سؤال حساس للبنات هل تقبلين الزواج من شاب بمثل هذه الظروف؟

[كل الريم]

ماذا لو تعرفتِ عزيزتي على شاب..مثقف..متعلم..ناجح وميسور مادياً ومتدين..
والأهم من كل ذلك أنك وقعتِ في غرامه..
وتمت خطبتكِ له ولكن...اكتشفتِ انه شاب لقيط..
عاش حياته في ملجأ ولكنه استطاع ان يبني نفسه بنفسه..
ومشكلته الوحيدة أنه بلا نسب..مجهول الهوية..
هل ستقبلين به بعد كل ذلك ..؟؟
أم أنك ستتراجعين عن حبك له وترفضيه لأنه بلا نسب...؟؟
​

 

[ALyaNa]

النسب شي مهم اكيد واحنا قبل ما نتزوج نسأل عن الريال وعن اهله واصله فواايد صعبه اتزوج واحد مااعرف منو اهله وعيالي بيكونون هم بدون لا اهل ولا نسب يحملون اسمه الحب شي حلو بس مو على حساب اطفال مالهم ذنب هذي وجهة نظري :eh_s(6):​

 

[أمواج البحر]

ابدا ما اتراجع

هالشي ما يعيبه و اللي صار له ماكان باختياره

اعتقد بهالوقت نظرة الناس تغيرت مو مثل اول

دام انه ناجح في حياته فهذا اهم شي

 

[نوف العازمي]

انا مع امواج البحرررر اكيد .................... تقبلي مروووووووووووووري

 

[ليتنـ عندك ـــي]

شي طبيعي ماراح ارفضه ولا تتغير نظرتي له
دام كامل ومو ناقصه اللا اصله آخذه يا ما نااس
اصيلين ومايقدرون البنت ولايعرفون معنى الرحمه
وهذي وجهة نظري

شكرآ

 

[كريستال ليدي]

راح ارفضه طبعا

اول شي يسألون عنه الناس النسب

و الرسول عليه الصلاة و السلام يقول (تخيروا لنطفكم فإن العرق دساس )

 

[H.Heavn]

بصراحة شي صعب بس لا راح اتوكل على الله واخذه وماراح ارفضه

 

[انونا]

لا مستحيل اخذه

لو حتن اموت فيه اموت بس ولا اخذه

ادري مو بيده بس وانا اشدراني هل اهو ولد زنا او ولد حلال

ولا تسون العرج دساس وما تربى بين اهل اكيد فيه شغلات ناقصته بمشاعره يعني مستحيل يكون انسان سوي لو حتن بينلي هالشي

وهمن اهلي ما راح يرضون ولا راح يخلونا بحالنا يعني بكون جارحته والي احبه ما ارضى انه ينجرح


وغير جذي بكون عادمه عيالي واحفادي واهلي قبل لا احكم على نفسي بالموت اهوا ادري بالحالتين اني بموت لاني احبه

بس اموت على الاقل باقل الخساير واهي ان ابعد

 

[HAD.Lavender]

اتزوجه و ما ارفضه
لان ياما في ناس و اعيال اصل و فصل و نسب بس مافيهم خير و اخلاقهم كلش مو زينة
المهم امه يكون زين و اخلاقه زينة و على فكرة كل شخص ما يبين معدنه إلا ليما تعاشرينه و يكون بينكم عشرة و إذا انتي شايفته خلوق و زين توكلي على الله ,,, و صلي صلاة استخارة قبل كل شي

 

[قـہۈه فـرنسيـہ™]

لالالالالالالا طبعا ,,,أهم شي النســـــــــــب ,,,بنات الللي تقولون موافقون ,,,ايه خل نشوف وقت الصجيه ,,,

 

[قـہۈه فـرنسيـہ™]

طيب بكـــــــــــــرهـ لما يجوووووووون عيالج ,,,شنو بيكون أصلهم ؟؟قبيلتهم ...؟؟ ماتدرين لو كان هندي وعااااااش بالكويت لقيط وكبر فيها ,,,

^

^
جاوبوني ياللي موافقين ...

 

[Miss.6Mo7]

لا .. !


