سؤال عن افلام ام بي سي..

[sugar & spice]

السلام بنات..عندي سؤال ووجهة نظر..الحين ام بي سي قناة عربيه تعرض للدول العربيه واللي اغلبها من المسلمين..صح؟؟؟؟ ليش قامت بس تحط افلام وبرامج كلش ما تناسبنا..عل اقل خل تقطع..يعني احين حاطه ام بي سي 4 الفلم عن وحده رابيه مع ابوها ومتعلقه فيه وابد لدرجة لما تشوفه يايب وحده تعيش معاهم مع عيالها..تنرفز البنت لن حب ابوها راح حق شخص اخر..ولما تشوفه وهو يسوي شي مع المراه..تنزل البنت حق ولدها وتقوله يالله سو معاي وتكون فاصخه التوب مالها بس شعرها مغطي صدرها..وشقول بعد والله ما ادري شقول والله اني قعدت اطالع بس بشوف شنو اخرة هالقذاره :eh_s(14): الفلم ماله معنى وما تستفيدين من مشاهدته اي شى وغيره وغيره من الافلام..واللي ينرفزني منو اللي قاعد يشوف ويجابل ويتعلم..اليهال ..واللي بعمر 10 سنين هذيل شلي قاعدين يتعلمونه ..انقهر لما اشوف حمواني الصغار 10 و14 مجابلين هالافلام..ما ادري انتوا شرايكم..وبليز اللي مو عاجبه الموضوع لا يرد..

 

[(كويتيه عسل)]

غيري القناة

mbc4 مااتابعها علشان اقولج رايي فيها

 

[~..MiMiNi..~]

مادري والله ما شفت هالفلم ..

عموما ً انا مستانسه انهم قاعدين اييبون افلام يديده ع الاقل يكسرون الملل اللي يحوشنا !! ولا انهم يكررون افلام او يحطون افلام اتلوع الجبد اهمه ليلحين و ما وصلوا حق مستوى وااااو

و ام بي سيات يقطعون :/

جم لقطه طافوا علي بأفلام كانوا مقطعين !!!

 

[انونا]

عادي حبيبتي بس لا تخلون اليهال يشوفونها

هي مجرد تكون توعيه ان في ناس جذي يصيرون وبالعكس الافلام حلوه وانا وايد احب انبيسي

وجد تقدرين تغيرين القناة عادي اذا في شغله ما تبين تشوفينها

لان في ناس ما يحبون المقطع

 

[hello.kitty_85]

بالعكس ياقلبي انا ليل نهار متابعه قنوات ام بي سي وبالذات ام بي سي 4 وما اشوف شي قذر بهالقنوات جان اتشوفين قناة الراي لما يحطون مسلسل ويبقى الحب استغرب لقطات البوس والمصخره ما يقطعونها حتى اقول ام بي سي يقطعون والراي لأ وعلى راي البنات اذا حطوا شي ما اعجبج غيري القناة ولا تشوفين شي وتتنرفزين

 

[viva la glam]

بالعكس افلاهم يديده وحلوه وما مر علي هالسوالف

 

[انواروه]

بالعكس آنه امووووت على قنوات الام بي سي
واااااااايد شغلات حلوة فيها من برامج وافلام ومسلسلات
وبعدين احسن نت غيرها عندج الراي يطلعون المسلسل التركي اكيد تعرفونه والله ان اكو لقطات بوس ومادري شنو ماايقطعونه كلـــــــــــــــــش استحي جدام امي وبنات اخوي
اما ام بي سي لما اطالع مسلسل تركي مااجوف بووس كلش
واذا على الصغار اللي يطالعون هالسوالف لازم تمنعينهم وبس

 

[sugar & spice]

انا ما اقولكم انا ما اطالع انا اطالع واتابع بس ساعات اتفاجا ان في شغلات مالا داعي تعرض..هذا اللي اقصده..ومشكورين

 

[اللمسة المخملية]

كلامج عدل .. هالايام وايد اشياء ماتتقطع مثل اول .. لا بال mbc ولا بالراي ولا غيرهم..
اول البوسة مانشوفها.. الحين من صج (لاتعليق)