حبيبتي ام مريوم اشلونج؟؟واشلون العروسات الله يحفظهم ويبلغج فيهم يااااااااااااب
كسرتي خاطري حسيتج وايد تعبانه كلنا بالهوى سوا الله يعينا يااااااااارب
انه اعيالي بعمر بنتج تقريبا يعني لي الحين صغار يكسرون الخاطر بس اذا غلطوا مثلا يمدون ايدهم علي او على بعض
اهني لازم ارفع صوتي بحده واقول عيب واطقها على ايدها شي خفيف واذا عاندت اقرص عالإيد عالخفيف غير جذي
ما اطق..
يعني مثلا اذا خربوا او قطوا شي بالأرض ما اوخر الا اذا شالوا ورتبوا اهم يعاندون بس انه اتكلم معاهم بالتشجيع مثلا عفيه على بنتي الحلوه الشاطره ادري حبيبتي تسمع الكلام وراح تشيل الإشياء اللي قطتهم تلقينها تعاند في البدايه ومع المدح بسرعه تسوي الشي واصفقلها وابوسها
اذا بدت فاصل البجي والحنه والصراخ بدون سبب ما تعب نفسي ادخلها دارها اقولها قعدي اهني ابجي اذا خلصتي طلعي اخليها بودقيقه جذي وارجعلها تلقينها خلاص تأدبت بسرعه تلمني وتسكت وابوسها وتنتهي السالفه
اذا قاموا يعاندون على سالفه اللبس كالعاده او الطلعه ما يبون يطلعون وبجي وحنه اقول اوكي كيفج احنا كلنا بنروح وانادي اليهال وامشي واطلع صوت المفتاح والباب تلقينها اهي بروحها تقوم تلحقنا
دايما اليهال اذا عاند ساحليه في البدايه شفتيه يعاند اكثر وبمصاخه حقريه تجاهليه طنشيه هذ اقوى عقاب ومفيد اكثر من الطق وغيره
ساعات ارفع صوتي بحده او اعطيه نظرات خارقه هههههههه او مثلا اقول انتي مو حلوه انه ما احبج يالله خلاص بنروح اهني تلقينها تطالعني بنظرات تكسر الخاطر وتسمع الكلاام بعدين
وتبين احلى اسلوب والله العظيم ترتاحين واهم يرتاحون اسلوب العطف والحب والحنان وتبوسين فيهم وتدللينهم وتمدحينهم
يعني انه 24 ساعه الم وابوس وامدح انتي الحلوه الجميله حبيبه ماما بنتي الشاطره ومن هالكلام تلقينهم يستانسون ويصيرون مطيعين ويلزقون فيج ويسمعون كلامج
واذا عصبتي كلش والموقف يستدعي الطق تذكري لا تطقينها حيل ولا على ويهها ولا جدام الناس ولا جدام اي احد انه حتى الخدامه ما اخليها تشوفني لما اعاقبهم بشي ترى حرام هالشي يكسر نفسيتهم وشخصياتهم وانتي تبين تأدبين مو تخربين
الله يحفظ اعيالنا ويصلحهم ويعينا على تربيتهم يااااااااااارب
