سؤال بخصوص فيزا امريكا للي طلعوا فيزا امريكا مؤخرا

[Queen-q8]

السلام عليكم

بنات ابي اطلع فيزا لامريكا يعني احتمال اسافر على عطلة الكريسماس بس بغيت استفسر عن بعض الشغلات ؟

اول شيء الابليكيشن في الموقع الالكتروني في مكان للتوقيع وهمن للصورة وهالشيء شلون اعبيه الكترونيا يعني الصورة اسويها سكان وادخلها والا شلون ؟؟ الصقهاا بعد طباعة الابليكيشن واوقع عليها واييبها المقابلة والا ارد اسويلها سكان وادزها يعني ماني عارفة يعني هالشغلات شلون تتعبى ؟؟

اذا انا اللي بأعبي الابليكيشن لازم اكتب شنو صلة القرابة للشخص اللي قاعدة اكتبله يعني للعيالي اكتب امهم وزوجي زوجته جذي يعني ؟؟

بالنسبة للمقابلة يعطونا كلنا موعد واحد والا كل واحد موعد ؟؟

الصورة مالت الفيزا للمتحجبات شلون سووها يعني لازم منابت الشعر والزلوف باينه شلون صوروها ياليت مع الشرح؟؟

بعدين الطلبات شنو اللي يابوها معاهم يعني

شهادة استمرارية من الدوام وشهادة راتب وكشف حساب بالبنك لمبلغ يغطي السفرة يعني شكثر ( يعني 2000 دك ) كافي والا نحط رصيد اكثر
بالنسبة لليهال شنو المطلوب لهم ؟؟
شكثر خذا الابليكيشن وردوا عليكم والا على طول طلبتوا موعد المقابلة ؟؟

رسوم الفيزا والطلبات اتيبونهم وقت المقابلة ؟؟؟


شلون تحطون مكان اقامتكم بأمريكا وانتم بعد ما حجزتم وخصوصا ان السفر بعد شهرين وبتقدمون الفيزا اول وبعدين يعني نفس اي سفارة تحطون اسم الاوتيل اللي ناوين عليه والا لازم اثبات ان عندج حجز وشلون تسوينه؟؟

ياليت اللي عبت او احد عبالها الابليكين تعلمني بالتفصيل لاني بأقدم هاليومين وابي اعرف شلون ومابي اغلط عشان لا ترنفض


انا ناطرة ردودكم وخبراتكم اللي ما استغنى عنها

 

[Queen-q8]

شدعوة محد رد

بنات يا ليت اللي عندها معلومات تعلمني عاد اشوف شكثر بنات راحوا بهالصيفية

 

[Candel in the Desert]

مادري والله اختي انا دخلت موضوعج لاني ابي اطلع فيزا حق امريكا..

 

[اشراقة الحياة]

وانا بعد ابي اطلع فيزا .....

 

[♥ąϻᴑŁ♥]

حبيبتي انا توني طلعت فيزا ..

بس كانت فيزا للعلاج مو سياحه وبس عبيتها رحت على طول من غير موعد ,

على المواعيد ماعندي فكرة ,,

اما التوقيع ,, بعد ما تسوين برنت للابليكيشن ,, وقعي وحتى لو في بيانات ناقصه ماعبيتيها اهناك يعلمونج ويقولولج ان في شي ناقص ويحطون لج دائره على اللي مطلوب اتعبينه ,,

اما على الصورة عادي انا متحجبه وصورت صورة بالملفع ((طريقتي العاديه بالملفع )) و كانت الخلفيه بيضه ولازم ماكو ابتسامه او ابتسامه خفيفه .. وتكون مقاس 5×5

واعتقد اليهال موشرط اتودينهم السفاره لان انا ولدي سويتله فيزا بدون لا اخذه معاي ,,

ولازم بعد ماتطبعين الابليكيشن تروحين بنك برقان ولاااااااازم برقان مو اي بنك ثاني تدفعين رسوم الفيزا هناك وعلى مااعتقد كانت 40 او اكثر بشوي ويعطوونج وصل تودينه معاج هناك ..

