سؤااااااال : ليش؟! و لماذا؟!

[الانسة الشابة]

السلام عليكم
بنات من زمان بخاطري اسأل…
و يا ريت تجاوبون علي......
ليش دائما مفروض على المرأة تصبر تتحمل و تكابر و تذل روحها و تنطق و تسكت و تخاف و تحسب حساب و وووووو
وااااايد اشياء لازم تتحملها المرأة ليششششششششش؟!
ان اتنرفز لما وحده تحط مشكلتها الزوجيه عندكم و نصايح الاغلب:
- صبري وصبري و صبري و تحملي عشان عيالج … و عشان المركب يمشي
-اذا عصب او سبج ريلج او طقج سكتي و لا تتكلمين في حضور شخصية العصبيه( كان عادي عندكم يعصب و يصارخ وريصق و عيب و حرام على المرأة تسب)
- لا تتطلقين .....و رأي المجمع بالمطلقة…

احنا الحين في زمان فيه اشباه رجال ...... قليل جدا الرياييل الحقيقين وين الشهامه وين اللي ما يسب و لا يمد ايده على مراه..... وين وين وين
يستفزني ضعف المرأه و اهتمامها الكامل بزوجها و اهو ولا داري عنها......و ناسيه روحها و تاركه الدنيا بكبرها عشانه
محد خلانا ضعاف و مهزوزين الا انفسنا.... و ما محد خلانا نسكت عن حقنا الا حريم مثلنا … بنصايحهم و اسلوب حياتهم… *و ترا الحياة هي مره و لازم نعيشها بسعاده و فرح
* و الزواج هو تتمه لحياة سعيده مع شريك في الحياة
* و لا تتحججون بالعيال … و العيال يعشون بيت مهدوم من زمان و يتعقدون اكثر او يبدون حياة ثانية تقدرون يمكن يتغيرون للاحسن…
و في الاول و الاخير كل وحده عارفه حياتها و عارفه مشاكلها و اذا تقدر تحلها بقدرتها و لا لا.....
:
:
و هذي وجهة نظري.......

و للحين السؤال محيرني : ليش مفروض على المراه تصبر و تتحمل … و ليش تنصحونها بهالشي؟!

 

[ضــمــاد]

ليش تصبر ,, لأنه ربي راح يكافأها على هالصبر


بس في صبر ايجابي × وفي صبر سلبي


الايجابي ,, انه الوحده تصبر وبنفس الوقت تحاول انها تحسن الوضع المهم انها تتصرف


والسلبي ,, انه الوحده تصبر وتحط ايدها على خدها تنطر معجزه تصير لها وتقلب حياتها !


وبعدين بالنسبه لي , في أشياء أصبر عليها , لكن لصبر حد ,



يعني سالفة انه يتلفظ علي بألفاظ جارحه و مُـهينه , أكيد ماراح أسكت

سالفة انه يمد ايده علي , أكيد ماراح أسكت


سالفة انه يقصرر علي من ناحية المصروف وأهو مقتدر وماعنده مشاكل , أكيد ماراح أسكت



وعموما ً ,, في بداية الحياة الزوجيه , من أول لحظه يكلمون بعض في الملجه أو أول يوم عرسهم


الريال يبتدي يختبر زوجته , اللي تنجح بالأختبار راح ترتاح بكذا شغله , واللي تفشل بالاختبار


الله يعينها ع القادم ,,


بأختصار أنا مع الصبر بس مو بكل شي ​

 

[granted]

