سؤال صغييييييييييييييييييييير

[لبلبة]

قوة بنات شلونكم
انا بصراحة عندي سؤال صغييييييييييييييييييير واتمنى انكم تجاوبوني
ليش ما قمنا نحس بطعم العيد؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[لاتينيـه]

يمكن عشآن كبرنآ وبعدين الحيآة صآرت روتين والاشيآ اهي اهي نفسهآ
مآ تتغير تصدقين انآ مثلج دوم افكر بجذي
خلي العيد حتى الايآم العآديه قمنآ نتملل بسرعه
نقعد بالبيت نمل نطلع نمل
اول مآ كنآ جذي

 

[موت وميلاد]

لانه كبرنا

ولا اليهال ليلحينهم يختبون مثلنا قبل

 

[sweet cake]

يمكن لأننا كبرنا بس احنا عندنا غير..
بالعيد نروح ونشتري هدايا بسييييطه وعاديه من بو 100 <<طبعا ابو 100 حاله حال غيره ماكو شي بـ 100 !!

ونغلفهم ونسوي مسابقات واسئله للصغار اول شي وبعدها للكبار وهدايانا شي بسيط مرات مخمكه صغير ومكرافه مرات كوب مرات قفاش وشغلات جذي بس انها للوناسه..

سوو جذي وتلقين العيد وناسه لا يكلف ولا شي ويسوي جو..

اي وبعد الطاوله اللي عليها الهدايا نكون مزينينها ومكشخينها وبصراحه وناسه

 

[غرور وايل]

.
؛
بصراحة يمكن لان الحين كل يوم نطلع و نشتري لبس جديد , و النفووس بعد تغير قبل بيت جيران مدري منهم تجي عندنا و الناس توصل بعضها اما الحين الواحد زين منه يروح بيت عمه
؛
.

 

[$حبيبة عبودي$]

.
؛
بصراحة يمكن لان الحين كل يوم نطلع و نشتري لبس جديد , و النفووس بعد تغير قبل بيت جيران مدري منهم تجي عندنا و الناس توصل بعضها اما الحين الواحد زين منه يروح بيت عمه
؛
.

هذي الاجابه الصحيحه ..صرنا كل يوم نشتري لبس
كل يوم نطلع صار الوضع عاااااادي ..

 

[أتعبني شمووخي]

لأن الناس ما صارت نفوسهم صافيه :eh_s(1): :eh_s(1):

والله العظيم اني نفس الشي بس الله يعيننا

 

[Tutti-Frutti]

لانـه كـبـرنـا

مـادري لـيـش احـس كـلـمـا نـكـبـر تـصـيـر حـيـاتـنـا مـمـلـه ومـو حـلـوه مـثـل قـبـل

بـس انـا احـاول اخـلـيـهـا الـعـكـس

وانـا عـن نـفـسـي بـالـعـيـد اسـوي مـثـل قـبـل .. واسـتـانـس وانـطـر يـوم الـعـيـد عـلـى احـر مـن الـجـمـر :eh_s(6):
واحـب اكـشـخـلـه واتـفـائـل فـيـه :eh_s(6):

 

[BABY MASTER]

لاننا كبرنا

والعيد قاموا يحسون فيه الجيل الجديد,,

و محد يعيش عمره وعمر غيره,,,

انتي عشتي العيد بفرحته وحسيتي بطعمه وخلاص انتهى دورج وبدى دور الجيل اللي بعدج,,,

 

[حـــ~ـــور...!]

انآا اشووف السبب ان آآلنآاس تغيرت .... مآقآمو يهتمون بآلعييد

وانآ عن نفسسي احس انــه آلعييد صآر يوم عآادي ... والكلآم تقريبآ من 5 سنيين ...

ويعطيج آلعآافيــه ...

 

[رفاعية19]

يمكن عشان كبرنا وصارت طلعاتنا بالايام العادية نفس العيد وحتى اللبس صار نفس العيد!!!فما يتغير شي!!!!

