سألت الشيخ الداعية الأمريكي على الهواء هذا السؤال عن الزواج ؟ شوفوا شنو رد علي

[mysterious sea]

رد : سألت الشيخ الداعية الأمريكي على الهواء هذا السؤال عن الزواج ؟ شوفوا شنو رد علي

مشكوووره حبيبتي وفعلا لا فرق بين عربي واعجمي الا (بالتقوى) ,,,

ويعطيج الف عافيهـ ,

 

[قفشـه]

رد : سألت الشيخ الداعية الأمريكي على الهواء هذا السؤال عن الزواج ؟ شوفوا شنو رد علي

امبييييييييييييييه صدمتي المسكين بحياته

منو قال اختلاف الاعراق يسبب عدم تكافؤ!!!

واي شيخ دين قال هالحجي

يابنات ديروا بالكم تقولون اشياء مو من مصدرها الاساسي

الحين شنو نظرة هالمسلم لشيوخ الدين المسلمين العرب؟؟

مفروض قايله انه يتردد بين اوساط النساء او قالتلي وحده من النساء مو شيخ دين؟؟

والرسول عليه الصلاه والسلام قال من ترضون دينه وخلقه فزوجوه

ماقال لا تزوجون سلمان الفرسي لانه فارسي او بلال الحبشي لانه حبشي!!

اللي سويتيه الله يهداج انج نقلتي صورة سيئه جدا جدا عن شيوخ الدين العرب للغرب!!

 

[المرتاحة]

رد: رد : سألت الشيخ الداعية الأمريكي على الهواء هذا السؤال عن الزواج ؟ شوفوا شنو رد ع

امبييييييييييييييه صدمتي المسكين بحياته

منو قال اختلاف الاعراق يسبب عدم تكافؤ!!!

واي شيخ دين قال هالحجي

يابنات ديروا بالكم تقولون اشياء مو من مصدرها الاساسي

الحين شنو نظرة هالمسلم لشيوخ الدين المسلمين العرب؟؟

مفروض قايله انه يتردد بين اوساط النساء او قالتلي وحده من النساء مو شيخ دين؟؟

والرسول عليه الصلاه والسلام قال من ترضون دينه وخلقه فزوجوه

ماقال لا تزوجون سلمان الفرسي لانه فارسي او بلال الحبشي لانه حبشي!!

اللي سويتيه الله يهداج انج نقلتي صورة سيئه جدا جدا عن شيوخ الدين العرب للغرب!!

والله يا اختي ليش انخش راسنا و نقول ما عندنا مشايخ الله بالخير

في مشايخ مستقيمين و في اللي يخورونها

خليه يعرف الحقيقة علشان لا يتفاجأ و خليه يعرف شنو اللي قاعد يدور بين اواسط المسلمين اللي بالجزيره العربيه و اشلون يفكرون

 

[اصوله]

يعطيج العافيه حبيبتي كفيتي ووفيتي ..

فعلا المفروض ترجع الامور كلها للقرأن والسنه

صراحه موضوعج مفيد وجزاج الله خير ..

 

[زُمرُدة]

مشكورة اختي المرتاحة على الموضوع

وفعلا مافي فرق بين عربي واعجمي الا بالتقوى

يامعودة احنا كويتين منا وفينا اهلنا حاطين لهم عراقيل سالفة اصل وما اصل

الحين هالدوب اجنبي

الله كريم بس والحمدلله على كل حال​

 

[اوركيدا20010]

جزاك الله خير

 

[كويتية نايس]

رد : سألت الشيخ الداعية الأمريكي على الهواء هذا السؤال عن الزواج ؟ شوفوا شنو رد علي

يسلمووووو ياقلبي صح كلامج كلنا اولاد ادم وحواء

 

[بحر الذكريات]

الله يعطيج العافيه

 

[مـيـرا]

يعطيج الللللللللف عافية على هالموضوع

وربي يجعله بميزان حسناتج...كنت محتاجه شي جذي
لان تعبت من مناقشة ابوي

 

[pusy cat]

هذي عاداتنا وتقاليدنا

هالشي ماله شغل بالدين

 

[pusy cat]

اهلنا يبون مصلحتنا

يجوز بالشرع ناخذ اجنبي لكن هالاجنبي وين بيسكني ؟ اشلون بيصرف علي وعلا عيالي راح اضطر اني اغترب واهد اهلي وديرتي عشانه

وتلقين طبعه وحياته غير عني

اذا اهل ديرتج تستنكرين عاداتهم وتقاليدهم اشلون الاجنبي

اهو من ناحية حلال حلال مانحرم شي الله حلله

لكن هم الواحد لازم يفكر عدل

 

[المرتاحة]

اهلنا يبون مصلحتنا

يجوز بالشرع ناخذ اجنبي لكن هالاجنبي وين بيسكني ؟ اشلون بيصرف علي وعلا عيالي راح اضطر اني اغترب واهد اهلي وديرتي عشانه

وتلقين طبعه وحياته غير عني

اذا اهل ديرتج تستنكرين عاداتهم وتقاليدهم اشلون الاجنبي

اهو من ناحية حلال حلال مانحرم شي الله حلله

لكن هم الواحد لازم يفكر عدل

اختي هذا الشي راجع لج و لنفسيتج انتي ما تقدرين تتغربين بس غيرج عادي عندهم اهم شي عندهم الريال و اخلاقه و اذا قادر على التكاليف و انه يصرف على اسره و يعييشهم عيشه كريمه ليش لأ

