه بعيد عن الخيانه الله يحفظه
بس ان الرجل عطاها الثقه شوفوا كيف تغيرت الحياة الزوجية لهم للأفضل

انا لما سمعتها والله بس قلت ( الله يهنيكم ويتمم عليكم )
اول شي وشرايكم بالحركه هذي وشرايكم احنا نبادر ونسوي مع رياييلنا جذي ؟

 

[البـنـدري]

رد : زوج قريبتي وثقته العميااااااء غير لها ارقامه السريه

الله يهنيكم ويتمم عليكم

 

[ms-daal3]

رد : زوج قريبتي وثقته العميااااااء غير لها ارقامه السريه

ماشاءالله لاقوة الا بالله
الله يهنيهم
انا عن نفسي هو يعرف ارقامي السريه
بس مو بايله ماله رقم سري اما ايميله انا ماعرفه
لاني عمري ماسألت عنه
ولا يهمني


بس حلوه حركتهم

 

[Gourges]

عن نفسي ما احب اعرف باسوورد ريلي مال ايميله ولا احبه يعرف باسوورد ايميلي ... لاني اعتبره من خصوصياتي وهم من خصوصياته

ماله داعي كل شي بحياته ادش فيه ... حلو ان ايحس له مساحته الخاصه وبنفس الوقت الثقه موجوده ....واهوا لو يطلب الباسوورد علشان يضمن الثقه راح اتضايق فا اكيد اهوا يتضايق ...


حركه ماتاثر بحياتي احس بس من بيت لي بيت يختلف الموضوع انا قلت الي يناسب حياتي
مشكوره على الموضوع اختي

 

[جيتارا]

رد : زوج قريبتي وثقته العميااااااء غير لها ارقامه السريه

هذا الشي الصح ,,

الصراحه والثقه حلوة بين الزوجين ,,


الله يوفقهم يسر لهم أمورهم ويرزقهم على نيتهم الطيبه والصافيه,,

 

[Gourges]

اي صج رقمه السري مال الموبايل اذا قفله يقولي رقمه .... لان ماكو سبب يخليه يقفل التلفون الا علشان ربعه لايحوسون فيه بس مو عني فا يقولي ياه

 

[غيمه ظميانه]

انا لو يسويها لي راح اشك فيه احس اهو اللي فتح عيوني من البدايه يقول عشان ما تشكين فيني

يمكن كان له سوابق وتاب الله يهنيهم




اهو شي حلو بس الثقه حلاتها تكون بشكل ثاني حلات الزوج لاعطاج ثقه مو يفتش من وراج ونفس الشي الزوجه

يعني معطيها الباسوورد شنو قصده فتشي من وراي وتاكدي انا ثقه ولالا

ماادري ما احسه اسلوب للثقه

حلات الثقه تكون نابعه من القلب ما تحتاج خطط الواثق يبين من اسلوبه وتصرفاته


هاذي وجهة نظري

 

[ام كوشه منكووشه]

رد : زوج قريبتي وثقته العميااااااء غير لها ارقامه السريه

الله يهنيهم ويسعدهم ان شاءالله
الحمدالله انا ريلي معطيني الباسورد مال الايميل والبنك وتليفونه مافيه قفل واهو يعرف الباسورد مالي بس هالشي صاار بدون تخطيط اوشي لان ساعات اهو يكوون طالع ويطلب مني شغلات مسيفه اب ايميله .. بس بصراحه ما اتجرأ ادخل علي ايميله بدوون علمه او اطلع على خصوصيته طالما اهو حاشمني ومقدرني ماله داعي اتجسس عليه..

 

[Killer^Girl]

مهما كان .. حلوه الخصوصيه
والثقه ماتيي بهالطريقه
الثقه تلتمسينها مع العشره
الله يهنيهم

 

[الـوايـلـيـة]

لاوالله انا يعرف كل ارقامي السريه

وانا بعد اعرف كل شي حتى رقم البطاقه مالت البنك بس مشكلتي النسيان

والله ساعات ادق عليه واقوله جم رقمي السري نسيته لوووووووووووووووول

 

[brettey]

رد : زوج قريبتي وثقته العميااااااء غير لها ارقامه السريه

الله يهنيهم ماشاء الله

 

[أم حوور]

الله يهنيهم ويخليهم لبعض

 

[حلقوم]

الله يهنيهم يآرب ويتمم عليهم ويعمي عنهم عيون الحسآد
اأكيد اذا صار في تفاهم وثقة بين الزوجين
حياتهم بتصير سمن علي عسل ومحد ينكر هالشي

 

[اختكم بالله]

الله يهنيهم انشالله

 

[مشتطـه]

شوفي اهم شي الثقه تكون من خلال تجارب حياتهم وتصرفاته

ترى مو شرط عشان سوا جذي يعني شريف ؟


لا يمكن عنده موبايل ثاني وايميل ثاني وسوا هالحركه عشان ماتشك خير شر
فكري فيهـآ


انا اقول يمكن مو اكيد


وثاني شي الحركه مالها داعي ولا راح تغير الثقه خير شرررر

 

[الوجه السمح]

الله يتمم عليهم انشاءالله

 

[انا مو هني]

رد : زوج قريبتي وثقته العميااااااء غير لها ارقامه السريه

نايس

 

[Sweetq8]

أنا لا أسأله ولا يسألني لان احس هذي الثقه جد عمره ماسال عن باسورداتي ولا أسأله عن باسورداته والحمدلله الامور طيبه واحنا بخير

 

[♥ ݤليے ﻁﻔووله ♥]

انا اعرف باسوورد ايميله بس مو ذاكرته ..اهيا مره وحده دخلته عشان اضيف له ناس وبس اما ايميلي حاطه الريم السري محفوظ

واللاب مافيه رقم سري وفوني وفونه مافيهم ارقام سريه



يعني سهالات

 

[الرماسيه]

رد : زوج قريبتي وثقته العميااااااء غير لها ارقامه السريه

مممممممممم

خوش موضوع

بس تبون الصج منو فينا تعطى ريلها ارقامها السريه

لان مسكين راح ينصدم ويشوف اللى بالمنتدى طايحيله حشششش وحش بالزوج

هاها

ماشاء الله عليهم والله يهنيهم