سآعدوني خطبني وآحد مصآاآب بتكسر آلدم

[اميره1980]

احسن شي تسوون فحص ما قبل الزواج الشامل و شوفي الدكتور بشنو ينصحج

 

[‏ڝڋٸ ٵڸڪٿہـآڻ]

أهم شئ لايكون المرض وراثي ينتقل لعيالكـ بعدين لاسمح الله ... تأكدي إذا المرض وراثي يصيب الاطفال لاتوافقين بعدين تشوفين عيالكـ لاسمح الله يعانون قدام عينكـ وتندمين فالاخيييييييير استخيري فما خاب من استخار الله استخيري كذا مراا والله يكتب لكـ الخير يارب ويوفقكـ ويوفقه

 

[google92]

انا بنت عمتي توفت بسبب تكسر الدم

الله يرحمها

ماننصحج بهلزواج بالله تزوجتو و يبتو عيال و زاد عليه المرض بتيتمون عيالج بعيد الشر عنج

اذا انتي صغيرة نطري يمكن اييج الي احسن منه
لاني لو انا مكانج ماوافق الصراحه !

 

[اجتماعية]

و عليكم السلام و رحمة الله و بركاته

الله يسهل عليج اختي..

انا عمتي الصغيرة كان عمرها ٢٧ لمن توفت من تكسر الدم و كنت اشوفها تعاني منه طول عمرها تدخل المستشفيات و عندي وحدة من قريباتي نفس الشي فيها المرض و على طول يدخلونها تنام بالمستشفى و تزوجت و عندها بنت صغيرة بس ما تشوفها وايد بسبب اللي فيها و حتى بنتها و (زوجها سابقاً) يعانون وياها*

 

[لابسة نظارة!]

المهم بالاول تعرفي وش نوع تكسر الدم الي عنده هل هو (تكسر الدم المنجلي sickle cell) ولا ثلاسيميا؟ وبما انج ذكرتي انهم استأصلوا الطحال معناه إنه واحد منهم.

بالنسبة للأخوات دلال وغلا وخالتي قموش .. الأرجح الي عند اخوانكم هو (G6pd أو بما يعرف بـ أنيميا الفول) وهذا طبعا وراثي سببه خلل في تصنيع انزيم G6pd على الكروموسوم X .. وبما أن الذكر عنده كروموسوم XY يعني عنده X واحدة فقط عشان جذي يبين عليهم المرض .. عكس البنت لأن عندها X X فعشان يبين عليها لازم يكون الكروموسومين فيهم خلل
لكن على العموم انيما الفول يعتبر عاااادي جدا الفرد يعيش حياته بشكل طبيييعي ما هوو خطير ولا يسبب اي تعب للشخص الا اذا اكل بعض البقوليات او بالاصح الفوووول زي ماا ذكرتوا:rerrerek:

ما عليييه قلبنا الموضوع شوي حصة أحياء لكن بس عشان اوضح للأخت الفرق عشان لما يجي أحد ويقولج عااادي اعرف فلان وفلان اكلوا فول وصابهم تكسر بالدم وعايشين طبيعي هذا مو نفس الي تكلمتي عنه يختلف تماماً

على العموم .. بعض المرضى بالثلاسيميا او تكسر الدم المنجلي الي كانوا يحتاجوا لنقل دم باستمرار .. حتى بعد استئصال الطحال البعض منهم يحتاج لنقل دم لكن مو مثل قبل يعني اقل بكثيير وتتحسن حالتهم بشكل كبيييير لكن مو معناه انه خلاص ما يحتاج الموضوع لعنايه!