وصدقيني من تصير اخلاقه اخلاق اسلاميه ماراح تستنكرين شي الا اذا انتي اخلاقج ما تعتمد على الاسلام و اعتمادج كله على العادات و التقاليد بتحسين انج ماراح تتاقلمين

 

[ظل الياسميـن]

مشكووووووره

 

[miss swan]

الرسول عليه الصلاة حرص على التكافؤ من ناحية الفكر والدين واشياء موذاكرتها بس مو بالاصل ولابالشكل
بس بصراحه فشله ليش قلتيله عندنا شيوخ يقولون هالكلام انا ماسمعت شيخ قال هالشي
بس الناس فاهمين غلط
وانا عندي الاجنبي احسن من تعنس واحسن من الخليجي بوااااااااااااايد

​

 

[عيش و مرق]

المشكله ان احنا عندنا شى ثانى غير الدين يقيدنا







العادات والتقاليد والموروث من السابقين ,,,,,, لازم نمشى على سلكهم مو حرام لو غيرنا حلال بس بتسمعين الى مايسرك من كلام الناس ونقدهم اذا تتحملين عادى سوى الى تبين ......

 

[المدينة الوردية]

يعطيييييج ربي الف عافية حبيبتي المرتاحة....
ماشاءالله هالشيخ دوووم اتابع محاضراته ولقاءاته على قناة Peace و الهدى وبموقع islam tomorrow
الله يثبته ويثبتنا على الخير وطاعة الرحمن
وكلامج صحيح بعض الناس نفس ايام الجاهلية ردهم (هكذا كان اباؤنا يفعلون)
بالاسلام لا فرق لعربي على اعجمي الا بالتقوى
والفروق باللون الجنسية والمستوى الاجتماعي كلها مو موجوده اصلا بالاسلام ومثال على هالشي بلال الحبشي رضي الله عنه وارضاه

قال الرسول صلى الله علية وسلم لبلال:
((يا بلال حدثني بأرجي عمل عملته في الإسلام ,فأنى سمعت دف نعليك بين يدي فى الجنة))....
قال :ما عملت عملا ارجي عندي من أنى لم أتطهر طهور في ساعة من ليل أو نهار إلا صليت بذلك الطهور ما كتب الله لي أن أصلى.....

لا اله إلا الله ما احسن أفعالهم ...فليتنا مثلهم ...~​

 

[JANAA]

والله حبيبتي كلامك عاقل وسؤالك بمحله وانتي ما غلطتي

انا اتمنى من رب العالمين انو الفتنه الي زرعها الاستعمار فينا انا من بلد فلان وانت من بلد فقيره وانت من بلد تعبانه لا يا خواتي الرسول صلى الله عليه وسلم لما وصل المدينه اخى بين الاوس والخزرج والمهاجرين والانصارى وكل واحد تنازل لأخوه المهاجر عن نصف ماله والي عطاه واحده من زوجاته واشياء وايد كثيره اين نحن منهم ؟

هل نحن احسن منهم ؟

لا والله يا حبايبي كان حب رسول الله صلى الله عليه وسلم اسامه بن زيد وهو اسود الون وبلال الحبشي هل الرسول او احد صحابته من بعده فرق بين المسلمين انت من مكه انت من العراق انت من البلد الفلانيه لا حبايبي كلنا سواسيه امام الله سبحانه وتعالى .

اتمنى من الله سبحانه وتعالى ياتي اليوم الي يكون فيه المسلمين جميعا بلا استثناء شيعه وسنه عرب وعجم واجانب يد وحده تحت راية الاسلام علشان نحرر الاقصى ونرد حق المسلمين

 

[ميشو المالكي]

أقسم بالله ألي حاصل بهالزمن من تغير تصرفات أن الناس ما تعمل بالكتاب والسنه
سارو الناس يغيرون في أشكالهم ويقلدون الغرب وعلى بالهم بأنهم متحضرين
ومايدرون أن هاذا أكبر ضلال بس الله المستعان
ليتني كنت عايشه في زمن الرسول عليه أفضل الصلاة وأتم التسليم

 

[حلااي]

صاجة والله حتى بنت طارق السويدان متزوجة امريكي مسلم

وفي بعض الناس اصلهم وفصلهم ما شاء الله لكن بالدين والاخلاق صفر

اهم شي الدين والاخلاق ولا فرق بين عربي واعجمي الا بالتقوى

 

[..Ro$e..]

ماشاء الله تبارك عليه

عجبني رده .. الأجانب اذا اسلموا ساروا احسن منا في الدين

لانهم تعمقوا فيه اكثر مناااا

في حديث لرسول اللي هو من جاءكم من ترضون دينه وخلقه فزوجوه

اهم شي دين الواحد واخلاقه الأشياء الثانيه كماليات

لكن اذا جينا لوقعنا حنا تفكيرنا هشكل ان الوحده ماتاخذ اجنبي

سوا من البلادان العربيه اواوروبا

لان مهما كاان الوحده مع ولد بلادهااا بتكون حياتها غير طبعا اتكلم عن الأغلبيه

لو سار شي لاقدر الله موب مسوي فيها نفس اللي نسمعه اللي يسونه الاجانب في الوحده نصب عليها الخ...

(( هذي وجه نظري