سؤال عن التاكس فري

[ريتشل]

هل لما اروح المطار يطلبون يشوفون الاغراض ولا لا

ياريت تفهموني الطريقه كامممممممممممملة

 

[قـہۈه فـرنسيـہ™]

هلا فيج حبيبتي ,,والله مادري على حسب مزاجهم اذا يبون نبشوا جناطكم واذا مالهم خلق مشوا الموضوووع ,,,

حنااا في مطار شارل ديغول(باريس) غثوووني رفضوا قالوا لازم نشوف الأغراض,, ورحت أركض كنا بنقص البورد ,,,قالوا اذا قصيتوا البورد ماراح يرجعون التاكس فري...بس أشوا لحقت على أهلي كانوا صافين ,,,وأروح وأجيب الجنااااط وأفتحهم وأقعد أنبش ,,,افففففففففف لوعوا جبدي...تخيلي يعني مرتبه الجنطه ومصففه الأغراض من يروووووووووح يدور الأغراض بين هالجنااااط...وآخر شي طلعت كيس واحد فيه عطوووورات ,,حتى ماطل فيه ,,,قال لي اوكي اوكي,,,يعني خلاص ماله داعي,,,


يعني من باب الاحتياط خليهم برا بعدين حطوهم بالجناط ,,,لا تاخذينهم بالهاند باق عشاان الممنوعات ما تدش الطياره

 

[ريتشل]

مشكورررره قهوه فرنسيه هذا حده اذيه

انا الحين بموينخ وامي قالت احسن نحط الاغراض الي شريناها بجناط بروحهم

بس اغراض وايد شنو بيطالع شنو بيخلي ههههههه


شكراا عل الرد

 

[*+$كويتية$+*]

السلام عليكم

انا الحين متواجدة في زلمسي والله مثلج ما ادري اذا
بالمطار يطلبون يشوفون الاغراض
لان المترجم وصانا انهم يشوفون الاغراض
وانا رتبت كل اغراض بجنطة
بس بفرنسا ما طلبو
والله يستر

 

[Oba3deen]

مثل ما قالوا لج الخوات

هم و مزاجهم بس انتي للاحتياط حطي المشتريات بروحهم في شنطه عشان اذا طلبوا يشوفونهم يسهل عليج الموضوع

 

[ياقلبي سرينا]

بلندن ماطلبو يشوفون الاغراض مع اني كنت مجهزتهم لأن توقعت يطلبون يشوفونهم بس حسب المزاااااااج


أنتي وحطج إن طحتي بواحد أجودي واسنافي والا ملعون خـــيّـر

 

[LA TROO7]

انا بلندن ولامرة طلبوا مننا

بس شووفي اذا شاريه جنطه غاليه او شي غالي خليه بكيسه بيدج عشان لاطلبوا وريهم وبس

 

[ღ البرنسيسه ღ]

مرحبا بنات ...

بخصوص التاكس فري ... لما كنا في مطار فيينا .. انا سويت هاي الحركه ..

كل اغراض التاكس فري حطيتهم في جنطه لحالهم .. من عطور وكريمات وشنط ماركه وملابس

ولما جادورنا .. سالونا وين شنطة التاكس فري سلمناها لهم .. ومشوها عااااااااادي في الشحن من دون تفتيش

 

[keeka]

مثل ماقالو البنات انا افضل الاغراض اليديده تصير بجنطه بروحها عشان لي طلبو يشوفونها الا بارزه هالشغله نبهتني عليها وحده في محل بفرنسا وطبعا على الحظ يا يشوفونهم ولا لاء
والفورم عبتلي اياه اللي في مجمع لافاييت بباريس وبس حطيت رقم الجواز وبس تسلمينه بالمطار

 

[Arosha]

في مطار فرانكفورت ما طلبوا منا اي تفتيش اول مره ثاني مره لا اطلبوا و ودونا غرفه بروح وشافوهم عالسريع

 

[carrot^cake]

بلندن الساعات والاكسسوارت الغالية يطلبون يشوفونهم

 

[ريتشل]

ثانكيو اووووووووووووووول

واحنا اليوم رتبنا الجناط حسب مانصحتوني وشكرااا :******

 

[ريماس الحلوه]

مرحبا كم يدردون لكم

 

[ريتشل]

مادري بالضبط 10% يمكن

 

[Ga6wa_7elwa]

حسب الزحمه ومزاج الموظف انا بلندن ولا مره طلبو مني مع اني مخليه جنطتي معاي وفيها بعض الاغراض ،اما خالتي بلندن عكسي توهقت طلبو يشوفون الاغراض وكانت مطرشتهم شحن تبهدلت.
احسن شي تروحين تسوين تاكس فري بعدين تدخلين الاغراض الوزن عشان لو طلبوها تكون موجوده

 

[ريتشل]

اي ماكو الا جذي قطوة ثانكيو على مروروج

 

[الحيه]

السلام عليكم


انا اذكر انة قبل مانطير من ميونخ رايحين فرانكفورت سويناا تاكسى فري بس قبل لا نسوي التاكسى الفرى انتى اقولج شنو تسوين اول مادشين مطار ميونخ اخذى تلقين شباك على اليمين وبعدين ترجعين تاخذين يمين بعدين يمين تلقين غرفة على اليسااار دشيهاا ومعاااج االشنط طبعااا وقولى بسوية تكسى فري



عاد اهنى انا اذكر اننااا ماطلعناا الغراض بس اللى تمصخرناا فية الاوراق نقعد ونكتب لا تشوفين اشكاااالنا هههههههه
المهم ولمااا تخلصين وتكتبين الاوراق راح يدخلوون الشنط ويعطونج اورقة تستلمين منهم المبلغ من الشبك تلقينة موجود اول مادشين المطار على اليسار وبعدين تمشين خخخخخخ


وعلى سالفة جم يرجعون ترا مكتوووب بكل فاتورة شريت منهااا واذا الفواتير مو عندج الله يعينج

بس اذكر انة كان مبلغ طيب رجعولناااا خخخخخخخ طبعا ماشفت شى انا من المبلغ ههههههه

واتمنااا انهاا اوصلت المعلومة وتردين بسلامة

 

[cutiegirl]

أنا أفضل الأشياء الغالية الثمن أحطها بشنطة مميزة لأن يمكن يفتشونها لأن فاتورتها غالية فمن المؤكد يبون يتأكدن من الصنف موجود أو لا

 

[اوركيدا]

على حسب مزاج اللي عالكونتر ..
يعني اهوا بيسألج لازم اغراضج وياج ..
انتي تردين بثقه أي وياي .. بس!
اذا غثيث بيقولج راويني اذا مزاجه اوكي بيطوف او بيكمل الاوراق!
هذا صار لي بمطار تشارل ديقول باريس.

 

[نشـــامي]

مافهمت يعني بس اذا ابي التاكس فري يفتشون اغراضي

واذا مابي مايفتشون؟ اشرحولي القصه