شوفي الحياة بشكل عام يبيلها صبر سواء كنتي زوجة ولا بنت ولا تشتغلين ولا ام ماكو شي اسمه راحة مطلقة الا بالجنه
ولو شفتي الاهل سااعات يضطرون البنت انها تتحمل عيشتها عند ريلها مهما كانت يعني لاتفكرين بطلاق
لاتفكرين تردين لنا وبيدج ياهل
والمره مو كل يوم لها ريل وماكو بنت تطلقت بالعايلة
والاولويات تختلف في بنات اهم شي عندها الحياة الاسرية وبنات وناستها وبنات حياتها العملية وينصحون على هالاساس
بالعكس انا اشوف الحين البنات من يقرون مشكلة على اولهم تطلقي تطلقي
وحتى الرياييل الحين مو تكانة يبون يمشون الدنيا بمزاجهم
فحتى لو البنات نصحوا وحدة شايفة المر واللوعه من زوجها انها اتصبر واتحمل ومادري شنو ماراح تصبر لان اهي ادرى بوضعها بالاخر وارائهم ركلات ترجيح

 

[الانسة الشابة]

ضماد و granted مشكورات ع الرد
اكيد انا مع الصبر و كما قلتي الصبر الايجابي
و لكن انا اقصد الصبر الاجباري ...... يعني المجمع كلللللللله يقول لج صبري و يجبرج على الصبر … و في المقابل الريال له حق يطلق باي سبب كان حتى لو كان سخييييييف و والمجتمع يسكت ما يقول شي و لا بعد يوافقون عليه اذا تزوج مره ثانيه عااااااااادي و في المقابله المطلقه يكون صعب عليها تتزوج و اذا تزوجت غالبا ما يكون المتقدم متعدد او شايب او و او …
انا مو ضد الصبر اذا كانت الزوجه اهي بروحها تبي تصبر و قادره تحل مشاكلها مع ريلها
لكن اذا هي عايفه الحياة معاه و لا يمكن تستحمله اكثثثر. …ما هي مجبوره تصبر
و انا ضد الصبر عشان خايفه من لقب مطلقه او نظرة المجمع لها…
و تقعد معاه و هي حزينه و مكتئبة و مهمومه … بلا عليكم هذي الزوجه اشلون بتربي عيالها بالجو المشحون بالمشاكل و الكآبه و الامراض النفسيه؟!


و مشكورين ع المرور

 

[M!SS.LOBY]

لا حول ولا قوة الا بالله

 

[امـ خــزامـى]

اصبر اذا انا اقدر اتحمل الوضع واساسا قابل للاصلاح والتعديل
لكن اصبر وهو مافي امل
بس عشان كلام الناس او لقب او اهل


لالالا محد يهمني بهالحال ابداااا
✌

 

[نونه المنكوشه]

لانه المرااا لها قدره ع الصبر اكثر من الريال سبحان الله واكبر دليل الحمل والولاده بس صبر عن صبر يفرق وفي شي ينصبر عليه وفي لااااااا وهذا يرجع للمره نفسها اذا عندها استعداد بتصبر واذا لأ اكيد بتنفصل والحين مونفس قبل حريم اول اللي اتشوف الضيم وتصبر لأ الحين اذا شافته عوي ومامنه رجاااا تطلقت اله عاد اللي عندها ظروف تجبرها اتحمل المر وبالنهايه الصبر يعتبر عباده موبس ع الزوج ع كل شي والراحه الكامله بالجنه مافي حياة كامله ولافي راحه ابديه اله بالجنه

 

[M!SS.LOBY]

المرأة العربية سبحان الله عطاها قوة صبر وتمسك بالحياة بسبب الوازع الديني والايمان بقدرة الله عز وجل خالق الكون

 

[توتة UAE]

حتى لو الحرمة عندها قدرة تصبر اكثر من الريال بس انا بعد انقهههههر لما
المجتمع يظلم الزوجة اللي تكون مظلومة بس يقولون لها اصبري ولا اللي ماتبا
تتطلق لانها تتريا تستوي معجزة تغير زوجها اللي بلا دين ولا تربية ولا اخلاق

