سؤالي للي سكنوا بفندق ثيستيل ماربل ارش لندن

[حرم معاليه]

مرحبا بنات

اللي سكنوا الفندق هذا ابي اسالهم فيه استشوار بالحمام تكرمون ؟

 

[ام عبد العزيز]

انا سكنت فيه مرتين يهبل الصراحة وايد حلو وموقعة احلى كل شي يمج وبالنسبة للسشوار في بالغرفة سشوار بالدرج تحت التلفزيزن :tek: وتروحين وتردين بالسلامة

 

[روحي تحب]

ايه حبوبه فيه وآنا خذيت سويت فيه وماانصحج من الازعاج واي كاني نايمه باكسفورد كل طقة بريك من الباصات اسمعها لانه درايشه مو مسوينها دبلعن الازعاج بصراحه كلش كلش الكمبرلاند ارحم ومايبعد عنه الا خطوات وساس احسن واحسن والشئ راجعلج بالنهايه ووصي لاتاخذين غرف على الشارع والله لاليلج ليل ولانهارج نهار طلعت ادور فندق ثاني عقب يومين ماكو نوم رحت ساس يالله عوضت وارتحت

 

[كويتية و لكن]

لا لا ما انصحك تسكنين فيه لويه وازعاج صج موقعه روعه يمك كلشي لكن ودعي النوم والراحه

 

[lolo6688]

بالعكس انا سكنته كلش مو ازعاج
يمكن غرفتي مكانها داخل كان مادري
بس فيه شسوار
وعجيييييييييييب

 

[mr000]

أختي آنا كنت بلندن ب8/4 وتوني راده قبل أسبوع قعدت بثستل ماكان فيه أزعاج يمكن لأنه موفي موسم الصيف والزحمه مع أن الفندق كان متروس لدرجة أن المطعم ماكان يكفي الناس وقت الريوق وكانوا فاتحين قاعة اجتماعات ومناسبات للريوق بس والله مستوى الفندق وايد زين ونظيف وفي سشوار تكرمين بالحمام ومن ناحية الأزعاج يمكن الغرف اللي تطل على أكسفورد فيها أزعاج مادري ماجربت آنا كانت غرفتي من الغرف اللي بظهر الفندق بالعكس كانت هاديه حتى عرضوا علي أول ماوصلت أنهم يعطوني غرفة تطل على شارع أكسفورد ويسويلي فيها خصم حلو وقالي روحي شوفيها أكبر من غرفتج بس مابقيت لان توقعت يكون فيه ازعاج من صوت السيارات والباصات وبعدين غرفتي عجبتني وحجمها مناسب فماغيرتها!!

 

[AT-143]

انا ماسكنت في بس سألتلج بنت خالتي قالتلي ان في لا تحاتين حبيبتي روحي و انتي مطمنه

 

[المتفائله دائماً]

موفقه ان شالله

 

[mr000]

أي نعم فيه سشوار بالحمام تكرمين