هلا والله حبيبتي ,,, انا شريت اول شئ بلاكبيري ,, بشوف ليش الناس هابه فيه و حطيت الخدمه ,, اعيز و اقولج كرييييييييييه و مليق
صج صج صج شعب تقليد يمشي ورا الهبات ,, حسسوني انه نازل من السما و لا طالع من تحت الارض
والله ما عندهم سالفه ,, من ناحيه البنات يعني ستايل و من ناحيه الشباب حق التضبط !!!! والله اي شئ
و كل اللي ماخذينه عشان البيبي و عشان الكفرات الفسفوريه
ما اذم بالجهاز لو لا انهم هابين فيه جان قلت جهاز عادي حييييييييييل ,, بس لان هبو فيه كرهته الصراحه والله معطينه اكبر من حجمه
نفس e71 بس e71 احسسن و افضل مافيه لا مميزات و لا بطيخ
و كافي طايحين الناس طنازة عليهم ,, اذا لج خلق تصيرين ماك جيكن اخذيه ههههه
من ناحيه الايفون سعره فييه ,, لشي فيه افلام برامج العاب كافي الاب ستور فيه و صبري جم يوم و بينزلون برنامج احسن من البيبي
بعدين تعالي شنو هذا البيبي اللي خابينا فيه ترى عباره عن مسنجر
بس بدال ما تضيفين ايميل تضيفين كوووود
واذا تبين شبك 24 ساعه ,, كل موبايل تقدرين تحطين فيه شبك 24 ساعه !!
يعني من امه الايفون والله الايفون حتا لو هبو فيه ما ينعاب لانه يسوى , لو احد تكلم عليه تسطرينله المميزات تجعمينه
بس البلاكبيري شنو فيه تكفى غير البيبي !!!
ايفون و لا تفكرين بشي ثاني انا امل و ما يقعد عندي الموبايل اكثر من 3 اشهر بس هذا راح يقعد مده طويله عندي
و بعدين كشخه مو اي احد يقدر على سعره ,, يعني مو كل من هب و دب ,, عنده ايفون
و في ناس وايد ميتين عليه بس مو قادرين على سعره فا قاعدين يشترون الصيني شوفي يا كثرهم بمزااااد لو حاصلهم الاصلي ياخذونه
وااااااااايد حلوو الصراحه ما استانست مع موبايل كثره و على فكره فيه نفس طريت البيبي ,, ووايد بلاكبيريات متحسفين و يبون ايفون لوووول خليهم يدفعون كل شهر 14 مادري جم عالفاضي و احنا عندنا البرامج كلها فيسبوكو و نفس البيبي ببلاش مساكين والله يكسرون الخاطر خاصه لما يقولون حلو حق النت ,, بالعقل ايهو احسن للمواقع و التصفح شاشه صغيره و لا شاشه كبيره و تزومين على راحتج و بكل سلاسه و المسنجرات مو بس نفس طريقه اليببي و لا بس مسنجر بالالاف مسنجرات طبي و تخيري
شتقولين انتي من صجج !!! .. اللي ما يطول العنب حامض عنه يقول ,, انا جربت الاثنين ,, ممكن تلقين ايفونيه تذم البلكبيري
بس ما تلقين بلاكبيريه جربت الايفون تذمه ,, و فيه ام ام اس ردا على اللي قالت مافي ام ام اس ,, شفتي انهم يعطونج حجي ببلاش و اهما مو مجربين اصلا ,, يا حبيبتي انتي روحي الغانم و شوفي استخدام الاثنين و اللي يناسبج و على راحتج
عيوب الايفون ,, بطاريته بسرعه تخلص بس في تحسن بالفيرجن اليديد ,, و يعدلون هالشئ بالفيرجنات اليايه ,,, مافيه بلوتوث لان تعامله كله بالكمبيوتر ,, راح تتكيفين مع هالعيب و بسرعه صدقيني يعني لو تحطين مميزاته بكف و عيوبه بكف من امه كف المميزات اهي الغالبه و انا اكلمج مجربه الاثنين بلاكبيري و ايفون ,, ان 97 ما ادري عنه ما قدر أالف عليج
بس ال E احسن فئه للنوكيا افضل من ال N
^_^
و بالنهايه لج حريه الاختيار
