سؤآآآل جريء ... تلبسون تقليد؟!

[Mrs_Orchidia]

ثاااانكس عالاب ياحياتي

 

[حولة مركزة]

انا عاتي عندي تلقيني اشتري التقليد والماركة
بس عاتي واذا شريت تقليد اشفيها

قسم بالله انا اشووف بنات اقول ويع وين يشترون جنطهم وانصدم منهم لما يقولون لي ماركة ما اصدق حزتها
جد جد تلوع جبدي


بس حطي ببالج شنو يعني لو لبست تقليد عاتي يباا
صج عندنا خير بس مايمنع اني البس تقليد

بس في شغلات معينه تستاهل اشتريها ماركة
وفي شغلات لا
لان الصراحه
الناس بيجون يقولون لج افتحي جنطتج بشووفها ماركة ولا؟
طبعا لا

ذكرتيني بموقف.,,

 

[Mrs Al-Nasser]

البس ونصص
بس التقليد السنع
مو البو طقه : \ مستحيل البسه

انصدم من الناس اللي يلبسون تقليد يبييين وبو طقه حده وعادي ماشيه الحياة عندهم
​

 

[' #sǎrǎh . . ']

عادي البس بس تكون حلو

 

[الباسمه]

موضوع جريء ومميز ويحتاج وقفه

انا عندي مبدأ بهالسالفه بس قبل مبدئ بقولج اذا اشتري تقليد او لأ


(((( بعمري ماشريت تقليد))))

وماقولج لاني بنت عز وهاي كلاس
لا والله حالتنا وسط يعني على هالرواتب اللي نستلمها نهايه الشهر
بس بقولج ليش ارفض اشتري تقليد؟؟؟


اولا: اذا انا مو قادره اشتري الجنطه لو نفرض انها ب500 دينار مثلا ماعندي القدره اني البسها
اروح اشتري تقليد
يعني بالبدايه اقص على نفسي وعلى الناس والبس ثوب مو ثوبي

بتقولون شدعوااااا ثوب مو ثوبي

شوي شوي وتفهمون قصدي

اخر مره سافرت رحت لدبي وعالطاير وحده مشت جدامي طبعا كويتيه!!!

الحزام هرمز والجنطه والجوتي فندي واكسسوارها lv
والساعه ديور الكبيره والنظاره مادري شنو

بنات والله بدون مبالغه لاااااعت جبدي
يعني صارو بنات الكويت معروفين بالتقليد والمشكله يباااالغوووون فيه
يعني معقوله الوحده من راسها الى جوتيها تكرمووون كله ماركات

انا ما قول ماكو احد يلبس ماركات اكيد فيه
بس لما تكون صوره غالبيه بنات الكويت نفس هالبنت منو بيصدق!!!!!!
شدعوه صار كل مجتمعنا من الطبقه الهاي كلاس

انا اقول بدال لاتشتري الوحده تقليد ممكن يوصلللميه وزياده
اشتري الماركات اللي وسط وشحلاتهم وبتنوع

ليش احط نفسي بقالب مو لي

اتمنى تتقبلون رأيي برحابة صدر
وللعلم انا ما اقط على اكسسوارات وخرابيط
بس جنط وساعات ويمكن احيانا جواتي اذا كان سعرها مناسب
​

 

[PuPa^^SWeeT]

صااجة


وانا اشوووفهم حتى بديرتنا و باوروبا


لو دريتي انه وحدة البست لو مرة بس تقليييد


خلاص راح تاخذن فكرة عنها انها دووم بنلبس لو اتوريج كرت الضمان و الفاتورة همن ماراح اتصدقين

 

[سويت فانيلا]

اي اشتري تقليد وماركات عادي لمااموت بالقبر الله ماراح يحاسبني على هاشي بايحاسبني على اعمالي

 

[Lavita]

موضوعك حلووو لكن بصراحة استغربت

ليش تهتمو بنظرة الناس ؟؟؟

خلوهم يتكلمو زي مايبغو طالما ان انتي واثقة في لبسك وشكلك وجمالك وان انتي الي رح تحلي اللبس مو السعر !!! وهل هو اصلي او تقليد !!

يعني بصراحة يابنات لا تهتمو لنظرات الناس او كلامهم يحتاجلكم شوية ثقة

انا بالنسبة ليا اشتري كل شيء يعجبني حتى لو كان بـ 1 طالما مقتنعة فيه ماعدا كريمات الوجه او المكياج لازم تشتري شيء اصلي عشان البشرة ماتخترب

صحيح الماركات بعضهم مميزة وتستاهل ، لكن مو كل فلوسكم تروح على الماركات لازم تنتبهو وماتصيرو مسرفات وجهة نظر ورأيي اتمنى محد يزعل من كلامي ،

 

[بطوووطة$بيضة]

الباسمة حبيبتي


في بنات وايد اعرفهم يلبسون اكسسوارات وجنطة وجوتي ماركة يعني 5000الاف تمشي عالارض بس كله اصلي

وانا اكون رايحة وشاريه معاها من جذي متاكدة ان اصلي



وبعد بقولج شغله اعرف وحدة سيارتها كامري وشارية ساعه اب 12 الف رولكس الذهبية وهمن انا كنت معاها


وحق الدوام تلبس كارتييير وشوبارد على 5 و6 الاف وهمن منقيتهم معاي


ومرة سالتها قتلها انتي ليش ماتشترين سيارة غاليه ساعاتج اغلى من سياراتج جان تقولي السيارة ماتسوى اقط عليها



واعرف وحدة ومديرة في بنك وبنت عايله معرووووووفه وريلهاا ولد عايلة معرووووفه سيارتها قيمتها 30 الف دينار .....تشتري جناطها من سرداب الشايع وساعاتها بعد اتقوا منو بيشك ان تقليد وانا بنت العايله الفلانية وسيارتي ابهالمبلغ





