سؤال بسيط للوالدات ردوا علي

[فرفورة2]

السلام عليكم خواتى
ودى اعرف البخور عادى للنفاس ولا مو زين والعطور زينة او لا
وبخصوص التسبح بعد الولادة على طول يقولون مو زين واذا صج مو زين بعد كم يوم من الولادة اقدر اتسبح تسبح كامل يعنى من راسى لى رجولى
بليييز ردوا على لانى حامل بالبكر وعلى وشك ولادة جزاكم الله خير

 

[angelic^smile]

حبيبتي فرفوره والله انا مثلج سمعت ان السبوح على طول مو زين علشان جذيه انا ما اسبح سبوح كامل الا يوم سابع بعد ما اخلص كورس الترديد ونذبح التمايم والبيبي يكون طايح سره علشان جذيه يكون عندنا يوم سابع يوم النظافه العالمي حقي وحق البيبي وبالنسبه حق البخور والعطور عادي بس مو بكثره علشان البيبي ما يتأذى صدره من الريحه

 

[فرفورة2]

جزاج الله خير اختى
وى الله يعينى انطر اسبوع على ما اتسبح بس البخور سمعت انه مو زين حق الخياط اللى تحت وبنفس الوقت مو زين حق سر الطفل واذا كان ولد مو زين بعد حق العضو الذكرى للطفل بعد التطهير لانه يلتهب وتصير حالته حاله

 

[angelic^smile]

جزاج الله خير اختى
وى الله يعينى انطر اسبوع على ما اتسبح بس البخور سمعت انه مو زين حق الخياط اللى تحت وبنفس الوقت مو زين حق سر الطفل واذا كان ولد مو زين بعد حق العضو الذكرى للطفل بعد التطهير لانه يلتهب وتصير حالته حاله

انا بولاداتي الثلاث كنت اسوي خياط تجميل وما اثر علي البخور وحتى العطور وحتى بالنسبة حق سر البيبي ما يأثر بس حق الطهور انا معاج ما اعتقد ان زين بس انتي لا اطهرين البيبي من اول يوم خليه على الاقل اسبوعين لان انا سامعه اذا تطهر من اول يوم ما تضبط الجراحه فأنا كل عيالي من يصير عمرهم 10 ايام او اسبوعين اطهرهم

 

[جكورة]

والله أنا ثاني يوم لما أطلع من المستشفى أتسبــــح سبوح كامـــل وأستشور شعري وأحط عطر خفيف مع بودرة بس ولاعمري تبخــرت شخصيـــا...

 

[طيف ااالكويت]

عاد تدرين فرفوره انا من اطلع من الولاااده اتسبح
اول شي يجيبون لي اكل بعدين انادي اسستر تجي تساعدني علا السبوح وبعدين اكشخ حق اناس اللي بتجي وبنسبه للبخووور والعطور ماتضر ان شاء الله بس اهم شي اهم شي من تطلعين من الولاده تعطرين ملابسج وملفعج عشان جرحج يتعود علا العطور ومايصير معاج شمم انا في بجري كنت ماعرف بالنسبه للعطور اشصار فيني تدرين لما كنت في المستشفى ماتعطرة ومن طلعة بعدهااا بيومين الزوار هلو وشمي ذاك الطيب اللي خلاني اتمقرص من مكاني قمة اصيح من العوار بس الله يجزاااها الجنه رفيجة اختي انصحتني هالنصيحه الطيبه ومن عقبها في ولاداتي اتعطر وتبخر والحمد لله بس اهم شي العطر مايجي عند الجرح بس تعطر خارجي وان شلء الله مايجيج الشر
اما بنسبه للبيبي لازم تشممينه دهن العود المسك الريحان العنبر العطور القويه بس مريرها علااا خشمه اهم شي انه يشمه عشان مايجيه الشمم الله يكافينااا شره
وبنسبه لطهور خليه من 20 ورا لانه اغلبية الاطفال اللي ينولدون اسم الله عليهم يجيهم بوصفااار وان شاء الله اني افدتج والله يهون عليناااااا اللهم امين
وبشريناااااا اذا جبتي علااااا خير

 

[ملح بدويه]

والله انصحج ماتسبحين على طول الا بعد اسبوع عالاقل

وتقدرين خلال هالاسبوع اترشرشين جسمج بماي دافي

واذا عالعطور ما انصحج فيها اما دهن العود ممكن تستخدمينه

واذا على البخور تقدرين بس يكون العود الاصلي ولا تكثرين منه

ودربالج حاولي لن البيبي مايشم البخور وانشاء الله افدتج

 

[angelic^smile]

