سؤال عن Paypal

[Sadf2000]

السلام عليكم كويتياتت شلونكم ان شاء الله بخير

خواتي عندي سوال ما ادري وين احطه بس اظن انيبلقي الاجابة عندكم

انا سويت اشتراك فى PayPal ودزوا لى ايميل حق الاكتفيشن (التفعيل) ومشيت حسب الخطوات ودخلت بيانات الفيزا وسويت كل شي.

السؤال : هل الحين انا خلصت وصارعندي حساب اقدر استخدمه ، والا لازم انطر ؟ انا سبق وقريت موضوع انه لازم يدزون ارقام او شي قبل ما اقدر استخدم حسابي ، بسلما دزيت لهم ايميل ما قالوا لى نطري ، هذا ردهمم لي

In this case, you can now use your PayPal account and because you have aPersonal PayPal account, this is primarily made for sending payments. Personal account holders can receive a limited number of payments fundedby credit cards each year, and pay a small transaction fee for each​

​

وبما ان حسابي شخصي مثل ما هو مكتوب هل ما اقدر استخدمه الامرات محدودة والا اقدر طالما فى رصيد فى بطاقتي الائتمانية؟ وشلون اعرف حدودي هلنفسحد البطاقة الائتمانية (مثلا 200 دينار) او غير

بعدين هلياخذون رسوم على عمليات السحب، واللى تعرف يا ليت تقولي جم لاني دخلت على موقعهم ما طلع معاي التكاليف


سامحوني خواتي اسئلتي وايد بس والله خايفة استخدمه ومو عارفة شلون بحكم انها اول مرة فاتمني انكم تفيدوني واللى تعرف اجابةاي سؤال تجاوبني مو بالضرورة تعرف اجابات الاسئلة كلها. عشان استفيد وتستفيد باقي البنات فى المنتدي بعد لانه موضوع مهم

وشكرا مقدما لخبيرات PayPal اللى راح يجاوبوني​

 

[smilmoon]

اختي
سجلت في باي بال وعطوني الارقام وفعلتها ،بس ماقدرت استخدمها لانهم اطلبوا مني بينات مثل الجواز والبطاقة المدنية اللي توضح عنوان السكن وكشف حساب يبين فيه الارقام اللي ارسلوها ويكون بالانجليززي ،بعد ماارسلتها كذا مره ،وافقوا وفعلوا اشتراكي
بس المشكله اني حاولت اشتري من موقع راف لوران بس رفضها لان بيناتي اللي عنده تبين اني مو من سكان امريكا ،فقمت اشتري اشياء غير ملموسه مثل اشتراكات الرابيد شير ، والباي بال ماياخذ اي عموله على عملية الشراء .
ان شاء الله اكون افدتج

 

[Sadf2000]

الف شكر لج اختي

الاوراق اللى قلتي عنها لازم ندزها والا بس فى حالتج انتي طلبوا هالاوراق

وشلون دزيتيها بالبريد والاعلى الايميل

وانا بالنسبة لي عنوان الفيزا على امريكا بس بغيت اشتري من موقع صيني ما يصير الدفع الا بالبي بال فقلت اجرب واشترك

يعني تهقين ماراح اقدر استخدمه ، لان الدفع فى الموقع اما بالبي بال او تحويله الويسترن يونين ، وانا ما عندي خبرة بسوالف التحويل ما سبق وسويتها

اعذريني اسئلتي وايد اتمني تفيديني اذا كان عندج فكرة

 

[Bamya]

ليش ما تحولينه وتفتكين؟؟

ادري ان داشه عرض لاني كنت بسجل في البي بال من قبل وهونت والسبّه هالحوووووسة

قمت وحوّلت المبلغ للبياع وخلصت الحتووووته

 

[Sadf2000]

هلا والله اختي باميه
جان زين تقولين لي شلون حولتي لأن أنا ما عندي فكره عن سوالف التحويل
أتمني يكون الشرح مفصل اختي باميه ومشكوره مقدما

 

[@Miss Dio@]

بس ترى عادي اذا حولتي لللبيايع ودرى انج من الكويت ويعطيج طاف

 

[Sadf2000]

اختي مس ديو ممكن توضحين شنو قصدج لاني ما فهمت
تقصدين احول الفلوس وما يدز لي البضاعة والا قصدج شي ثاني

 

[Dr.Nouf]

اختي مس ديو ممكن توضحين شنو قصدج لاني ما فهمت
تقصدين احول الفلوس وما يدز لي البضاعة والا قصدج شي ثاني

:krkrkr:

للأسف صارت معاي !!!!



اي احسسسسسسن لج باي بال


انا مرة شريت ايبودين تج طلعوا علي بالكويتي 80 دينار تقريبا مع الشحن ( 8 giga )

المهم


بعد يومين عطتني ال TRACKING NUMBER

ووراها ما شفت رقعه ويها موووووووولية


نططرت 10 ايام ، بعدين رحتي سويت DUSPUTE

بال PAYPAL

تدرين شنو احلى شي ؟؟؟؟


تجمدت حساباتها ماتقدر تبيع او تشتري او تسحب الفلووس

ليمن يحققون بالشكوى ويشووفون منو الصح ويردوون لج فلوسج !!





--------------



المهم انتي لازم ما تحوولين ولا شي على حساب ال PAYPAL

ولا تعطينها اورااق او اشياء لانهم ما يطلبونها اساسا !!


بس لمن تشترين شي ينسحب من فيزتج --> بس يمر بالباي بال عرفتي ؟؟؟؟


يعني يسيفون الفاتورة بالباي بال


عشان اذا صار ما صار يحفظوون لج حقج !!






وانا ليلحين قعد يحققون معاي