بس حبيت افيدج بالي اعرفه وتقدرين تبحثين عن الموضوع بشكل اكبر بالمسميات الي اعطيتج اياها وفي النهاايه اقولج استخيري .. انت لسه صغيره في بدايه العشرينات اوزني الأمور بشكل جيد قبل ما تتخذي أي قرار .. ليش العجله (وعسى أن تكرهوا شيئا وهو خيرا لكم),,

بالتوفيق :eh_s(7):

 

[أحلى من الخيال]

لا اتوافقين
و ريحي بالج​

 

[جذابه بنت ذيابه]

استخييري

 

[برستيجي مآركة]

استخيري يااخيتي
واستشيري مختص بااهالموضوع يفيدج اكثر منا
بحثي بالمواقع شوفي يمكن تستفيدين اكثر
والله يوفقج ويكتب لج مافيه خير وصالح وييسر امورج

 

[برستيجي مآركة]

أم الدرر

و

لابسه نظاره ماقصروا

 

[كوكتيلة قلبه]

حبيبتي أنا بافيدج عن هالموضوع
أنا معاي تكسر دم ونسبته 87% وايد كنت اتعب يوم صغيره
بس من عقب ما بلغت خف علي وايد وصرت اتعب شوي مجرد
اروح الطوارى وارد أصير أوكي بس قبل كنت أترقد وايد
الحين أترقد اسبوع بالكثير وأصير أوكي والحمد لله متزوجه
واحد يراعيني بكل شي وعندي ولد والحين حامل وعايشه
حياتي عادي مافيني الا العافيه صج الحمل يتعبني بس ريلج
مابيعاني من هالشي انتي اللي بتحملين واللي يقول التكسر
يسبب عقم ترى غلط لأني حامل وخوالي فيهم بعد تكسر
وكل واحد عياله بطوله واللي يقول يموتون صغار ابي اعرف
شدخل بس محد يموت الا بيومه اللي اجوفهم يترقدون معاي أعمارهم
فوق الأربعين وعايشين يعني ما يدخل اهو الشي الوحيد في هالمرض
انه اذا مرض يحس انه مكان التكسر جنه احد يكسر العظم بسجين لان الدم
مايمشي بالجسم من جي اذا كان الالم قوي يترقد في المستشفى بس يتعالج
ويطلع وعلى فكره أنا طول ما أنا حامل اخذ دم لانه مايبوني أمرض لانه ما يصير
اخذ ادويه يعني الدم عادي مافيه شي ويخفف التكسر
وترى عادي اكل فول وبقوليات لان تكسر الدم غير عن أنيميا الفول
ادري طولت عليج بس لان المرض فيني حبيت افيدج واذا عندج اي سؤال
أنا حاضره
على قولتهم اسأل مجرب ولا تسال طبيب:eh_s(7):

والله يشفي الجميع ان شاءالله

 

[سندس 90]

صلي استخاره

 

[آلمتوهقه]

خوآتي جزآكم الله خير وربي يجعله في ميزان حسناتكم ويفرج عليكم يارب
مشكورين على اهتمامكم ونصايحكم ونصيحه كل وحده فيكم ان شاء الله بآخذهآ في الاعتبآر

كوكتيلة قلبه يعطيج العافيه على ذكر تجربتج والحمدلله انه خف عنج والله يسخر لج زوجج يارب ويحفظ لج عيآلج
طيب بالنسبة لي احس ان المفروض اكون جنبه اوقف معآه اذا يآته النوبآت لكن بحكم ظروف شغلي وشغله ماراح نكون متواجدين مع بعض على طول يعني هآلشي يأثر ولا هو مآيحتآج لي !!