 

[عتيبيه ناعمه]

لأن الناس ما صارت نفوسهم صافيه :eh_s(1): :eh_s(1):

والله العظيم اني نفس الشي بس الله يعيننا

بالنسبه لى ما احس بفرحة العيد لانه ناقص وجود ابوى الله يرحمه ويانا

بس هم شدنى رد اتعبنى شموخى لان الناس تغيرو وبالاخص بعض القرايب صار الحسد والغيره للاسف معميه القلوب

 

[لحن الغروووب]

نفس كلام البناااات

 

[• قلبه نصيبي •]

لان كبرنا !
وقبل كنتي تشترين ملابس وتكشخيين بس بالعيد الحين لا لطلعتي لازمم مكياج ودنيا !
يعني الي تسوينه بالعيد قمتي تسوينه بالايام العاديييه شلون بتحسين فييييه !

 

[Un-6be3iya]

مادري يمكن يختلف من بيت لي الثاني بس بالنسبة لي هالسنة الي صج صج ما حسيت بطعم العيد مادري يمكن لان بنات عمي كلهم كبار وتزوجو وآخر وحدة ظلــّـت منهم و اهي اقرب الناس لي و تزوجت وراحت بيت زوجهآ بـ ليلة العيد و وايد من رفيجاتي للأسف لما راجعت نفسي اكتشفت انهم مو كفو صداقة واني لو استمريت بصداقتهم راح اخرب وايد اشياء بحياتي فـ ابتعدت عنهم فـ يمكن ما حسيت بالعيد لاني ظليت بروحي !

 

[*بسبوسه*]

شوفي العيد للصغار اكثر شي
لانهم يستانسون بالعديه والملابس الجديده والطلعات للالعاب

احنا يالله من فضلك البنات كل يومين والثاني رايحين شارين بدلات جديده يعني الشي عندنا عادي ولبسنا دايما كشخه وعلى سنغت عشره

اما الاطفال غير

وغير جذي احنا الحين ما نعرف غير المطاعم والسينما والمجمعات يعني قليل تلاقين بنات بعمر 17 وفوق يروحون الملاهي يلعبون ويحسون بالفرحه


وغير هذا الناس حييييييييييييييل تغيرو عن اول صارو الهم نفسي
لا الجار يعرف جاره ولا عيال العم والخال يعرفون بعض

حتى المعايدات صارت بالمسجات بعد الزوارات والتلفون

يعني الناس اهما تغيرو الجيل الجديد منن بعد 2000 والناس متغيره ولا قبها ايام ال 90 ما كنا جذي

بس انتي دوري وناستج بنفسج اطلعي واستانسي وزوري حبايبج حتى لو هم ما يزورونج

 

[فوشية...]

8
8
8
عدل كلامج

 

[Judy abbott]

لانه قبل كانت بدله العيد غير وحتى طلعه العيد غير كنا نروح يوم البحاار والا الترفيهيه وريلنا مو شيله الارض والحين لو شنروح يمكن دزني لاند ما راح نستانس الحين صاار كل شي متوفر بساهالات صج انه جيلي انا مرفهه بس هالاجيااااااااال الييه عايشه برفاهيه اكثر

انا اذكر كنت بلييل يمكن ما ايني نووم من الونااسه واعلق البدله ورايح وراده اجوفهااااااا والحين بالعيد انسى مرات احط هدومي هههههههه

صارت الطلعه بالعيد مثل الايام العاديه وحتى اللبس صارت الناس حتى لو رايحه فرع تكشخ

الله على ايام قبل كاان وناااااااااااااااسه

 

[sweet cake]

ههههههههههههههههههههههههه شكلنا بس احنا المستانسين..

سالفة اللبس مو هي اللي تونس احنا كبرنا ونشتري على طول بس جربوا المسابقات وراح تستانسووووون

 

[الباسمه]

النفوس والقلوب تغيرت طبعا مو الكل
وبالنسبه لي احس قبل ما نشتري الشي الغالي واللبس الجديد الا بالمناسبات الكبيره عيد او عرس
اما الحين الله يديمها نعمه علينا وعلى كل المسلمين
نشتري كل يوم فماصار للبس فرحه