سؤال الى خبيرات التسوق في اسطنبول

[اروى77]

يعطيكم العافيه بنات .... ياريت تفيدوني عن المحلات او المولات اللي اقدر الاقي فيها بضاعه تركيه من ملابس وقطنيات وغيرها باختصار ابي بضاعه غير الموجوده عندنا بالديره..ومشكورين مقدما

 

[Ms. luxury]

هلا حبيبتي .. احنا رحنا السوق المسقف ببورصة أرخص من السوق المسقف اللي باسطنبول ..
تلقين عندهم جناط حلوة تقدرين تاخذينهم حق بضاعة تلقين كم محل بس متخصصين بالجناط والمكاسر أهم شي ..كاسريهم ..احنا قال لنا الجنطة الواحدة مايعادل 10 دنانير قلنا له من أول كلمة مايعادل ال5 دنانير ..ووافق على طول شكله مستانس من هالسعر خذيت منه 4 جناط صوايغ بس اشحلاتهم وطبعا عاديين موماركات ولاتقليد ماركات ..
أيضا محلات ملابس السهرة والبدل عندهم رخييييصة وتونس .. هذا كله بالسوق المسقف اللي ببورصة قولوا حق التاكسي (أولو جامي) أي:المسجد الكبير ..والسوق تسمى بإسم هالمسجد وراح تستانسون فيه تمشون بدون ماتحسون ..
أما باسطنبول ترا أغلى شوي بس بوصيج على محل عندهم بمجمع جواهر (انتوا قولوا حق التاكسي زافير مول) يعني جواهر (زفاهير) هالمجمع ماتخلصينه بيوم واحد كلللللللللللللل شي فيه ..وفيه 300 مطعم ومقهى (على قولة القايد مالنا ) عندهم محل اسمه (مس لندن) شريت منه تنورة تهبل وعالموضة ألوانها بس ب4 دنانير ..حرصي على المحلات اللي مسوية تنزيلات ..
في محل غالي شوي كله قطنيات وهو أساسا مصنع اسمه (أوزديلاك) موجود ببورصة مادري بعد إذا موجود بإسطنبول أو لأ سإلي عنه هناك ..
بس نصيحة لاتروحين المجمعات الثانية أسعارها غالية <<<أنا أقصد المجمعات الثانية اللي باسطنبول غير جواهر مول ..نصيحة لاتضيعين وقتج فيهم أصلا رواد المجمعات الثانية اللي دخلناها قليلين وكلهم من طبقة الهاي هاي ..والأسعار أغلى من مجمعاتنا اللي بالكويت ..أحلى وأفضل مجمع برأيي هو جواهر مول باسطنبول ..ومثل ماقلت لج حرصي على المحلات اللي مسوية تنزيلات ..وبالتوفيق ..وإن شاء الله البنات يفيدونج أكثر مني

 

[cheese cake 84]

آآآآآآآآآآآآآه اسطنبول وما ادراكي ما اسطنبول واااي تهبل تهبل حديي كيفت فيها وعلى سوقها شوفي انتي روحي هناك واتفقي من الكويت مع مكتب سياحي يلف فيج اسطنبول كلها انا جذي سويت ودانه دواعيس ومحلات اتينن بس حسااافه مادري شنو اسمهم ولا رقم السايق المهم شوفي هذا احسن شي تعاملي مع سايق يتحجه عربي واهو يفر فيج تركيا كلها روحي جوافر وفي مول بعد حلو اسمه مترو سيتي وعندهم هذا المسقف ايننن ويونس تلقطيين منه على كيف كيفج

 

[اميرة القلوب]

هلا قلابي روحي السوق المصري رخييص وكل شي فييه ..ربي يردكم بالسلامه يارب

 

[اروى77]

شيهيرو..مشكوره عالمعلومات يعطيك الف عافيه

 

[اروى77]

آآآآآآآآآآآآآه اسطنبول وما ادراكي ما اسطنبول واااي تهبل تهبل حديي كيفت فيها وعلى سوقها شوفي انتي روحي هناك واتفقي من الكويت مع مكتب سياحي يلف فيج اسطنبول كلها انا جذي سويت ودانه دواعيس ومحلات اتينن بس حسااافه مادري شنو اسمهم ولا رقم السايق المهم شوفي هذا احسن شي تعاملي مع سايق يتحجه عربي واهو يفر فيج تركيا كلها روحي جوافر وفي مول بعد حلو اسمه مترو سيتي وعندهم هذا المسقف ايننن ويونس تلقطيين منه على كيف كيفج

مشكوره ياقلبي عالرد..شكلي بشوفلي مكتب سياحي مثل ماقلتي

 

[اروى77]

اميرة القلوب..مشكوره عالرد..وتسلمين عالدعوه الحلوه بس للحين ماسافرت .. انا قاعده ايمع معلومات للسفره انشالله

 

[فراشة لكويت]

المجمعات حلوة عندهم وخصوصا جواهر مول انا رحتله مرتين فيه الغالي والرخيص , وعلى فكره المجمع استثمار كويتي خارجي .وروحي كباري جارج (السوق المسقوف) وروحي سوق البهارات ووايد حلو خصوصا المنظفات للجسم فيه . فيه مجمعات حلوه باسطنبول وايد ناسيتها . فيه شارع الاستقلال كل يوم كنا نتمشى فيه بالليل فيه سوق ومطاعم وقهاوي . في بورصه مجمع زفر والسوق المسقوف نفس اللي في استنطبول بس اصغر . روحي لمجمع اوزدلك ووايد حلو تقدرين تسوين فيه فوط باسمج . واهلا وسهلا

 

[دنيا سعوديه]

سفر موفق جواهر مول حلو والبازار المصري حلو وتقسيم فيه محلات حلوه ولاتنسين كلي كبه على قد ماتقدرين في تقسيم وروحي اهم شي اشربي قهوه تحت الشجره الكبيره معروفه عندهم بس روحي لها بالنهار لان في حياتي ما شربت مثل طعم هاذي القهوه ولا تنسين تروحين جزيرة الاميرات وعيشي حياتهم .............. الله ذكريات روعه الله ياتركيا

 

[ام كوثر]

والله شوقتونا

 

[q.u.e.e.n]

اب اب اب

 

[Om_Ksha]

uuuuuuuuuuuup

 

[Om_Ksha]

eee 9j fe sog esma merter ybee3 bljmlaaa 3jeeeeeeb bs ham feeh mfrg ... o 7da eer5eee9

 

[miss_7sawiya]

اب اب

 

[دانه الخليج]

اذا تبين بضايع صدق روحي عثمان بيه فيه اشياء حلوة ورخيصه وطبعا السوق المسقف حلو وهم شارع استقلال هم وايد اشياء حلووة الله يوفقج ان شاءالله