سؤال حق كل وحدة ما عندها عيال؟؟

[مدينه]

اللهم آآآمين يرزقنا كلنا ان شاءالله..:denya:
مشكوريييين على التفاعل مع موضوعي,,انا قلت اشكي اهمومي حق ناس نفسي..لاني ما اقدر اتكلم بهالموضوع ابدا
وخصوصا انا بغربة بدون اهلي فالواحد بس قاعد افكر من الفرااااغ^^وزوجي حياتي قاعد احضر دكتوراه حددددة مشغول..
بس الله لا يحرمني منكم ومن نصايحكم..استاااااانس اسولف معاكم اشكيلكم اهمومي..
وعلى فكرة انا ملتزمة وايد وزوجي طالب علم يعني الموضوع ابدا مو تسخط من قدر الله..بس كلنا بشر وهذي فطرة بالأنسان حب الأمومة..
ونا دايما اقول بنفسي..اذا ماشفتهم بالدنيا ان شاء الله اشوفهم بالآخرة..:yaaaaaarb:

 

[Hello_kitty]

انه صارلي سنتين بدون اعيال

من اول زواجي وانه وزوجي متلهفين على الضنا وكل شهر اقول هالشهر..

من اول شهر وانه اراجع ابي احمل بسرعه ما ابي اتأخر بس سبحان الله واكيد لحكمة عنده علام الغيوب ما كتبلي الحمل

في البدايه تعبت حيل وكنت حساسه حيل حيل وعلى طول ابجي وافكر بس الحين تعودت نوعا ما

وكل ما تطول المده كل ما يزيد الحاحي ويقيني ان الله بيرزقني وبيعوض صبري خير

دايما اقول حق نفسي يمكن الله بيرزقني بعيال مبروكين مميزين يرفعون راسي مو اعيال زيادة عدد وبس

ودايما اردد بيني وبين نفسي واردد هالكلام حق زوجي اقوله والله الله معوضني فيك عن كل حزن وحرمان انت مالي علي الدنيا كلها

الحمدلله ريلي ما ابدله بكنوز الدنيا كلها تحسدني عليه

ولو تلاحظين اغلب المتأخرات بالحمل علاقتهم مميزه بأزاجهم يعني الحمدلله الله يعطي وياخذ

ومع هذا انه في بحث مستمر ومحاولات متواصله عن العيال ما فقدت الأمل والمل بالله كبير

 

[مدينه]

ماشاء الله عليج..الله يثبتج ويجمع بينج وبين زوجج بالخير..:yaaaaaarb:

 

[الجوري2008]

على قولتكم صحيح الوحدة منا تصير حساسة حيل صايرة أنا بعد حساسة ووووواجد
أم زوجي صغيرة لما تزوجت كانت حامل بحماي اخو زوجي والحين عمره 2 سنتين عمر زواجنا يعني
أحيانآ اتضايق لما أطلع معاها لان يقولوا الناس هذا ولد ولدج؟
صحيح خالتي تضحك ماتعرف شتقول وتتدارك الموضوع وتقول الله يرزقهم أن شاء الله
بس هذا الموضوع تكرر واجد ويضايقني
الا تقول لج اعرف دهانة زينة
والا دكتور زين وصلي وادعي
كأن الواحد ينتظر الناس تقول له تعال أدعي وأصلي

 

[عيون زوجها]

السلام عليكم..
انا متزوجة من 6سنين وماعندي عيال والحمدلله على كل حال بس اموووووت بريلي ومستحيل أخليه:eh_s(21):
بس المشكلة النااااس ماترحم..قطعونا أسئلة..
احنا عارفين مجتمعنا شلون نظرتة حق الريال اذا صار العيب منة:0bee2e8d89:
فعشان جذية كل محد يسألني عن العيال اقولهم الحمدلله على كل حال واللة موكاتب..لأني مستحيل أرضى على ريلي احد يتكلم فيه..
ألحييييين وقت السؤال؟؟؟
شنو شعورج لمة تشوفين بعيون الناس نظرة شفقة عليج؟؟
او اذا مسكتي اي ياهل شلون يشوفنج الناس؟
او يقولون مسكينة اختها الأصغر منها احملت قبلها؟؟

ادري انا واااايد حساسة بس صراحة هالشي وااايد مضايقني..
قلت أسألكم أشوف ردودكم:gathering:

اولا حبيبتي الله يعينج ويعين قلبي
انا هم احب ريلي ولايمكن افكر تخليه عشان ياهل العيال مردهم يروحون بس اللى يبقى الريال خصوصا اذا كان مثلي ريلي والحمدلله على النعمه
وانا بعد محد عرف ان العيب من ريلي الا امي واهو اللى قالها وحتى بيتهم محد يدري وانا عندي ام ريل بس تحن طلقها وطلقها
وانا متحمله وماراح اقول لاحد ان من ريلي
بس ائله الناس ذبحتنى خلاص ماشفتونى يبت عيال حسو ان فيه مشكله فيه او فيني ومالازم تسألون
واذا مسكت عيال احد خافو من العين وقامو يطلعون امراض الدنيا فيه عشان ما احسده
بس الله كريم ويرزقح ويرزقني خير انشالله

 

[عيون زوجها]

انه صارلي سنتين بدون اعيال

من اول زواجي وانه وزوجي متلهفين على الضنا وكل شهر اقول هالشهر..

من اول شهر وانه اراجع ابي احمل بسرعه ما ابي اتأخر بس سبحان الله واكيد لحكمة عنده علام الغيوب ما كتبلي الحمل

في البدايه تعبت حيل وكنت حساسه حيل حيل وعلى طول ابجي وافكر بس الحين تعودت نوعا ما

وكل ما تطول المده كل ما يزيد الحاحي ويقيني ان الله بيرزقني وبيعوض صبري خير

دايما اقول حق نفسي يمكن الله بيرزقني بعيال مبروكين مميزين يرفعون راسي مو اعيال زيادة عدد وبس

ودايما اردد بيني وبين نفسي واردد هالكلام حق زوجي اقوله والله الله معوضني فيك عن كل حزن وحرمان انت مالي علي الدنيا كلها

الحمدلله ريلي ما ابدله بكنوز الدنيا كلها تحسدني عليه

ولو تلاحظين اغلب المتأخرات بالحمل علاقتهم مميزه بأزاجهم يعني الحمدلله الله يعطي وياخذ

ومع هذا انه في بحث مستمر ومحاولات متواصله عن العيال ما فقدت الأمل والمل بالله كبير

الله يرزقج حبيبتي ويعطيج على قد نيتج

 

[A7la-SmiLe]

عسى الله يرزقنا واياكم
انا العكس انا حملت مرتين وبالخامس يتوفى الجنين طبعا نفسيتي تعباااااااااانه ومااحب اشوف او اقعد مع الناس لاني مرتين احمل ويوقف النمو
ومره عمي كلمني من كنت نفاس قالي جمله حزة بخااااااااطري ( اذا الله كتب لي عمر واشوف ذريتج ) بلحظتهااااا والله بجيت من قلب
مشكلتي حيل حسااااسه واي كلمه اتأثر علي
الله كــــريم​

 

[مدينه]

خواتي الغاليات الله يعينا ويرزقنا من فضلة..والله الموضوع حدددده مو سهل

 

[bint_looda]

الله يرزقكم بالضنا الصالح ويجعله ربي من البارين الصالحين الي يرفعون الراس مو عيال شقا وتعب

 

[أوزو كول]

أختي الناس ما يعجبهم عجب ولا الصيام برجب وما يعجبهم شي
إنتي مالك ومالهم طنشيهم ولا تهتمي فيهم
انا مثلك دئما الناس يسألوني ليش ماجبتي اطفال
وانا ما أرد عليهم:tomato2: وهم يفهمو ويقفلو فمهم
الله يرزقنا الذريه الصالحه والمتعافيه يااااااااااارب

 

[&رعبوووبه&]

حبيبتي عسى ربي يفرح قلبج ويفرحنا فيج وبالكل يارب

انا بالنسبة لي عندي بنيه والف الحمد لله بس ما حملت عقبها واذبحوني نتفوني ما فيج شي ما حملتي

اشسويتي ___ انا لو ما عندي بنت كان اشصار

ودايم اقول الحمد لله واقول ما تدرون يمكن الله اخرها يبيني اييب بدال الطفل 3 او اربع

عشان جذي له حكمه انه بنيتي تكبر شوي

وبالنسبه لموضوع الشفقه واليهال انا ما تحسس من هالشي ابدا الم لم اليهال وابوسهم واذا عجبني

واحد اقول انشالله ربي يرزقني و ايييب اللي احلى منك

وعاادي

وسلامتج

 

[المهذبه]

الله يرزقنا يابنات...

 

[رمـ شمر ـش]

والله يابنات عقدونا هالعالم كل وحده تكتب احس اني انا بموقفها لان اغلب المواقف الي مريتوا فيها انا مريت فيها عذاب الله يرحمنا برحمته الواسعه
انا من النوع الحساسه يعي اذا مابجيت تغورق عيوني ويحمر وجهي اذا احد سالني
واذا وحده والده مااحب اروحلها غصب اروح
واذا تجمعوا اهل زوجي وقامو يتكلمو عن العيال احاول اصرف نفسي باي طريقه لاني يبين علي اني متضايقه
وهم زوجي احس انه جدام اهله وجدامي مايهتم علي العيال يعني اذا شاف جاهل مايحاول انه يبوسه اويلعبه كلش ومبين عليه هالشئ وانا انحرج
الله يرزقنا ياااارب بالضريه الصالحه

 

[القطانيه]

اسال الله العظييييم رب العرش الكريم ان يرزقناااا جمييعا عاجلا غير اجلا يارب العالمييين يارب انت الوحيد الي عالم بحرقت قلوووبنا ارحمنااا يارحمن وارزقناااا الذريه الصالحه الباره يارب العالمييين يارب فرحني بخوااتي المحروومات وفرحهم فيني يارب ياكريييم

 

[غيـ الناس ـر]

والله انا كنت اتضايق .. بس خلاص يعني ما صارت الواحد ليش يتضايق .. الحين اذا احد سألني خاصه اذا كان من النوع الوقح اقوله ان حملت راح تدرون وراح يبين مافي داعي السؤال

 

[لوحه معقده]

شنو شعورج لمة تشوفين بعيون الناس نظرة شفقة عليج؟؟
او اذا مسكتي اي ياهل شلون يشوفنج الناس؟
او يقولون مسكينة اختها الأصغر منها احملت قبلها؟؟
انا صارلي 4 سنين ماحملت ولامره
صرت اتهرب ما احب اقعد مع الناس احس يقولون مسكينه
احس قلبي يتقطع حتى عيال حماي وحماتي وعيال خواااااااااتي ما احب امسكهم واذا شفتهم اقول لا اله الا الله
الحمدلله على كل حال بس احس بوحده مو طبيعيه احس الدنيا تمشي وانا مو حاسه فيها يا بنات والله حتى رفيجاتي اذا حملوا اقطعوا علاقاتهم معاي تعبت والله تعبت وخواتي اغلبهم اذا حملوا ما يعلموني الا اذا صاروا بالشهر 3 او 2
انا عندي اخت كبيره كانت متزوجه وراي بس من حملت وهي ما تعلمني يعلمون خواتي الاصغر مني وانا لا ادري حالي حال الناس
بس ما اقول الا
ربي لاتذرني فردا وانت خير الوارثين
ويرزقني ويرزق كل محرومه ااااااااااااااامييييييييييييين

 

[cute-q8cat]

هذا شي طبيعي اكيد بتضايقين
بس هذا أمر الله
عسى ان تكرهوا شيئا وهو خيرا لكم
انا صارلي 3سنين وما عندي عيال والناس ذبحوني
بس الحمد الله أمر الله

 

[آيه ابراهيم]

عسى الله يرزقنا وياج الذريه الصالحه عاجل غير اجل

 

[WaChoCha]

مرحبا حبوبة ... انا ما عندي عيال والحمدلله رب العالمين عايشة حياتي مع زوجي واهلي واهله راضين بكتبة الله لنا ..لان كل شي نصيب وما راح نقنط من رحمة الله علينا مع العلم انا وزوجي كبار بالعمر بس مافي شي بعيد على رب العباد

 

[مدينه]

اسأل الله ان يرزقنا جميعا عاجلا غير آجل:yaaaaaarb:
اشكركم تفاعلكم معاي:tek:
والله ردودكم اتونسني احس انه في احد يحس بمعاناتي:eh_s(8):