سؤااااااال ( اذا رحتي البحر مع ريلج و قالج .....!! )

[وجدان الكويت]

افضل نكون بروحنا علشان ناخذ راحتنا اكثر

 

[بنت الناس]

صارت بشرم الشيخ ... اول مره طنقرت
قلت له اشمعنى ما ترضى بالديره ؟؟
بس اذا بسبح عاد ما اتفصخ
مايوهي كامل
بس شنو اهو المايوه الاسلامي ؟

 

[semaasem]

ليش يابنات تخلون الحجاب عائق يعيقكم من الاستمتاع بحياتكم وسفرتكم والله مافيها شي هذا ديننا والله امرنا بالحجاب والستر والحمدلله المفروض نفتخر فيه مانخليه عائق لنا اما بالنسبة لي انا ألبس مايوه اسلامي وفوقه كاب علشان يثبت الكبوس اللي يغطي الرقبه وطبعا اكون لامه شعري ببونيه قبلها ونظارات شمسية ومااقولكم بس صج يعني في مايوهات اسلامية مثل البدل بس خامة المايوه عند النصر شكله ستايل ومافيه شي وازيدكم سبحنا واستانسنا وسوينا سنوركلنق بعد وغطسنا وماخلينا شي بخاطرنا ماسويناه بحدود الشرع والدين مافيها شي

 

[روحـ روحه]

الصراحه مصخره ولا اظن في زوج يرضاها على زوجته مولزوم اتسبح ..

 

[chocolate cake]

ما احب ارضي ريلي واغضب ربي

اكيد و صح كلامج
شكرا لج ..

اسبح و انا اضحك عادي ليش احتر خو هذوله بيحترقون بنار جهنم و انا بستانس انشالله يا ربي دنيا و آخره الله يرزقنا اياها

اي صح بس مو اي وحده ترضا ان ريلها يشوف هالمفاصيخ !!

شكرااا عزيزتي

لووول تلبس مايوه اسلامي او اى شي احسن .. والله سمعت انه في بعض الريايل عادي حريمهم يلبسون مايوه بره !!
وتقط الحجاب !

استغفر الله هذا مو رياااال اللي يسوي جذي

وااااااااااااي انا راح امووووووووووووووووووووت قهر منهم واصلا من الاساس ماراح اروح هالاماكن وياه عشان لا اقهر نفسي ...

هههههه شي طبيعي المورا تغار على ريلها

شكرا لج

لا فشلة حدة اتسبح يم الاوادم

ومستحييل ريلي بيراضها علي اتسبح يمهم

الا اذا البحر فااضي يمكن بس هم ما اتوقع

مو عشان جذي احسن شي يكون مكان فيه خصوصيه

شكرااا عزيزتي

والله اطب واتسبح وجنه العيد واستانس واونس ريلي معاي

:dddds: شكرااا لج عزيزتي

اي ارضى عادي

شكرااا نورتينا

والله مارضي انا الاحين قاعده ادور انا وريلي شاليهات فيها حمام سباحة خاص بالبحربن بس ماحصلت
ياليت الي تعرف قولي لووووووووووول
داشه عرض

والله ما اعرف و الا جان قتلج

ان شاءالله البنات يفيدونج حبيبتي

الصراحة غذا قالى ريلى تسبحى بالبحر هذا إذا إذا قال واللة أطب بعباتى

:ggdw:


شكرااا لج يالغاليه

اكيد لا ماكو شغل

لا طاعة لمخلوق في معصبة الله

اكييييييد
شكرااا نورتي الموضوع بوجودج

افضل نكون بروحنا علشان ناخذ راحتنا اكثر

صح اكيد تلبسين اللي تبين على راحتج

شكرا عزيزتي

 

[chocolate cake]

صارت بشرم الشيخ ... اول مره طنقرت
قلت له اشمعنى ما ترضى بالديره ؟؟
بس اذا بسبح عاد ما اتفصخ
مايوهي كامل
بس شنو اهو المايوه الاسلامي ؟

والله حالي من حالج ما اعرف المايوه الاسلامي شلون صاير

بنات اللي تعرف بليز تقولنا شلون شكله ؟؟ و صج ساتر؟

ليش يابنات تخلون الحجاب عائق يعيقكم من الاستمتاع بحياتكم وسفرتكم والله مافيها شي هذا ديننا والله امرنا بالحجاب والستر والحمدلله المفروض نفتخر فيه مانخليه عائق لنا اما بالنسبة لي انا ألبس مايوه اسلامي وفوقه كاب علشان يثبت الكبوس اللي يغطي الرقبه وطبعا اكون لامه شعري ببونيه قبلها ونظارات شمسية ومااقولكم بس صج يعني في مايوهات اسلامية مثل البدل بس خامة المايوه عند النصر شكله ستايل ومافيه شي وازيدكم سبحنا واستانسنا وسوينا سنوركلنق بعد وغطسنا وماخلينا شي بخاطرنا ماسويناه بحدود الشرع والدين مافيها شي

لا والله حبيبتي الحجاب مو عائق بالعكس والله لازم نرفع راسنا و نفتخر بحجابنا بس انا اقصد م تحترين اذا شفتي المفاصيخ يمج ؟؟

و شكرا على مرورج الكريم

الصراحه مصخره ولا اظن في زوج يرضاها على زوجته مولزوم اتسبح ..