>> برد أسألج اسئلة ثانيه

 

[كوكتيلة قلبه]

العفو حبيبتي ويسخركم لبعض اذا كان من نصيبج
جوفي ترى وقت المرض الواحد ما يشتهي يجوف احد الا اذا تحسنت حالته
هاي عن نفسي واللي اجوفهم من أهلي بس بالنسبة لخطيبج مادري
أنا مادري انتي من وين بس أنا من البحرين واذا صادنا التكسر يعطونا
ابره موروفين وعلى طول يسكن الالم ونرقد جم ساعه يعني اذا اللي متقدملج
نفسي بيكون مافي داعي اتكونين يمه لان اغلب الوقت بيكون راقد من الإبر اللي
يعطونه إياها وانتي ساليه بعد وجوفي شنو وضعه وقت المرض بس أكيد اذا
صار أوكي بتكونين يمه لانه المريض اذا صار أوكي يحب يجوف من اللي معاه
وعلى فكره اخوي وخوالي وانا كلنا مصابين وكلنا خف علينا يوم كبرنا
يعني نترقد مره كل 6 شهور وساعات أطول بس مؤ معناه ان مانمرض طول هالفتره
لا نمرض بس شي بسيط مع الحبوب نصير أوكي أنا أقولج جي لان ابي احطج بالصوره
بس اهم شي صلي استخاره واذا أر تحتي فتحي معاه الموضوع عشان تعرفين
وضعه عدل واهم شي تكونين انتي سليمه من المرض عشان عيالكم بعدين مايطلع
احد فيه واهم شي اذا خذتيه لاتحسسينه انه فيه شي

الله يكتب لج اللي فيه الخير اي سؤال أنا حاضره

 

[أعشقه]

المرض بيد الله مو بيده ..
بس الشي يعتمد عليك انتي اذا عندك قدره تتحملين مرضه وتعبه تزوجيه
ترى الي يقولك هالمرض مايخوف كذاااب الف
كثير اعرفهم توفو بعمر الشباب بسبب هالمره وكثير يتعبون .. ونقل دم ودمهم يحترق مدري شلون اوصف لك
اذا هو يتعب من نفسه ومتوهق بعمره شلون انتي لو تزوجتيه بتتعبين زود نفسيا وجسديا
بتشوفينه قدامك يتعب وبيبهذل وانتي مابيدك شي
والله اعرف وحده زوجها يمكن تشوفيه يومين ثلاثه وشهر بالمستشفى وع هذا الوضع
مدري وش اقولك اذا لك نصيب بتتزوجينه واذا مالك نصيب بترفضينه من كلامك واضح انك تبينه بس شوفي العوااقب الي قدامك ربي ييسر ويسهل لك

 

[noorq8]

تبين المجامله والا كلام العقل ؟

راح أطلب منج شغله وحده سويها وقرري عقبها


مري مستشفى مبارك وقعدي بالجناح لمدة 6 ساعات فقط لو تتحملين تكونين سبب لذريتج بالمستقبل يعانون ويمرون بنفس اللي موجودين بالجناح تزوجي

المرض مميت ونسبة خطيبك مرتفعه والله يشافيه يارب

 

[ديانا سبنسر]

اللي راح يفيدج الدكتور اقعدي معاه واشرحي مخاوفج له ومدى تأثيره على الأطفال بعدين. وعلى أساس نصيحته لج ابني موقفج

 

[PuPa^^SWeeT]

سؤال


اهو ماينر ولا ميجر

؟؟؟؟



اذا ماينر



شدعوااا متعب هالمرض



لا والله مو متعب مع راحة البال




انا فيني هالمرض


وكاني احمل و اولد و عمليات و اقووم


ومهنتي مدرسة و اجابل و احط




مافيني شي

الشي الوحيييد انه يبيله نووم


يبيله غذاء



انا غذائي مو صحي من جذي مو نازلة عندي النسبة




انتي فيج ولا لا ؟؟؟

 

[آلمتوهقه]

ما ادري عن المرض انه يكون مآينر أو ميجر !!

عالعموم جزآكم الله خير على اهتمامكم ونصايحكم والله يكتب اللي فيه الخير يارب

 

[آلمتوهقه]

بنات خلاص رديت رفضت وربي يعوضني باللي اخير منه يارب
دعوآتكم وجزاكم الله خير كلكم وربي يرزق كل وحده فيكم اللي تتمنآه يارب

 

[التوق]

ربي يعوضج خير حبيبتي :*
خييييييره