سؤال عن الخياط،، بليز بنات فيدوني

[MissChoco]

السلااام عليكم،،،





بنات الحين ورا الولاده الطبيعيه انزين شلون تعتنين بالمنطقه؟؟
عشان الجرح مايلتهب شنو تستخدمون؟؟ .. وبعد جم يوم من الولاده تستخدمون غسول؟؟
والخياط شلون ينشال شنو استخدم ومن اول يوم ولاده ولا وراها بجم يوم؟؟

وقولولنا شنو الغسول الي تسونه ويشيل الخياط ويعقم



ياليت تفيدونا ،،، ومشكورين*

 

[@ام يوسف@]

رد : سؤال عن الخياط،، بليز بنات فيدوني

الله يمدحون ميبو انا شخصيا ما جربته بس يقولون حيل زين واي غسول طبي استخدمي

 

[MissChoco]

ام يوسف انزين متى اقدر استخدمه؟؟

ومشكووره عالرد

 

[دانة بعين بحاري]

تستخدمين الاشياء اللي تكتبهم دكتورتج
انا اشوف الكل يستخدم ميبو بس انا ماجربته ولا ناويه اجربه
توني والده ودكتورتي كتبت لي غسول بيتادين وكريم للخياط اسمه asap
وبس ما استخدم شي ثاني والخياط مع. التعقيم والكريم راح يبرى بروحه وبياخذ له اسبوعين 20 يوم عشان يطيح وفي خياط لازم تروحين للدكتوره تشيله
ولازم تستخدمينهم من اول يوم ولاده
ونصيحه لاتستخدمين مره واعشاب وملح ومادري شنو وخرابيط
وبس سلامتج*

 

[loolwah_2010]

طهري المنطقه بمره وملح وماي يعني كل ماتروحين الحمام وانتي بكرامه تغسلين فيهم واما الكريم والله ناسيه اسمه ؛)

 

[MissChoco]

دانه حبيبتي ماقصرتي .. بس اشلون الدكتوره تكتبهم حقي؟
يعني ورا الولاده تكتبلي الادويه وتعطيهم السستر ترا حدي عليميه ماعرف
لانه بعدين شلون استخدمهم ماعرف يعني راح اتقولي؟؟



لولوا حيااتي ماقصرتي

 

[ديانا سبنسر]

اب اب

 

[**فيونكا**]

رد : سؤال عن الخياط،، بليز بنات فيدوني

اول شئ الله يسهل عليج وتقومين بالسلامه

ثاني شئ الدكتورة راح تصرفلج ادويه ي غسول او رش بتادين وطبعا في كريم تستخدمينه ع الجرح والميبو حلوو يخلي الجرح يطيب بسرعه وما يلتهب طبعا تستخدمينهم اول عشره ايام او اسبوع وستتر تعلمج شلون تحطينه

وبعدين تروحين للدكتور تشوفين خياطج اذا شالوا الخياط بالليل استخدمي منقوع البابونج والمره انا حاليا نفاس واستخدمه حلوو حيل

يعني تغلين ماي وتحطين عليه البابونج مع المره وتاخذين ماي البابونج مع المره بس ها لما يشلون الخياط

والله يوفقج حبوبه وسوري قرقرت واجد

 

[أم حمودي**MALL**]

تستخدمين الاشياء اللي تكتبهم دكتورتج
انا اشوف الكل يستخدم ميبو بس انا ماجربته ولا ناويه اجربه
توني والده ودكتورتي كتبت لي غسول بيتادين وكريم للخياط اسمه asap
وبس ما استخدم شي ثاني والخياط مع. التعقيم والكريم راح يبرى بروحه وبياخذ له اسبوعين 20 يوم عشان يطيح وفي خياط لازم تروحين للدكتوره تشيله
ولازم تستخدمينهم من اول يوم ولاده
ونصيحه لاتستخدمين مره واعشاب وملح ومادري شنو وخرابيط
وبس سلامتج*