انا الصراحة اشتري تقليد واشتري اصلي


عموما الاصلي صاير جنة تقليد كل ش بالسوق صاير مش حالك مو نفس قبل



وبعدين الطبقية في مجتمعنا راحت الحين اللي عنده واللي ماعنده يشتري ويلبس ....يعني سوالف الماركات والهاي هاي هذي راحت من زمان

 

[Mrs_Orchidia]

تسلمووووووووووون بنات عالردود و التفاعل

ماتقصرون على احياء الموضوع مرة ثانية .. كل وحدة لها وجهة نظرها و هذا المضوع عشان نشوف اراءكم

طبعًا محد بيزعل كل وحدة حرة برايها و مشترواتها




منوريييييييييييييين كللكم
:aha:

 

[PuPa^^SWeeT]

اب اب اب
اب اب
اب

 

[انسام الكويت]

اب اب اب

 

[Fo$hY Mo$hY]

انا عن نفسي الصراحه استحي مادري ليش

دايما اقول اذا مو اصلي مستحيل اخذ تقليد

والله مو عن شي بنات بس استحي و اذا طلعت بجنطه تقليد او بجوتي تقليد او بلبس تقليد احس مافيني ثقه بنفسي

اكسسوارات ممكن بس ان مو مبين اشكرا تقليد و شرط مايكون عليه اسم الماركه

لأن التقليد مرات ينزلون اكسسوارات مو موجوده بالبوتيك الاصلي

وانا اشوف ما يسوا اشتري بالاميات جناط ماركه من الكويت

اوروبا الجنطه اصليه و سعرها وايد يفرق عن سعر الكويت

 

[Mrs_Orchidia]

ولكم بنااات منورين حبايبي

 

[PuPa^^SWeeT]

ياحلووو ع=هالموضوع

 

[ورور92]

خوش موضوع

انا عن نفسي امي معلمتنا من صغرنا يا اصلي يا بلاها ..

مد ريولك على قد الحافك .. صراحة مو حلوة وحدة على قد حالها شايلة Hermes ايرمي
حتى الماركة يصير مالها هييبة

انا وعلى ميزانيتي .. يا محلات عادية او ماركات متوسطة او ماركات قوية لكن اشتري اشياء معقولة

عيل بنات بالكلية تلبس ساعة شوبارد ولا كارتيير امبيه حدا شكلها يضحك !

و مو كل شي غالي .. يعني اداوم بالكلية والبس بروش شانيل اصلي سعره بحدود 90 و 80 ؟

حزام ايرمي بحدود الـ 200 .. ليش اخذ تقليد ؟؟

اوميغا خذيتها مسوين عليها عرض بـ 1200 ؟ غالي لكن مو اوفر

ساعة بولغري بـ 3920 د.ك تقريبا .. كان ابوي يقولي اذا قدرتي تيمعين الف اشتريها لج

تيشيرت YSL بـ 100 وشوي جنه 108 مو اوفر وحدآآآآآآ يبين اللي تلبسه اصلي او تقليد

بوك YSL مافي منه تقليد و خذيت منه وميدالياتهم نفس الشي و في ب143 و 173

سوار كارتيير المفتوح ب 960 د.ك

LV مستحيل اخذ تقليدها لان مو غالية و شفت بعيني تاجرة تبيع جنطة ال في تقليد اغلى من الاصلية بالبوتيك
والله يا بنات لازم تشوفون البوتيكات اول !

ساعة من كوورلف ب 920 د.ك احرص على ماركات ما تتقلد

جنطة DIOR يوميا اداوم فيها مالت الوالدة وعندها اياها من قبل 15 سنة
ومافي منها الا 5 بالعالم والكل يسأل عنها

واخذ قمصان من الراية والصالحية خاصة فترة التنزيلات والله عندي قميص مو طبيعي خذيته ب 12 دينار

و في ماركات ما افكر اشتري منها مثل لابوتان لان غالية عالفاضي و تعور الريل !

و وحدة من العضوات اعجبتني وقالتها صح اذا لبستي الاصلي تعرفين التقليد من النظر و انا اضيف عليها حتى من الريحة يبين

ولو تسافرين بجنطتج برا البوتيكات من ريحتها يدرون اذا اهي اصلية او لا

و لو فيج ثقة سافري بجنطتج اوروبا =)) ..


وختاما مو معناته كلي ماركات .. ابي الشي يزهى علي و راقي
و كل ماركة لها وقتها وومناسبتها.. البس من زارا و بريشكا و مانجو و ريفير ايلاند

بس مسسسسسسسسسسسسسسسستحيل اشيل تقليد ما اسويها ..

ومشكووووووووورة وايد على طرح الموضوع وسامحيني عالاطالة

 

[pasion]

الصراحة لأ ما البس تقليد

وبرايي انتي فقط وحسب طريقة تفكيرج تقررين

وتعجبنى جدا الى تلبس تقليد وتقول اذا احد سألها انه تقليد مو غلط ولا عيب​

 

[أحبه حدي]

مستحيييييل البس تقليد ما اعرف احس إني مسويه شي غلط
هذا رايي وتقبلي مروري

 

[ورور92]

امبيه بنات بوت بربري الاصلي بـ 70 باضبط انا ماخذته منهم
تاجرات المنتدى و تقليد يبيعونه ب 50 !!


لا تنخدعون بالتقليد عبالكم ارخص من البوتيك و جودة ...ترى كله بضاعة صينية و لا تايلندية ما يكلفهم حتى 10 دنانير ..

 

[PuPa^^SWeeT]

اب اب اب
اب اب
اب