لازم أفكر بـ عيآلي .. ومآ أكون أنانيـه

 

[miss sweet]

مااتوقع اني اخذ واحد جذي خصوصا ان اهلي لازم من نفس القبيله فمستحيل الموضوع

 

[كرستال]

بحكم أني قبلية هذا الشي من سابع المستحيلات عندنا يعني ما يزوجون بناتهم إلا من أصل معروف وزين وهذا كلام العقل والمنطق

لكن لو على مشاعرنا جان أقولج تزوجيه وعيشي حياتج معاه


وزبدة الحجي (( استشيري رب العباد ما خاب من طرق بابة يرجي المشورة والهدى )))

 

[happy&single]

ما ادري بس ما اظن!!!
صحيح اهو ماله ذنب بس اجتماعيا للحين هالفئة غير مقبوله

بعيد ليش ما ياخذ اللي مثله !! حتى هالبنات شنو ذنبهم ان اللي بنفس ظروفهم وهم ماياخذونهم!!؟؟
حتى البدون تلقين يدور كويتية انزين اخذ اللي مثل ظروفك حرام هالبنات يقعدون؟؟
طبعا اذا القصد من الزواج الزواج مو المصلحه!!!!!؟؟؟

 

[أمـيـرة الشــوق]

النسب مهم
واحنا لما نسأل عن الريال نسأل عن اهله وين تربي
من امه ومنو ابووووه
مهما سووا يضل بلا نسب مجهول الهويه

صعب اني راح اوافق عليه وحتى اهلي ماراح يوافقووون علييه

 

[يبقى الوله]

صـــعبـة حـيل !!

 

[miss abrar]

مليووووون نعم اوافق... لأنه ياما عيال عوايل وما عندهم اخلاق ويحسرون بالمره السالفه مو بالأصل لأن الأصل عمره ما بنى بيت واللي تقول الأصل يهمها كلام الناس بس تبيهم يقولون خذت فلان ولد فلان ومو مهم عندها اهو شنو زين او شين ولا يهمه لما ينقفل عليهم باب شلون يكون المهم راي الناس بس ... وهالأنسان احترمه اكثر من انسان ثاني اهله وفروله اسباب النجاح لأنه بنى نفسه بنفسه ... والحياة مدرسه والتجارب اللي مر فيها اكيد صنعت منه رجل بمعنى الكلمه واعتمد على نفسه .... ولا ننسى حديث الرسول عليه الصلاة والسلام انه قال اذا اتاكم من ترضون دينه فزوجوه .... وبالنسبه للبنت فيه حديث ثاني ما يحضرني لكن معناه ان الواحد اذا تزوجت صاحبة الدين والأخلاق افضل من انه يتزوج وحده لحسبها او نسبها او مالها.............. والشي الأخير ممو ممكن يكون هالولد من ناحية الأصل اصيل كثر من البنت اللي رفضته ؟؟؟؟ .......... والسؤال الثاني تدرون شنو ظروف اهله هل اهو يتيم هل اهو مظلوم من احد من اهله..... ولو كان ولد زنا شنو ذنبه .... ليش مو يمكن امه وابوه عيال اصل وفصل على قولتكم بس زنو وعاشو حياتهم وخلوه اهو بروحه يدفع الثمن؟؟؟؟ وهل عيال الأصل معصومين من الخطأ والزنا بالنسبه للي يقولون العرق دساس؟؟؟؟ وهل كل اللي عايشين بين امهم وابوهم قمه بالأخلاق؟؟؟؟ وياما عيال عوايل بنات وشباب الله يستر عليهم راكبهم الغلط من راسهم لي ريلهم بس محد يقدر يتكلم عنهم لآنهم عيال فلان ؟؟؟؟ و لا تنسون ان الرسول عليه الصلاة والسلام وصانا باليتيم واللي تاخذه لها الأجر عند ربها .... ما ادري ليش فيه بنات وايد عندهم هالتكبر كلنا مخلوقين من طين محد احسن من احد .... واعتذر اني قرقرت وايد

 

[Namlah]

اكيد...لا ...ودايما هذي العلاقات (الحب) ماوراها خير

 

[باربية الكوووويت]

اوافق