لااله الا الله ما شاء الله عليكم انا لما اطلع من الولاده ثلاث ايام ما اقدر اتحرك مع ان تكون الولاده طبيعية بس الخياط يكون مشدود واتعب وايد واللي يشوفني يقول مسويه قيصرية وانا بعد الولاده يصير فيني الحس ( عوار البطن ) فيوم رابع اغسل جسمي بس ويوم خامس وسادس وسابع يكون كورس الترديد وفي هالثلاث ايام لازم ما يحوش جسمي الماي ( أوامر الرداده ) فيوم سابع الصبح بعد ما تطلع الرداده اتسبح سبوح كامل واتكشخ لاستقبال الناس لان قبلها ما استقبل اي احد حتى زوجي ما اشوفه الا بالمستشفى ومن بعد المستشفى ما يشوفني الا سابع يوم

 

[بنات حواء2]

و الله ما ادري بس انا مفكره اول ما خلص ولادتي اتسبح انا ما احب اقعد جذي انتو شتقولون ؟

 

[لازوردي]

اصلا لازم اتسبحين بعد ما تولدين لأنج قبل الولاده و عقباها راح اتمنين الشور استغفر الله و قت الولاده صج صج لوعه و العطور ما ادري مايضر بس وخري عن الورد لأنه شوي قوي

 

[Q8_ButterFly]

انا بعد ان شاء الله بتسبح

 

[فرفورة2]

جزاكم الله كل خير حبيباتى على الردوود المفيدة

 

[إستبرق]

وي الله لايقولها وما اقدر اتسبح سيده يمكن تلقيني ابجي ابي اتسبح خخخخخخخخخ انا بروحي فيني دوده سبوح تلقيني باليوم على 3 مرات لازم اخذ شور ولا اظل متضايقه وبعدين حبوبه اشتري للبيبي المسك الابيض انا اخذه من الشايع يهبل للبيبي

 

[@غالية@]

شدعوة عاد اقعد لي سابع يوم جدتي تقول بعد الولادة لا زم تتسبح كامل عادي ما فيها شي وبعد السبوح دفي نفسج عدل ونشفي شعرج لا يحوشج برد وتبخري بعود اصلي بس مو من تحت بخري ملابسج وشعرج واهم شي يدخل بالاذاني عشان ما يعورج راسج ولبسي ملفع يدفيج عدل وشربي شي دافي الله تحسين تعب الولادة كلة راح وانج مرتاحة حيل انا مجربتها وبصراحة من اولد ما ارتاح ولا اعرف انام لين اتسبح ونصيح لا تعطرين كفاية البخور بالعود ودهن العود وعسى الله يقومج بالسلمة

 

[D!ma]

اكيد تسبحي و على طولللللللللللل بعد
انا قيصريه و اسبح عقب يومين من الولاده من صجج !!
النظافه زينه و تحسسج بانتعاش وطاقه
توكلي على الله و ماعليج شر
و هالله هالالله بالمره واااااايد زينه حق العطور
نقعيها و شميها و شربي منها شويه و دهني فيها الجرح ترى مضاد حيوي وايد زين عن تجربه انا مافادتني غير المره

 

[فرفورة2]

يجزاكم الله كل الخير اخواتى الفاضلات

 

[الوردة المكنونة]

انا عن تجربتي في ولادتين

اول ما اطلع من العمليات اتسبح على طوووول
السبب
عشان اذا زارتج وحده ما تييب عيال او لا سمحه الله فيها شي ما تكبسج او شي جذي مادري سوالف عيايز امي ويدتي

وبالنسبه للعطور ما انصح فيها بالمره مو زينه للجرح وما تخلي الجرح يلم بسرعه ويفضل انج تحطين كلينكسه بيدج فيها شوي مره عشان لو احد بزورج حاط عطر شمي الكلينكس قبل لا يدش حتى وهو عندج تقدرين تقربين الكلينكسه يم خشمج يمكن تقولين خرابيط بس هذي نصايح الوالده ويدتي وااايد فادوني

اما البخوووور عادي

والله يسهل عليج وتقومين بالسلامه يا رب

 

[donat]

انا بالمستشفى اغسل جسمي بس مو شعري لاني اكون تعبانة من الخياط طبعا انا ولادتي طبيعية بس اسوي تجميلي فالخياط يذبح اول الايام و بس ارجع البيت اتسبح سبوح كامل يوم وترك صراحة النظافه زينة و تنشط ...
شوفوا موضوعي عن عنايتي بنفسي وقت النفاس
http://www.q8yat.net/showthread.php?t=103865

 

[الهما]

لا يا جماعة مو معقولة اسبوع ما تتسبحوون
غسلوا بس لالا تترششون و تغرقون روحكم بالمالي

 

[فرفورة2]

يعطيكم العافية حبيباتى

بس حبيت اسالج اختى دونات سويتى خياط تجميلى بعد كم ولادة لج يعنى يصير بعد ثانى ولادة وشنو الفرق بينه وبين الخياط العادى من ناحية الالم