نفس الشي

 

[moon including]

رد : سؤال عن الخياط،، بليز بنات فيدوني

لا المره تحطينها بعد الخياط لانها تحفر الجرح ديري بالج بنت عمي تبطل خياطها منها
استخدمي غسول طبي و مرهم ولمن يطيح الخياط عليج بالمره

 

[MissChoco]

فيونكا حبيبتي شكثر اخذ مره كبر حبة العنب ؟؟ وشكثر احط ببونج
وانقعهم مثلا ١٠ دقايق واحطهم بعدين ابطل واخليه لي نهاية الاربعين؟ عادي مايضره
ومشكوره حبيبتي


ديانا .. ام حمودي .. مون مشكووورين واايد

 

[**فيونكا**]

رد : سؤال عن الخياط،، بليز بنات فيدوني

شوفي حبيتي حطي المره حبيتين صغار والبابونج كثر كف ايدج وخليهم لين الماي يصير دافي

اممممم نصيحه كل يوم بيومه احسن لان المره تخرب بسرعه فسوي كل يوم بيومه احسن

 

[MissChoco]

يعني انقع المره مع البابونج مع بعض بقلاص واحد عدل؟
بس احس البابونج مو وايد!!

ومشكوووره حبيبتي اذيتج وياي

 

[ناتشوو]

انا بس استخدم ميبو وبخاخ البيتادين
الدكتورة تكتبهم لج
واذا ماكتبتهم اطلبيهم
باختصار كل مرة تدشين تبدلين الفوطة
مرة حطي ميبو ومرة البخاخ
واي غسول طبي عندج ينفع
وبس
مااستخدم ملح ومرة وهالسوالف

والخيوط بعضهم يطيح وبعضهم تراجعين الدكتورة تشيلهم

 

[دمثة]

1- غسلي ماي وملح

2- بعد العشر ايام تغسلين بجفت وماي وملح فارسي

3- بالكوتكس حطي ميبو او عالخياط


لما يطيح الخياط وتاكدين ان طاح تغسلين بمرة وماي





المرة ما تغسل فيها اذا الخياط موجود ترخية

 

[ĐāℓốŎố3āђ]

حبيبتي انا استخدمت غسول abc لونه احمر

واغسل فيه وانشف المنطقه عدل من المااي

عقبها احط "خواجوا" بمكان الخيااط واحط بالأوليز

والخياط يخف الالم من خامس يوم
ويطيح الخياط بعد 20 يوم

 

[MissChoco]

مشكورين بنات

بس انا اخاف اجيس المنطقه من بعد الخياط :/

 

[ملكه الحطب]

هههههههههه

اختي انتي نفسي كنت كله اخاف من كثر ماكنت اسمع من كلام حتى الحمام كنت اخاف اقعد او اخاف ارش ماي شوي قوي

بس ترى عاااااااااااااااااااااااادي حطي الميبو يقطن وامسحي فيه على الخياط وبسسس

وبصراحه في مرهم عجيب كانوا كاتبينه لي مستشفى الصباح طيح لي الخياط ب 15 يوم تقريبا بس مااعرف اسمه حسافه واحسن من مرهم الخاص

بس نصيحه اكلي حبوب تكون مثل التخدير توصفهم لج الدكتوره وحطي الدهان لما يجونج الناس لانهم يطوولون هههههههههههه

 

[ناتشوو]

مشكورين بنات

بس انا اخاف اجيس المنطقه من بعد الخياط :/

حطي المرهم ع الفوطة
او حطينة بقطنة ومرريه ع الخياط لأنج مثلي
وطلبي مسكنات قوية
مثل فولتارين لازم بوصفة صج يخليج من اول لحظة تتحركين ومافيج الا العافية ان شاء الله

واهم شي روحي لدكتورة زينة للخياط
ولا تحطين مراية بالحمام تشوفينه علشان لا توسوسين

 

[المكسيكيه]

شكرا على المعلومات المفيده