سؤال الى خبيرات صينية الدجاج بالفرن ضروري

[خوخة الكويت]

السلام عليكم ...



بنات انا حابة استفسر عن طريقة عمل صينية الدجاج بالفرن ...

شلون أتبل الدجاجة وجم اخليها تنقع بالبهارات ؟!!


واذا حطيتها بالفرن اغطيها بقصدير والا لا ؟!!

والفرن افتح النار اللي فوق والا اللي تحت و جم دقيقة اخليها بالفرن ؟!!

وبس

ناطرتكم تكفون بسرعة مواعدة عيال اختي اسويها لهم *

 

[خوخة الكويت]

شدعوه ١١ مشاهدة و ما في اي رد ؟!!!

 

[خوخة الكويت]

ليش محد رد علي


معقولة سؤالي صعب !!!

 

[مثوله2010]

رد : سؤال الى خبيرات صينية الدجاج بالفرن ضروري

حبيبتي الطريقه سهله حيل اولا :- من بعد ما تفج الديايه من الثلج تاخذينها وتغسلينها زين وتقصصينها اربع قطع وبعدهاتبلينها بملح وليمون وكمون وتخلينها علي صوبثانيا :- تقصصين الخظره حلقاب البطاط وبصل وطماط وتصفين اول شي البطاط تحت ووراها البصل والطماط والدياي من بعد ماتغسلينها من التتبيله وتحطين عليها الصلصه وهي من علبه لعلبتين معجون طماط مع كوبين ماي لي ثلاث مع قفشه صغيره فلفل اسود ونفسها بهارات وقفشتين ملح ولازم تكون الصلصه نغطيها تقريبا اصبع فوهم ثالثا :- تحطين الصينيه بالفرن علي نار متوسطه وتكونين مغطيته اول شي بقصدير من 20 لي 30 دفيفه ومن بعد ماتشوفينه استوي افتحي القصدير وخليه يتحمش من فوق وبالعافييييييييييييييييييييييييييييه

 

[wedifeek]

رد: رد : سؤال الى خبيرات صينية الدجاج بالفرن ضروري

تقريبا طرقتي نفس اختي اللي قبلي بس انا احط البصل اول وبعدها الطمام وبعطين البطاط عشان اذا حطيتي البطاط اول يحترق

ومووشرط تقطعين الدجاج بكفيج انتي بس شيلي الجلد من عليه وحطي الخضار اللي تبيننها كلها تحت مع البهارات وفووقهم الدجاج

بعد ماتغسلينه وتبهرينه واذا تبينه فيه مرق حطي عليه صلصل و3 قلاصات ماي واذا تبينه يكون فووق العيش لا تحطين ماي ولا صلصل

ولا تحطين قصدير شغلي الفرن اول تحت وبعدين اللي فووق وراح يستووي الخضار والدجاج يطلع كنه مشووي هذي طريقتي وخليه

مدة سااعه بالفرن وبالعااافيه عليكم

 

[جارة القمر]

مشكوووريييييييييييييين


http://www.q8yat.com/showthread.php?t=469921


http://www.q8yat.com/showthread.php?t=750362&highlight=%D5%ED%E4%ED%E5





اشكثر عندي طرق صواني دياي بس الروابط علي الستايل القديم ومو راضيه تشتغل

 

[Mazyoona]

*
..... *​

الله تصدقين شهيتووني ​

* .....
*​

 

[كويتية و لكن]

بالعافية الطريقة صح بس حطس كركم علشان اللون والكركم مفيد

 

[مثوله2010]

رد : سؤال الى خبيرات صينية الدجاج بالفرن ضروري

العفو بصراحه احب الطبخ حيل عادي اى اسئله انا حاظره وبعد البنات اللي موجودين بالمنتدي خير وبركه

 

[جارة القمر]

http://www.q8yat.com/showthread.php?t=530203


http://www.q8yat.com/showthread.php?p=22595505


http://www.q8yat.com/showthread.php?t=749274






دجاج في الفرن على الطريقة الفلسطينية

المقادير








دجاجة كاملة مسلوقة حسب الطلب
ملعقة شاي هيل مطحون
ملعقة شاي فلفل أسود
ملعقة شاي قرفة
ملعقة شاي ملح
ملعقة شاي كركم
ملعقة شاي بهارات مشكلة
ملعقة شاي كمون
علبة روب
4 فصوص ثوم مفرومة
4 ملاعق طعام معجون طماطم
4 ملاعق طعام زيت زيتون
1/4 كوب عصير ليمون
3 أعواد قرفة
4 حبات قرنفل
1 ليمون شرائح
4 هيل


طريقة التحضير








·اخلطي الهيل والفلفل الأسود والقرفة والكركم والبهارات المشكلة والكمون
والزبادي والثوم ومعجون الطماطم والزيت والليمون في الخلاط .


· احضري صينية، وضعي عليها ورق ألومنيوم.


· ضعي فوقها الدجاجة، واغرزي القرفة والهيل والقرنفل فيها.


·اسكبي فوقها خليط الزبادي. ادخلي الدجاج الفرن وحمريها.



منقووووووووووووووول