لا تزعلون ترا والله شي رياييل تربيتهم زززفتة اهاليهم ماعرفوا يربون . .
انقهر لما الريال يلعب ويمرح ويسوي بلاااااوي مايقولون له شي لا وعقب
يدورون له بنت شريفة نظيفة مؤدبة !!!!!!!! عقب البنت تبتلش وياه وطبعا
دام الغلط من الزوج بس يقولون اصبري ويااا ويلها الحرمة لو طلع الغلط منها
كيييف بيكبرووون السالفة وكيييف بينتفووونها بالكلام !!! مالت عليه ليش
ما ياخذ وحده نفس شكله !! وحده طلعت ويا شباب وكلمتهم وسوت خمسين
الف قصة حب لا تصلي ولاتعرف ربها !!! عشان العدل ؟؟!

حتى ف مجتمعنا البنت مظلومة . . مع ذلك الحياة مب نفس قبل
والحريم المظلومات المتعذبات مب كثر قبل . . كل شي قام يتغير شوي
شوي . . ربيعتي انظلمت واااايد مع انه زوجها من اهلها . . خلوه يطلقها
بعد سنة تقريبا تقدم لها واحد أعقل وأحلى وأطيب وأحسن من الأول . .
ومب متزوج من قبل : ) ربي عوضها بالأحسن لانها كانت بنت طيبة وقلبها
ابيض . . الحمد لله الحين عايشة حياة أحسسسن بوايد ما شا الله عليهم
ربي يسعدهم دوم . .

 

[Patcholli]

انا الصراحه ماتبط جبدي غير الزوجه اللي يعاملها زوجها باستحقار ومذله وحيوانيه حشاكم يعاملها بمستوى انزل من الحيوان وتقول احبه ماقدر اهده او تقط الحجه بعيالها واهي من داخلها تدري ان اهي الي تبيه مو عشان عيالها

شتسوين بعد حبيبتي هاذا المجتمع المره تعيش بذله واهانه وعذاب حلال
بس انها تطلب الطلاق مع انه حلال ورب العالمين حطه عشان ينقذ المره من هالحالات المريضه بس المجتمع يسويه عيب وحرااام ومايصير

 

[طريق السعاده]

والله بصراحه محد بينام ع السرير معه الا هي ومحد بيقابله طول العمر الا هي اذا مو قادره تتحمله بطقاق ف كلام الناس تتطلق وتنقذ نفسها والي يصير يصير عادي جدا


اعرف لك ناس كله يعيبون ع البنات الي يطلقون ويعيبون ع حريم عيالهم واحد من عيالهم طلق 3 مرات المشكله ببدايه زواجه يطيرون بمرته وبعد فتره يقولون حقيره ولسانها طويل وماتسوي وفيها وفيها

بعد فتره الله ابتلاهم ببنتهم وتطلقت بدون سبب مع ان البنت جميله وراعيه بيت وسنعه بس زوجها صار فضيع وتعامله حيواني
فجاه صارو ناس يحبون المراه المطلقه وان في مطلقات مضلومات وان بنتهم مضلومه !

حنا ندري ان البنت مسكينه مالها ذنب بس اكتشفت وامنت بداخلي ان المجتمع هو حنا ك اشخاص وعوائل نذم الي نبي ونتعاطف مع الي نبي

عشان كذا الوحده تصلح الي يريحها والي يرضي ضميرها والحياه مره وحده عيشوها نفس ماتبون ومالكم شغل بكلام الناس محد بيحس فالي تحسينه لين يجربه !

 

[كليـ دلعـ]

ودي ارد

بس راح اتعب بالشرح خل احاول بنفسي اذا رضت

تشرح ارجع واحط رد نطروني

 

[Tom ♥ Jerry]

,


انا معاج بكل كلمه قلتيها !
اهم شي في الزواج الاحترام قبل الحب
ممكن يستمر الزواج و يكون زواج سعيد بالاحترام
بس اذا ماكو احترام مشكله


انا ما الوم الريال كثر ما الوم المره
مثل ما قلتي اهيه ليش ترضا على نفسها و على عيالها الاهانه ؟/:
لو اهيه فعلا تحب نفسها و عيالها
جان ما تسمح حق اي واحد يعتدي عليهم لا بالضرب و لا بالكلام
حتى لو كان ابوهم
بالعكس الابو لازم يكون قدوة حق عياله
و تشد الظهر فيه !!