وان شاء الله قدرت افيدج ...

 

[Queen-q8]

اختي CHERuB
مشكووورة وايد وما قصرتي والله يشافي ولدج ان شاء الله عاجلا غير آجل

أسأل الله العظيم رب العرش العظيم ان يشفيه
أسأل الله العظيم رب العرش العظيم ان يشفيه
أسأل الله العظيم رب العرش العظيم ان يشفيه
أسأل الله العظيم رب العرش العظيم ان يشفيه
أسأل الله العظيم رب العرش العظيم ان يشفيه
أسأل الله العظيم رب العرش العظيم ان يشفيه
أسأل الله العظيم رب العرش العظيم ان يشفيه
أسأل الله العظيم رب العرش العظيم ان يشفيه



بس ممكن لو سمحتي تعلميني خطوات شلون تعبين يعني الصفحة اللي فتحتيها وطلبتي النموذج وعبيتي لريلج والحقتي بعده بالنموذج مالج ومال ولدج والا كل واحد بروح ؟؟

ثانيا : ارفقتم كشف الراتب وكشف الحساب بالعربي والا ترجمتوه ؟؟

ثالثا : ريلج عبيتوله نموذجين صح بالثاني ذكرتوا الدول اللي راحلها بدون تحفظ والا ما ذكرتوا كل الدول مثل السعودية والاردن وسوريا وايران يعني اللي زرتوها منهم طبعا ؟؟

الله يجعل نتيجه السفرة شفاء ولدج شفاءا لا يغادر سقما

كاندل ان ذا ديسرت
اشرقه الحياة
والله انا وياكم بس انتم ليش تبونها سياحة ان شاء الله
ومتى ؟؟
ووين بالضبط ناويين ؟

 

[♥ąϻᴑŁ♥]

بس ممكن لو سمحتي تعلميني خطوات شلون تعبين يعني الصفحة اللي فتحتيها وطلبتي النموذج وعبيتي لريلج والحقتي بعده بالنموذج مالج ومال ولدج والا كل واحد بروح ؟؟
بالنموذج تكتبين منو مرافقينج .. مثلا اذا كنتي معبيه حق ريلج ذكري ان الزوجه معاه والاسم والابناء معاه والاسم
وكان كل واحد نموذج بروحه وكل نموذج كتبنا اسم المرافقين ..

ثانيا : ارفقتم كشف الراتب وكشف الحساب بالعربي والا ترجمتوه ؟؟

حبيبتي سألتلج ريلي قال موشرط كشف حساب الراتب بس اذا تقدرين اطعينه طلعيه بالانجليزي .. لان هذا شي يثبت ان انتي عندج وظيفه ومو رايحه عشان تهاجرين وتطلبين لجوء سياسي..

ثالثا : ريلج عبيتوله نموذجين صح بالثاني ذكرتوا الدول اللي راحلها بدون تحفظ والا ما ذكرتوا كل الدول مثل السعودية والاردن وسوريا وايران يعني اللي زرتوها منهم طبعا ؟؟

حبيبتي عطوه ورقه زياده اللي يذكر فيها الدول اللي راحلها وقال كل الدول عادي بس كنا رايحين ايران وسوريا وقلنالها عادي وسألتنا الموظفه قالت ليش رايحين قلتلها ان هذا شي ديني عندنا وسألتنا اذا كنا شيعه او سنه ,,

حبيبتي ترى لازم تروحين الساعه 7-9 هذي اوقات دوامهم العاديه قبل رمضان يعد ال9 مايستقبلون احد ..

بس الحين مادري شلون دوامهم فروحي عالساعه 8 احسن لج ..

وثاني شي لازم ماادخلين موبايل او كامرا معاج السفاره ...

