سؤال بخصوص التطبيقي

[Ms A]

السلام عليكم
انا طالبه بالجامعه العربيه المفتوحه 2 سنه تمهيدي
انا جنسيتي سعوديه ونسبتي بالثانويه العامه 79.79 سنة 2010/2009 علمي
وكنت ابي احول لجامعة الكويت بعد مااتخصص بس قالولي مايصير لانه نظام جامعتي غير عن نظام جامعة الكويت فقلت بطلع من الجامعه العربيه المفتوحه وادخل تطبيقي
الاسباب لانه الجامعه المفتوحه اطول واجد وعلى الاقل يبيلي 6 سنوات يالله اتخرج وتخصصتها قليله جداً وادفع فلوس وانا ماادري متى اتخرج ومافيها صيفي وللعلم اني مو موظفه وابي ادخل تطبيقي علشان اتخرج بسرعه وعقبها اكمل باكالوريوس وعقبها ماجستير اما اذا قعدت بالجامعه المفتوحه بقعد سنين لمن اعجز على مااخلص واهي يبيلها وحده بالها طويل فيابنات ابي اسالكم ممكن يقبلون بالتطبيقي وشالكليات الي ممكن انقبل فيها ارجو الرد بسرعه للي عندها علم بهالموضوع او ترفع الموضوع :yaaaaaarb:

 

[Ms A]

شهادتي الثانويه قديمه اذا قدمة بالتطبيقي تتوقعون بيقبلوني لاني صراحه تعبت قدمة على الجامعه المفتوحه وتحسفت فالتطبيقي املي الوحيد

 

[Ms A]

بنات ارفعو الموضوع اذا ماعليكم امر

 

[فرزاشيهـ]

انا عكسج تماما كنت بالتطبيقي و اسوء تجربه لي هناك و طلعت و رحت الجامعه العربيه

من قال ماعندنا صيفي !! معلومتج غلط حبيبتي و هالصيفي نزلوا مواد تخصص ام ٨ وحدات

و جامعتنا لو دخلتي و انتي معديه كل التمهيدي تخلصينها اب ٣ سنوات و اسالي اللي تبين

بالنسبه للتطبيقي شهادتج قديمه ماتوقع يقبلونها بس جربي


نصيحتي لج اذا انتي الحين صارلج سنتين و جتازه مواد و وحدات حرام تطلعين كملي عليها احسن من انج تبلشين من الصفر

 

[Ms A]

انا عكسج تماما كنت بالتطبيقي و اسوء تجربه لي هناك و طلعت و رحت الجامعه العربيه

من قال ماعندنا صيفي !! معلومتج غلط حبيبتي و هالصيفي نزلوا مواد تخصص ام 8 وحدات

و جامعتنا لو دخلتي و انتي معديه كل التمهيدي تخلصينها اب 3 سنوات و اسالي اللي تبين

بالنسبه للتطبيقي شهادتج قديمه ماتوقع يقبلونها بس جربي


نصيحتي لج اذا انتي الحين صارلج سنتين و جتازه مواد و وحدات حرام تطلعين كملي عليها احسن من انج تبلشين من الصفر

مشكوره اختي على النصيحه بس ترى مو كل مره يفتحون صيفي لمواد التخصص فانا وحضي والتطبيقي مريح اداوم يومياً والدكتور اهو يشرحلي مو اقعد ادور انا الشرح بنفسي ومايطول سنتين وانا متخرجه واذا ماقبلوني والله قهر انشالله يقبلوني مابي اقعد 4 سنين ادرس خلاص كبرت ابي اخلص بسرعه وابتدي مرحله جديده :eh_s(16):

 

[Ms A]

اب اب اب

 

[فرزاشيهـ]

سنتين و انتي متخرجه؟ انتي تقصدين المعاهد الدبلوم! مو بكالريوس


موفقه ان شالله

 

[الزيـّـن *]

روحي لعديليه واستفسري منهم
موفقة

 

[C.S.S]

انا دفعة ٢٠٠٩ حولت هالسنه من جامعة الكويت الى التطبيقي ، التطبيقي يقبل الشهادات القديمه من سنة ٢٠٠٧ يعني يقبلونج التربيه الاساسيه فقط تقبل الشهادات القديمه من ٨٠ و فوق اما باقي المعاهد والكليات تقبل اقل من هالنسبه وشكرا .

 

[gala q8]

وعليكم السلام ..

إإي اولا يقبلونج حتى لو كانت شهادتج من سنه الطواعين ..

و 79 يدخلوونج إن شاء الله ..

بس الأفضل تروحين التطبيقي وتقولين لهم .. وبعدين راح يقولون لج سجلي بالتطبيقي بالكليه اللي تبينها ..
و إذا قبلوووج بعديييييييين سحبي أوراقج بالجامعه

بس بالاول لازم تقدمين بالتطبيقي عشان إذا ما قبلوووج تكونين بالجامعه موجوده

انا رفيجتي كانت بالجامعه و قعدت فيها سنه او سنتين .. و حولت عندنا

و بعدين إذا إرتفع نسبتح بالكليه و طلعتي بإمتياز ممكن يدخلونج جامعه الكويت تكملين باكلريوس << حسسسسب علمي

و أظن كل الكليات ياخذونج من التربية وتحت بس روحي التطبيقي أفضـــل عشـــــــــــــان تتأكدين لان على حسب الشهادات القديمه واليديده تفرق النسب ..

 

[^^طالبه^^]

شهادتج قديمه حبيبتي بنسبة للكليات يبون 80 وفوق

يمكن يقبلونج معاهد

 

[أحلى البشر]

احسن لج راجعيهم بالعديليه واخذي منهم الكلام الاكيد

 

[ramzia]

نجد أن نسب القبول التطبيقي تختلف من تخصص لآخر بناءً على الاقبال والطلب، وعادةً ما تكون التخصصات الهندسية والتكنولوجية أكثر تنافسًا، مما يجعل نسب القبول فيها أعلى وأصعب بالنسبة للطلاب. ومن جهة أخرى، يمكن أن تكون التخصصات الأدبية والاجتماعية أقل تنافسية في بعض الأحيان.
يجب على الطلاب أن يأخذوا هذه النسب بعين الاعتبار عند اختيار تخصصهم والتفكير في خياراتهم المستقبلية. يجب أن يكونوا مستعدين للتنافس على الأماكن المتاحة والسعي لتحقيق أداء متميز خلال الفصول الدراسية السابقة والامتحانات الوطنية.
علاوة على ذلك، يمكن للطلاب البحث عن فرص الدعم المالي والمنح الدراسية التي تساعدهم في تحمل تكاليف التعليم العالي. يجب عليهم أيضًا مراجعة متطلبات القبول والتسجيل في الجامعات والمعاهد التي يتطلعون إلى الالتحاق بها.
في النهاية، نسب القبول في التعليم التطبيقي نسب قبول جامعة الكويت أو تعكس الواقع التعليمي والاقتصادي في البلاد.