و اي واحد مافيه رجوله لازم تنفصلين عنة

 

[الانسة الشابة]

مشكورات يا كويتيات ع المرور الحلووووو
:
:
ان شاء الله نستفيد من بعض و نكتسب خبرة اكثثثر
انا مو قصدي من الموضوع الا ان نستفيد و. نكون اقوياء و نحب روحنا و نسعد انفسنا .....
احب ان نكون شخصياتنا قويه و واثقين من بانفسنا … و لا تهزنا نظره زوج لنا او نظرة المجتمع لنا
:
:

​

و شكرا مرة ثانيه ع المرور
و بنتظارك رايكم…

 

[الانسة الشابة]

ودي ارد

بس راح اتعب بالشرح خل احاول بنفسي اذا رضت

تشرح ارجع واحط رد نطروني

نااااااطرين ردج يا كلي دلع
و ان شاء الله نستفيد منج و نفيدج
و الله يوفقنا و يسعدنا وين ما كانا
امين …:eh_s(17):

​

 

[العنودبنت علي]

عسى ربي يسهل حياتكم

 

[<miss botamba>]

الصبر مو باي حاله

انا اذا احد بذلني او استحقرني او يمد ايده علي لا والله انشبه ابلعومه ههههه

اوكي اصبر علي عصبي وامتص عصبيته اصبر على واحد دعله واسايسه واشتري راحتي .. عنده مشكله بشغل او ماده جذي

وحتى الاهتمام انا ضد المرا الي تسوي للريال النون وما يعلمون


عامل بما تعامل به لا تعطي المرا اوفر ولا تاخذ اوفر

 

[Pinky -cat]

لان المرا قلبها رحوم وطيبة نطلب منها تصبر ولان الله بيجازيها بالخير باذن الله ولان مو سهل الارتباط وبكل سهولة خلاص
مابيه وتوخر او لانه فيه وفيه ، نصيبها وهاذا وخل تصبر لين يتعدل تحاول وياه تدخل اهل تشوف حل ، ومو حلوة ولا من الذوق
ولا التربية انها ترد وترادد على بونه شاطرة لا بالعكس هاذا دليل تربية ومو حل ابدا اهيا ترتقي وترقا اخلاقها لمن ما ترد عليه
وبعدين ترا الرجال قوامون على النساء مهمن كان والمرا الذكية تعرف تصون كرامتها في بيتها


مادري ليش احسج مقهورة من شي او ماره عليج تجربة خلت تفكيرج بهالطريقة او حتى مرت عليج حالة خلتج تقولين
هالكلام ، اكيد في شي جايد صار ههه صح


حبوبه الحياة مو سهله ويبيلها صبر وايمان بالله قوي ورحمه الله كبيرة وكل مرحلة ولها طبيعتها وحلاوتها ومشاكلها طبعا

 

[M!SS.LOBY]

الحب و الاتفاق الطرفين سبب نجاح الحياة الزوجية واستمرارها

 

[يستفزني غلاك]

اشوف ان المجتمع تفتح وصااار الرجال يهتم بالزوجه اكككثر ويداريها الاغلبيه طبعا مومثل مااسمع عن قبل الرجال حتى مايدري عن البيت الصبر لابد منه تصبر عليه سنين ومع الاسنين بيتغير
انتبهي ل كلمه لاقالولها( اصبري )شنو وراها؟؟؟؟؟؟
وراها: بيتغير والله يهديه وووووو........الخ
يعني معناه ان في تغير ب المستقبل
ويااما شفنااااااا شلون حريم تغير وضعهم مع رياجيلهم بعد سنين واعتقد محد ينكر هالشي