سؤال عن دزة العروس الكويتية

[rororo4]

صباح الخير بنات
ابي أعرف شنو اخر الأفكار للدزة الاسبوع الياي دزة اخوي وحايسين نبي افكار يدية ناطرتكم
وجزاكم اللة خير

 

[rororo4]

اشدعوة محد رد الله يسامحكم عطوني حتي لو فكرة بسيطة من ربعج او اهلج

 

[كويتيه طراز قديم]

شوفي عندي لج فكرة واحنا سويناها حق اخوي
اشرايج تحطين اغراض الدزه في كراتين شفافه وباكثر من حجم
يعني اذا تبين ادزون جنطه مثلا تحطينها داخل العلبه وداخل العلبه تكون مزينه بشئ قليل من القش ...واذا عندج بعد عطورات ايضا تحطينها بشكل مناسب وياريت الوان العلب تكون وحده وتحطيها فقوها شئ بسيط جدا من الكرستال او الورد الخفيف علشان لايضيع شكل الغرض اللي داخل الدزه وبعدين عني لج سوال انتو تعرضون الدزه او تعطونها لها من غير عرض اعذريني على السوال لوتقدرين دزين لي على الخاص وراح اعطيط افكار اكثر

 

[rororo4]

مشكورة حبيبتي بس احنا مانعرض الدزة بس نعطيهم الدزة لهم ملفوفة ومسكرة

 

[دلوعة امها]

هلاااا فيج حبيبتي ,شرايج تحطون الدزه بعلب كشخه وتكون احجامها من الصغير لي الكبير يعني مثل البرج وتربطون العلب بريبونه كشخه وكرستال مثل الصوره:

والفكره الثانيه في انكم تحطون الدزه بكبت خاص للمجوهرات ويكون فيه مثل اليرارات وكل يراره تحطون فيها شي مثل الصوره:

​

 

[عنايد]

الدزه تختلف عن المهر ؟؟
اذا انتي تقصدين المهر اللي اهو عباره عن فلوس
روحي بوابة الهدايا واهم يحطونه لج بصندوق كشخه ويوزعون الفلوس بطريقة حلوه ويضيفون له ورد مجفف
وممكن تضيفين له بعد قطه كاكاو من باتشي او عود من النوع الزين كيفج عاد في ناس يحطونه مع مجموعه عطورات حلوه ويغلفونه ويضيفون له الورد وفي ناس يشترون صحن شكولاته ويغلفونه مع الفلوس

 

[rororo4]

مشكورين علي الردود حبايبي بس كل هذا امسوينة من قبل ابي فتق يديد وراقي
ومسكوين حبايبي

 

[كويتيه طراز قديم]

اختي rororo4
في طريقة ثانيه احنا سويناها عاد مادري تقدرين اتسوينها او لا
1-تجبين عربه وتحتها تواير بس التواير صغيره من الامام وكبيره من الخلف (كانها عربة سندرلا) وتحطين فوق يعني تعلقين ليت بحيث هذا الليت يشب وشكله حلوه
2- وحوالين العربه من الاطراف ستائر من الشيفون او التور
3-اما داخل العربه فتضعين جميع العلب المقدمه منكم الى العروس
4-وعلى فكره العربه يجب ان يكون لها يد بحيث يسهل جرها
5-وارتفاها مو كبير وايد اي تكون سهله في الحمل
6-ويفضل ان يكون لونها من الداخل الاحمر المخملي
وعاد انتي وفتاتكج...
اتمنى ني اكون ساعدتج ....

 

[rororo4]

مشكورة علي الرد حبيبتي

 

[قلب راشد]

روحي عطورات الدليل بسنام وفيه بالفحيحيل والديره رووعه شغلهم لهالسوالف

 

[توشيبا]

اتا من رايي انكم تعطون العروس قيمة الدزة يعني بجم ناويين تشترون؟ عطوها المبلغ لان حرام وايد من البنات ما يلبسون شي من الدزة ممكن اختلاف الاذواق او القياس و اذا مصرين عالدزة مثلا الفساتين و قمصان النوم تعلفونهم على ستاند واذا في فساتين سهرة ممكن تعلقونهم على مانيكان و النلابس الداخلية غي علب او تثبتونهم على كوشية و تلفونها بشريطة و انشالله فدتج

 

[nanosa78]

اي والله بنات افكاركم انا بعد ابي افكار حق المهر شي كشخه

 

[الـــحـ دبدوب ــب]

الغاليه
اخر شئ بالمهر عربة السندريلا وبوكية الورد
اذا يهمج راسلينى

 

[ضحكة الدنيا]

شوفى محلات العطور بالمباركيه عندهم صناديق كشخه حق المهر مع البخور والعود والعطورات واشكالهم حلوه

 

[نونو جين]

البنات مايقصرون ان شاء الله​

 

[ضوى العيون]

انا اخر درة شفتها كان طريقتها
بكبت الصغير للي يكون على شكل دروج وفي على عربانه
وفي على شكل الكوددينه الصغيرة
تصدقين احلى شي تردين على ايام اول وتحطيه في بقشات