زيت جنين القمح (( تعالوا نتناقش للأهمية ))

[فتوتة]

السلام عليكم
أنا جربته وايد حلو ومفيد للهالات السوده وطريقتي بستخدامه شبه يومي قبل لا انام ولمدة شهر ونتيجته واايد حلوه
وريحته عاديه مافيها الي يخليج تتنرفزين منه وأنا أنصح فيه لانه اذا مافادج مايضرج
ويعطيج العافيه نبع الطفوله يسلموووا على الموضوع

 

[pink-rose]

والله انا ماخذته من ام السنع وما فيه ريحه كلش
واشوا انكم ذكرتوني فيه ----> نسيته

انا اصلا ما خذته لتساقط الشعر وشكلي بجربه بعد للخطوط البيضه والهالات السود

 

[LaDyA]

انا اخلط زيت جنين القمح + سودو كريم لمنطقة اللي بين الفخووذ والله عجيبة حده يبيض ويوخر السواااد :eh_s(15):

هذي تجربتي مع زيت جنين القمح وتوني اعرف منكم استخداماته بعد :tek:

 

[loora3003]

مشكورين علي الفايده

 

[بريق]

انا سمعت انه يعطي نضارة للبشرة .. وتوني عرفت باقي فوايده

من وين آخذه ابي شي مضمون مو مغشوش

كنت ناوية أشتريه من Gnc

تنصحوني؟؟

 

[الداعية]

شكرا على الافاده

 

[أم صالح]

انا خذيته من حواي جمعيه الفيحاء استخدمته لشعري ما لاحظت شي يعني التزمت شهرين ماكو شي يذكر وسعره دينارين ونص

 

[~Unreachable]

امبي اهم شي اني شاريته من زمان ... وتوني قريت عنه و يبته اهوا و زيت اللوز الحلو ..

عاد ماصدقت شي حق الهالات .. خلطتهم وحطيت على ويهي ..

صح الريحه تنرفز بس خفيفه .. واي مادري شلون بتحمل ! تلوع جبدي من هالروايح ><

ماكو شي طبيعي على ريحة فراوله لوول ..

ان شالله اقولج النتايج بعد الاستمرار عليه .. هذا اذا ماخست و حذفتهم بالزباله وانتوا بكرامه !

 

[أم سعود الشمري]

للرفع والفايده

 

[قطورتي]

الزيت روعه انا استخدم الكبسولات احس انظف من الزيوت الي عند الحواي
والكبسوله تقدرين تلهمينها او تفتحينها وتاخذين الي داخلها
متوفر عندي للي حابه تجرب

 

[بوليان]

السلام عليكم
انا توني شاريته من حواج عندنا بالسعوديه ماركة وادي النحل ممممتازه منتجات هالشركه وسعره بخمسين ريال ؛
وناويه احطه لشعري بس يوم فتحته شفت التعليمات مكتوب انه يخلط معاه عسل وينشرب مادري بنات عادي احطه على شعري ولا ابدله وهو اساسا فيه شي للشعر وشي للبشره ولا كلهم استخدام واحد ردو علي تكفون بنات قبل لا ارده

 

[أم سعود الشمري]

أول شي يعطيج العافية على الموضوع الحلو

وثاني شي تجربتي وياه كالتالي : آنه أخلطه مع زيت اللوز المر والحلو والمشمش بمقادير متساويه وعقب كل سبحة

أحط شوي من الخلطة بإيدي وأخلط وياه لوشن فازلين الأصفر عشان يمتصه الجسم بسهوله

صار لي 3 شهور على هالحال والنتايج روووووووووووووعة : جسم مشدود ، تفتيح وتوحيد لون ، نعومة زبدية ، وفي المستقبل

حماية من الشيخوخه

وقبل لاأنام أدهن ويهي فيه ،،، أحس ويهي صافي بهالخلطة ،،،،، وسلامتكم يا حلوات

 

[Miss.KSA]

حياتي انا استخدمته مره ممتاز وتفتيح ملحوظ خصوصا للمناطق الداكنه بالجسم
ولو تخلطينه مع كريم الجلسرين وتدهنين فيه كل يوم المناطق الداكنه بتشوفين الفرق
فعلا فعلا هالزيت ممتاز وله فوائد كثيره

 

[فله]

صراحة عن تجربة انا استخدمته طلع فيني حبوب وايد وكبار

 

[بسمة خجلِِ]

انا جربت الكبسولات من مصر خلصت نص علبه ماتفخ الا صدري وقطعته عاد انا موناقصه تفخ بس اللي تبي صدر تاكلهم اول باول من نص شهر يتفخ الصدر

 

[سعوودية]

انأ استخدمته وكاتبه عنه موضوع هنا بالمنتدا ررررررررررررررررروعه والله روعه

 

[حنين الروح*]

مشكووووووورة

 

[حرووف]

مرحبا صج الموضوع قديم شوي بس انا شريت كبسولات زيت جنين القمح قبل يومين من الصيديلة وعطاني معاه نقاط كولاجين اخلطهم مع الكبسوله واحطهم على والوجه كل المساء والصبح قعدت بصراحه خديداتى منورات والخطوط مختفيه شوي وهذا لي بس يومين بس فكرت اليوم اخذ وحده على الغداء واكلها قلت اكيد مفيدين حق فقر الدم وبلاعتها بعدين فكر اني ادخل جوجل واشوف فاوائدهم طلعت حدث ولا حرج بس صج خديداتي منورين وشكلي باستمر عليهم ومنو منكم جربت الكبسولات لان هم للبلع مكتوب عليهم بس الصيدلي قالي افتحيها واخلطيها مع الكولاجين في احد جرب هذا المنتج

 

[ﺂلعيوטּ ﺂلناعسـﮧ]

رد : زيت جنين القمح (( تعالوا نتناقش للأهمية ))

انا استخدم خلطة النظاره صارلي 4ايام ؤبعدها احط على ؤجهي كاااااااااااااااامل زيت جنين القمح تخيلؤا بـ 4 ايام خدؤدي طلعؤا ؤالله رطب بشتري صح ؤالنتايج الجايه ان شاء الله حللؤه بس عيبه انه ثقيل ماتمتصه البشره بسرعه :33_1185028183:

 

[NOONOOO]

رد : زيت جنين القمح (( تعالوا نتناقش للأهمية ))

بعد عمري زيت جنين القمح اختفت الهالات والجسم فتح بعد روعههههه بس النظارة وتفخ الخدود ماعندي خبر:dddds: