سؤال سريع...لو طفروج وظايقوج وقهروج وذلوج!!! تردين ؟؟

[om MaRyooM]

*جيكرة*


هلا والله ..

سالفتج تقريبا نفس سالفتي .. انا صارلي 4سنوات معاهم والحين 6اشهر قاطعتهم والسبب تااااااااااااااااااافه جدا

اما سالفة التوبيك لوووول حلو وايد انا كل يوم اغير . . وناسة تطلعين حرتج شوي وخل يقولون اللي يقولونه ..


(ويوم الدين عند الديان نلتقي)
حاطته الحين

وشاااكرة مرورج حبي

 

[نور وشموع]

حبيبتي حطي صمتج بكفه وانج تردين بكفه ثانيه وقارني بينهم منو اللي راح يكون اقل مشاكل واقل عوار راس وبعدها قرري
يعني تخيلي انج رديتي وناقشتي وجادلتي والنتيجه 00000000000؟
وتخيلي انج استمريتي ساكته والحقران يقطع المصران النتيجه 000000000000؟
اتوقع انتي اللي راح تعرفين شنو تقررين لانج اكثر وحده عارفه طبع حمولتج اي حل ينفع معاهم
وصبر جميل والله المستعان

ردج وايد عجبنى 0000 صح كلامج

 

[Brounzi_girlly]

رد : سؤال سريع...لو طفروج وظايقوج وقهروج وذلوج!!! تردين ؟؟

حبيبتي مقيولة الحقران يقطع المصران
مع التحية........

 

[قلب ناصر]

اعـــلى مابخيلهــــم خل يركبونـــه .. والحقران يقطع المصران..
ودام زوجج راضي فيج ومقدرج ومحترمه عطي الامور طااااااف

 

[Tender Heart]

رد : سؤال سريع...لو طفروج وظايقوج وقهروج وذلوج!!! تردين ؟؟

اوه ياما سمعنا من هالحجي لا ولي كشختي يطالعونج وينصحونج انج ماتسرفين عبالهم من حلال ولدهم ... الله يسلم معاشاتنا وانا من رايي طنش تعش تنتعش

 

[om MaRyooM]

مشكورين


وارائكم عجبتني

 

[iron women]

طبعا كلنا متفقين ان اصابعنا موسوا وكل حمولة فيها الزين وفيها الشين

لاكن في حال كانت الحمولة شرية او استفزاية طبعا انا ضد مبدأ الحقران بالعكس ارد واخذ حقي

ووقف كل شخص عند حدة مهما كان الجنة بنت ناس وماهي ملزومة تتحمل اهانات من كل من هب ودب

بستثناء الخالة ام الزوج انا افضل عدم الرد عليها في حالة كان السانها متبري منها اولا احتراما لسنها

ثاني شي حشيمة للزوج لكن غيرها مثل حموات ماحموات لا طبعا الكل لازم ايعرف حدة لان مع الاسف صار ينفهم

ان السكوت او الحقران دليل على الضعف فبالتالي الجنه الضعيفة يعاملونة على اساس انها طوفة هبيطة

وهاذا بنظري شي مرفوض

 

[om MaRyooM]

^
^

iron w


هلا قلبيييييييي شلونج


والله رايج مية بالمية صحيح ..
وشاكرة مرورج يالغلا

 

[الفدنه]

والله الكلام اللي من وراي <<الله لا يحرمهم ذنوبي
اما النغزات اللي جدامي
على حسب في سوالف تافهه ماانزل نفسي لمستواها
وفي سوالف لا خطوط حمرا اوصل الدم للركب <<ههههههه
ومثل ماقالت وحده من البنات صح لسانها>>اللي ماله لسان..ياكله الخنفسان<<<

 

[lovely jojo]

اذا تكلمو جدامي طبعا ما اسكت لهم

 

[Alia]

كبريها بتكبر صغريها بتصغر هذي سياستي ومرتاحة

 

[So0oKaRa]

بأغلب الاوقات اسكت وابلع العافيه
مالي خلق مشاكل
بس حزات اقط نغزات عن الناس اللي ما تحشم احد وماتحترم الناس
ابرد جبدي
والمشكله لما اقول جذي يقولون اي صح مايستحون على ويهم لوووووووول
اهل ريلي زينين بس وحده اخ منها بس الله يهديها ميننتني

 

[الغاليه نونو]

انا عند حمولتي شفت الويل شفت اللي مااااصار ولا استوا بالخليج والوطن العربي هههههههههههههههه بس كنت اسكت وريلي خنت حيلي يشوف بعينه ويصبرني وماهمني كلامهم دام ريلي طاير فيني واهم ميتين من الحره كنت دوم اقوول بقلبي عساكم بهالحال واردي

مانكر انهم اعفسوني مع الشايب وكانوا سبب طلاقي منه بس ربي اقوي من الكل والجميع وربي سبحانه مااااينسا عبده كاهو ردني معززه مكرمه وحاطني علي راسه والحين خالتي اشزينها صايره عسا الله لا يغير عليها وحمواتي اللي كانواالنسرات صايرين يحبوني والله يعلم بنواياهم

انا اسوي اللي يرضي ربي ومالي شغل بالقيل والقال

 

[ساندريلا]

حبيبتي متى مارديت عليهم معناته نزلت مستواي لي مستواهم وساويت عقلي بعقلهم ليش اتعب نفسي واتعب ريلي وبيتي على ناس اشوفهم بالاسبوع مره وحده بس

 

[حامل يديدة]

رد : سؤال سريع...لو طفروج وظايقوج وقهروج وذلوج!!! تردين ؟؟

يعتمد على كم سنة خبرة معاهم ههههههه



شوفي اللي اعرفه ان الوحده لو تكون هادية ومؤدبة وخلوقة وتصبر على نغزاتهم بعد عشرة السنوات لازم تتغير ويطول لسانها


يعني 6 او 7 سنوات ماصارت صمت وصمت

خلاص وانا اختج انفجري ورادديهم

واللي يقط نغزة عيدي السؤال وخليهم يوضحون منو المقصود وردي............

 

[يارونه الزيونه]

انا حمواتي بذات مايهموني اما عمي وخالتي على عيني وراسي ودايما يقطون نغزات حمواتي وخاصه جم وحده سخيفات لدرجه اسمع كلام كثير منهم ويتكلمون عني عند الناس ودايما اقول انشالله كل الي يقولونه (حمواتي )يلاقونه بحياتهم يارب ووووووووووووووع ولا يهموني وولو ينغزوني مليون نغزه ولا يحركون شعره براسي كافي اني اعرف الي كل الطيب الي سويته لهم كنت اسويه لربي وكلنا باجر نتحاسب وانا بصراحه الي اشوفها تسوي هلحركات احسها مريضه نفسيا كلنا عندنا حريم اخوان مو جذي غباء وانا اعتبر لي يسوي جذي ينغز مريض نفسي

 

[chanel N22]

انا مشكلتي اسكت واحتر من داخلي وبس
بس الحمدلله علاقتي ويا حمولتي الحمدلله زينه

 

[om_dodo]

والله لى رب ماينسانى قادر مستطيع

 

[ام ريونتي]

اسكت ما ارد عليهم بس اعطي ريلي فكره عن الموضوع عشان يكون عنده خبر لو يزيدون الجيله
اهوا يتصرف معاهم واسكت عشان اكبر بعينه

 

[توووفية]

على حسب اذا اول مرة ارد واحتر لاني راح اكون منصدمه بس بعدين عادي راح اكون عرفت نمونتهم
وصارت فيني الله يهديهم