اكيد مو لازم بس في رياييل عندهم عادي :eh_s(14):

شكرا لج عزيزتي

 

[غنوة ستايل]

ارد البيت و اترس البانيو .. واتسبح على كيفي معاه ..

بس ع البحر قدام خلق الله اكيد لا .. و الف لا

سواء اهوا طلب او ما طلب ... لان مو كل شي يطلبه الزووج يصير ..اشوف اول شنو اللي يرضي ربي وبعدين اسويه ...

 

[omzayed]

لا والله عادي و صارت معاي بس مو بهالطريقة

كنا بتايلند انا وياه و هناك دايما عندهم رحلات بحرية

مرة رحنا جولة بحرية و يخلونا نشوف قاع البحر و الحياة تحت

حزتها لبت مايوه اسلامي و فوقه قمصي طويل و بحجابي و عادي

احسن من الجينز

بعدين الاجانب من النوع الي ما يلتفتون او يحشون
عندهم حرية الاديان و الحرية الشخصية

مو نفس بعض الدول العربية اذا سويتي جذي نقدوج و خلوج مصخرة

 

[جنون الشوق]

بالنسبه لي ارضى اكييييد ولا اخلي شي بخاطر ريلي ... اهو ما طلب اني اسبح معاه بهالمكان الا واهو اميزني عن غيري من البنات المفاصيخ ...

 

[بوران]

اصلا ما اروح هالاماكن

و اذا على الغيرة اكيد المرة الطبيعية بتغار

و ثانيا لو لو لو قالي جذي ازعل عليه شنو ما عنده غيرة علي

و بعدين بنات مو سالفة مايو اسلامي و كلشي متغطي يعني كافي المرة لي طبت بالماي شكلها مغري

 

[وردة النرجس]

لووووووووول
أصلا بنطب ميخالف بالديره ولا كلا بالظلمة كأنه فقمات البحر
من بعدها لا مابي خل أشتري بيت وأحط فيه حمام سباحة بالسرداب
وأطب معاه على كيف كييفنا
ووحياكم بعد إنتوا ياكويتيات راح أخصص يوم واحد بالإسبوع طبون فيه
خخخخخخخخخ

 

[دلوشه]

عادي

اذا بقول فشله ماراح اعيش المفروض المفصخات يقولون فشله مو انا المستره

 

[semaasem]

chocolate cake الله يسلمج حبيبتي شوفي ياقلبي انا وريلي من عشاق الرحلات البحرية يعني شغلنا شغل بحر وجزر وخصوصا آخر سفرتين لنا رحنا بوكت ومثل مانتي عارفه نظام جزر تايلند وكان شغلنا كله رحلات بحرية ووناسه والسفرة اللي بعدها شرم الشيخ يعني هم طلعات بحر ورحلات بحرية والخ... بالنسبة حق سؤالج تحترين اذا شفتي مفاصيخ جدامج لاوالله وليش احتر همه كيفهم هذا لبسهم البحري واصلا الاجانب مالهم شغل فيج كل واحد بحاله والزوج اذا شافج معاه مسايرته بالوضع راح ينشغل معاج اصلا وماراح يلتفت لهم بالعكس راح يستانس ان زوجته معاه مستانسه اما اذا بقعد مطنقرة ومقلدمة ماتسوى علينا سفره نفس مرة كانوا معانا اسرة من دولة خليجية طالعين رحلة بحرية ببوكت نظام قروبات وكانت معانا بالقروب شكوو طالعة مادري طول الوقت احنا ننزل ونسبح وسنوركل وهي بتننننفجر قاعدة بالبوت ماتحركت والريال مسكين بروحه ينزل يسبح تخيلوا ومرته قاعدة بس تصوره شنو الوناسه؟ ومعصبة بعد حتى ريلي لاحظها بس احنا عادي طاف نزلنا وسبحنا واستانسنا بحدود الدين والشرع وأذكر صادفت مرة برحله بحرية عايلة سعودية خوووش ناس المرة قعدت طول الوقت تطالعني وهي قاعدة بالبوت مانزلت وعيالها وزوجها يسبحون بس هي ماتقدر طبعا علشان لبسها مولبس بحر المهم يوم وقفنا عند جزيرة جان تقولي نزلي انتي وزوجج وانا اصوركم وتعرفت عليها أول مااسألتني(منين جبتي زيووو) على قولتها تتكلم جداوي يعني من وين مايوهج هذا ينننت عليه لأنه اسلامي وستير وبنفس الوقت شكله حلوو وستايل قتلها من الكويت كانت مسكينه تبي مثله ادري طولت عليكم بس كنت بوصل لكم الفكرة بنات لا تخلون الحجاب يمنعكم من وناستكم روحوااا استانسوااا عيشوااا حياتكم ودمتم سالمين

