الله يعينج بعد شتسوين انا حاسه فيج
ومجربه بعد .... الحين راحت خدامتى اللى تعرف شغلى فمالى الا انى انا اللى اطبخ
وصج انى قاعده بالبيت بس ياربى مرات تنشغلين الصبح تصيرلج مواعيد بره البيت
اي والله صااااااجه يختج .. مو مكينه احنا :eh_s(2):
اهنيه اضطر اطبخ من الليل
شوفى انتى من تطلعين الصبح حق الدوام تطلعىن مثلا الدجاجه اللى تبينها حق باجر او اللحم او السمك
وحطيها بالثلاجه يذوب الثلج عنها لىن تردين من دوامج
اذا رديتى ولقيتيه بعده مثلج طلعيه بره على ما تخلصون غداكم وتريحون الا هو ذايب
وبس اذا تبين مجبوس فورى اليدام ولما يستوى طلعى الدجاج مثلا وحطيه بصينيه الفرن وحطى عليه خلطتج ( هذا اذا انتى مثلى انا ما اقلى الدجاج او اللحم احطه بالفرن )
وغطيه بالبلاستك راب وخليه بالثلاجه جاهز حق باجر
وماى اليدام شخليه وجهزيه وخليه بالثلاجه
ياقلبي شلون اليدام افوحه عاااااادي فوحتي العاديه مع بهاره وكل شي يعني اخليه ينضج 100% ؟! وصلصتي طبعا مو مطبوخه .. يعني جنها تتبيله لي باجر ؟!
وحتى العيش غسليه قبل لا تنامين وخليه ساعه منقوع بعدين كبى مايه وغطيه وخليه بالثلاجه ما يضره شى
السلطه بعد سويها وغطيها ما تخترب والدقوس كذالك والحشو
وانا عندى سر بشاركج فيه مو تعلمين :rerrerek: 
انا اطبخ الدقوس والحشو واقسمه بتبرويرات واحطه بالفريزر كل ما احتجت طلعت اللى يناسبنى
اذا سويتى هالطريقه طلعيلج من الليل او الصبح دقوس وحشو مثلا وخليهم بالثلاجه حق لما تردين من دوامج
اي والله خوووووووش طريقه .. والله التقصقص ياخذ وقت :eh_s(10):
وتصبحين على خير :ch12:
عاد الشغل لى رديتى من الدوام جاهز سخنى ماى الدجاج وحطى عليه العيش والدجاجه بالفرن وكله تمام والدقوس تسخين وعليكم بالعافيه
وان كان سمج ياطويله العمر
نفس الشى تبليه وبهريه وغلفيه وخليه بالثلاجه لى رديتى بس تقلينه
وان كان مرق عاد طبخيه كااااامل والى الثلاجه ويبقالج بس العيش لما ترجعين على ما يسخن المرق تسوينه
واذا ريلج من لنوع ما يعارض على الاكل (اي والله مايعارض اهم شي عيش ويدام لووووول)
سويلج كميه حق يومين مثلا دجاجتين او كميتين لحم بس مو سمج ...وقسميها وحطيها بالثلاجه
وحده سوى عليها مرق تاكلونه من باجر مع العيش
ووحده مخليتها بالبايركس حق مجبوس اليوم اللى بعده
المرق مرات اسويه حق يومين ومقسم بالثلاجه بعد
شنسوى يالله نلحق :eh_s(1):
والله يعينج ويعينى على الطباخ وعلى الشياااااااب اللى عندنا
اي الله هههههههههههههههه فديتج يالغاليه :ggdw:
نقطه مهمه
لا تحطين الاكل بالثلاجه اللا لما يدفا شوى مو وهو حااااار وغطيه عدل لا يدشه هوا الثلاجه
ويكون الحفظ باطباق بايركس او جدراستانلس استيل
وهم غلفى الجدر بالبلاستيك راب اضمن للحفظ المحكم :eh_s(17):
