سؤال عن فندق اتلانتس ؟؟ الله لايهينكم

[موت وميلاد]

السلام عليكم ورحمة الله وبركاته

بنات ياريت تجاوبوني مابقى شي على سفرتي

بنات الله يعافيكم شرايكم بفندق اتلانتس يسوى 4 ايام ولا وايد عليه ؟؟

واحنا معانا يهال فشلون المصاريف راح تكون وايد خصوصا انه مافي بالفندق مطاعم فاست فود ولا سوق عادي بس ماركات ؟؟

وشنو تنصحوني بفندق ثاني يكون راقي وفيه بحر والعاب حق اليهال وقريب يم المجمعات حق التسوق

جاوبني الله يرضى عليكم​

 

[مدام تمارا]

رد : سؤال عن فندق اتلانتس ؟؟ الله لايهينكم

4 ايام وايد عليه والحلو فيه الاكوابارك وعرض الدلافين حق اليهال بس بصراحه الاجانب هناك شكثر ولبسهم مايوهات وانتي عارفه بس وناسه الاكوابارك حلو ومطاعمهم اسعارها غاااليه

 

[فووووشيا]

واااايد حلووو اينن خصوصا انه معاااج يهاااال بيستانسووون ومراح يطلعون من الفندق

 

[الجــادل]

رد : سؤال عن فندق اتلانتس ؟؟ الله لايهينكم

حلو للاطفال بس حطي في بالج الاجانب والمايوهات والتفصخ

وترى بعيييد عن الاسواق

 

[عيون مسقط]

هلا حبيبتي .. فندق إنتلانتس يونس حيل خاصة الأطفال راح يستانسون لأن فيه ألعاب مائية ودلافين مثل ما ذكروا الأخوات ، ويكفي تقعدين فيه يوم واحد ، وعقبها ممكن أتغيرين الفندق وأنصحج بفندق جميرا بيتش اللي بشاطي الجميرا بدبي ، همن يونس وفيه خدمات حلوة ، وعندهم جليسات أطفال إذا حبيتي تطلعين إنتي وريلج وتخلين عيالج عندهم ، طبعاً أمينات ومسئولات من قبل الفندق ، وعند الفندق على بعد أمتار في مكان ينقال له (وايلد وادي) (ولد الوادي على قولة شومبيه اللي بشعبية الكرتون) :016: في ألعاب مائية ويوم الخميس خاص للنساء والأطفال الصغار .. أما باقي الأيام مكس يعني خلط ، عن نفسي جربت أروحله مع اليهال وإستانسوا حييييل ، لكن المطاعم عندهم عالمية وغالية وعندهم سوووق تابع للفندق ، وهي عبارة عن ثلاث فنادق على بعض ، والتمشاية فيها بالقوارب ، بس الجو حررر ورطوبة حالياً ، حلاته بالشتا ، بس ما يخالف حلووو التغيير دامكم تقضونه بالماي والفندق والبحررر ، السموحة إني طولت عليكم يا حلوين
وهذي بعض المعلومات عنها :
فندق جميرا بيتش

بيانات الاتصال
العنوان: ص. ب: 11416 شارع شاطىء الجميرا، دبي، إ.ع.م.
رقم الهاتف: +971 4 348 0000
رقم الفاكس: +971 4 301 6800
البريد الإلكتروني: [email protected]
موقع الإنترنت: www.jumeirah.comدبي

الموقع: يقع هذا الفندق في منطقة شاطىء الجميرا الشهير على بعد 15 كيلومتراً من مركز المدينة و25 كيلومتراً من مطار دبي الدولي.


المطاعم: تشكيلة تضم 23 مطعماً.

التسهيلات: خمسة مسابح، مسبح للأطفال، مركز رشاقة كامل التجهيزات، ساونا، جاكوزي، غرفة بخار، سبا، ملعب مصغر للجولف، ملاعب للتنس والإسكواش، مركز للغوص في المياه الضحلة، رياضات مائية، مركز أعمال، صالون تجميل، خدمة جليسات الأطفال ونادٍ للأطفال، بالإضافة إلى دخول مجاني لمنتزه وايلد وادي المائي.

غرف النزلاء: 599 غرفةً وجناحاً بالإضافة إلى 19 فيلا مزودة بشرفات مستقلة وأحواض للغطس .

 

[عيون مسقط]

أي ونسيت أقولج بعد إن حالياً مسوين عرض خاص بفندق إتلانتس الغرفة بـ 900 درهم حق الليلة ، يعني تقريباً 90 دينار كويتي ، تقدرين تتصلين وتتأكدين منهم ، لأن أخوي مودي عياله الأسبوع اللي طاف وأتوقع العرض ساري للحين

 

[موت وميلاد]

مشكورين على الرد ماتقصرون

انزين وشرايكم بفندق ذا ادريس ؟؟

لانه ابي فندق يكون حلو ويم سوق والعاب ؟؟

 

[جنون العشق]

رفع

 

[العنزيه702]

رفع

 

[موت وميلاد]

رفع