 

[حنان البحرين]

عادي

اذا بقول فشله ماراح اعيش المفروض المفصخات يقولون فشله مو انا المستره

 

[Judy . abbot]

والله البس لبس البطاريق وابلبط بالماي مثل البشه ولا همومي اهم شي وناستي

 

[Judy . abbot]

وريلي عادي عنده
ومافيها شي اذا الريال بيستانس مع مرته والاجانب كل واحد بحاله مالهم شغل فيج

 

[قمورتي فطوم]

هع حنا بالسعووودية والله اطب بعباتي خخخخخ واسبح بس مارحنا البحر انا وزوجي الا مرة وساعه ورجعنا وفاااضي وسبح هوه لحاله انا دخلت بس وانا وا قفه. بالماي



وه شهيتوني اسبح هههه


استغفر الله ربي واتوب اليه

 

[شافوك بحساسي]

اب اب لعيونج

 

[classicyah]

و مـآ حلت له السالفه الآ جدآم العالم و الأوادم ؟

مـآ عمره سمع شي اسمه إنأجر لنآ مكـآن مسكر و محد يشوفنـآ ؟

عنبوه وين غآريته ؟؟

و أصلاً حرآم يشوف هالحريم المفاصيخ و انا بعد حرام أشوف الريآييل الي مطلعين عوراتهم ،

حلوه و الله ، ألبس مآيوه " إسلامي" و حجآب و أنزل في هالبحر المختلط ؟ هههه

ما سويتهآ و انا في بيت أهلي ، أسويهـآ و يـآ ريلي ؟

،

مب متزوجه

بس لو صـآرت ، يخسي أيلس ويـآه دقيقه وحده عقبهـآ

فقدت المريله بسسسس

ريـآل بالإسم الظآهر ؟

مـآ أقول الا مآآآلت

ارتفع ضغطي و الله . . :eh_s(1):

 

[classicyah]

و هآذي فتوى عن المآيوه الإسلآمي . . !

/

مايوه شرعي
السلام عليكم ورحمه الله ... انتشرت في المنتديات مواضيع مثل الميوهات الشرعية ..و يتم عرضها علي المندي أو لفات للطرح " موضة " الحجاب و لا علاقة لها بالحجاب الشرعي ... فهل يجوز نشر مثل هذه الاشياء علي المنتديات و هي منتديات نسائية و لكن من الممكن الرجال يطلعوا عليها ..

الفتوى :

الحمد لله رب العالمين والصلاة والسلام على أشرف الأنبياء والمرسلين نبينا محمد وعلى آله وصحبه ومن والاه إلى يوم الدين . أما بعد :
فقبل الجواب على السؤال لنا تعليق على المايوه الشرعي .
أن مما يحزن المرء أن يروج الباطل والفجور باسم الإسلام . إننا في زمن رأينا فيه العجائب . فسمعنا عن الأغاني الإسلامية والموسيقى الإسلامي والديسكو الإسلامي والمايوه الشرعي الإسلامي . فإنا لله وإنا إليه راجعون .
فالذي سمعنا عن المايوه الشرعي : أنه لباس مطاطي طويلة الأكمام تلبسه المتحجبات المتدينات على وصفهم للسباحة في البحر أمام الناس . وفي إعتقادهن أنه لا ضرر بذلك بما أنها ترتدي مايوه شرعي . فإنا لله وإنا إليه راجعون .
فهذا الباس يحرم على المرأة لبسه إلا أمام زوجها . وأما أن تخرج إلى البحر فهذا مما لا يقول مسلم بحله .
وأما نشر موضات الحجاب ولفات الطرح ويصاحب ذلك بطبيعة الحال صور النساء فهذا كذلك مما لا يحل نشره في الإنترنت لما فيه من الفتنة . وإذا دخل شاب وفتن يتحمل وزره من نشر هذه الصور .
قال الرسول صلى الله عليه وسلم ( من سن في الإسلام سنة حسنة فله أجرها وأجر من عمل بها من بعده من غير أن ينقص من أجورهم شيء، ومن سنَّ في الإسلام سنَّة سيئة فعليه وزرها ووزر من عمل بها من بعده من غير أن ينقص من أوزارهم شيء). رواه أحمد ومسلم والترمذي.
والله تعالى أعلم .

شبكة نور الإسلام .