ولمى تخلصين من الفيزا روحي مكتب الــ dhl يكون بره السفارة تدفعين 5 دنانير عشان يوصلون لج الجوازات لي البيت بعد 3 ايام ..

ومشكووووورة ياعمري ع الدعوه الحلوة .. ربي يوفقج دنيا واخره

 

[Queen-q8]

حبيبتي مشكككورة وما قصرتي

بس فورما الرياييل وايد تفصيلية المدارس بالتفصيل والخدمة لعسكرية ووين بأي كتيبة وجم سنة خدم وشغلات وايد تفصيلية المشكلة ما اعرف اذكرهم بالانجليزي اي كتيبة والقائد مادري شنو ؟

وثانيا ريلي خدم على الورق بس فعليا ما خدم اصلا يعني سالفة طويلة وما وزعوه اصلا فشحط ؟؟

ثالثا المدارس اللي درس فيها كتبتوا من المتوسطة وورا واذا مو مثبتين التواريخ شلون؟؟ وشنو يقصدون بالمقرر المنهج ؟؟؟

في حال ما عرفتي اسم مؤسسة او هيئة او شغلة بالعربي تخلينها فاضية والنموذج مال الريال عبيتوه باليد او طباعه

مشكورة وايد وما قصرتي

 

[اوركيدا]

انا من البحرين وللأسف ماباقدر افيدج لانه الاجرائات غير ..
انصحج انقلي موضوعج للدول الاجنبيه بتلاقين تجاوب اكبر من العضوات .. لانه وايد من البنات السنه راحو

 

[♥ąϻᴑŁ♥]

حبيبتي ماقدر افيدج بالخدمة العسكريه لان ماعبيناها ريلي كلش ماخدم بالعسكرية ..

والمدارس كتبنا بس اسم المدرسه من غير ذكر السنه ..

عبي اللي تعرفينه وواللي ماتعرفينه عادي عبيه بالايد بعدين ..

 

[ورده فوشيه]

شوفي حبيبتي طريقة تقديم الفيزا سهله كللش

سلمج الله تعبين الطلب من الانترنت وتحددين يوم المقابله وتاخذين رقم البركوود وتصورين خمسه في خمسه الخلفيه بيضاء بدون ابتسامه وتروحين بنك برقان ووياج صورة الجواز وتدخليين 40 دينار وتاخذين الوصل والصور والطلب مطبوع من الانترنت يوم المقابله وتكمليين النواقص اذا ناقص عليج شي والجواز يكون وياج طبعا بس ترى تاخذ وقت طويل

 

[Queen-q8]

مشكووورة وردة فوشية انا قالولي اذا ريلج مسافر الأردن او السعودية وسوريا ما يقبلونه وانا ريلي دارس بالاردن ويقولون ناس ردوهم عشان هالشي

صج يردونه اذا وايد سفراتنا للاردن والسعودية ؟؟؟

انزين بخانة الدول اللي مسافره الريال بالابليكيشن ماله اذا ما كفت شنسوي لاني طبعت الابليكيشن وحطيت يعني 90 % من الدول اللي زارها بس ما حطيت السنوات وما كفى المكان

اكتب بخط الايد السنه اللي سافرتها بالديرة فوق الكلمة المطبوعة والا اعيد طباعته واحط اتتاشدواكتبهم ب a4بروحهم بالتفصيل ؟؟؟

انا طبعت الابليكيشن كلها وحجزت موعد المقابلة بس احاتي الابليكيشن مال الريال اخاف يردونه على هالديرة اللي دارسها والدير اللي نروح لها كل سنة تقريبا بس يا ربي كل الكويتين يروحون السعودية كل سنة

اهني الكويت متساهلين بالفيزا بس مادري ليش البنات مو متفاعلين مع الموضوع واضطريت اسأل على الخاص وما قصرت روونا والله يعطيها العافية وهمن سالت املنتديات السعودية قالولي ارفقها بورقة واكتب بالتفصيل ؟؟