سؤال لكل زوجه؟؟؟ تخيلي,,,تمالكي أعصابك,,,وجاوبي؟؟؟؟؟؟؟

[ღ❤سـنــيـــڪـرز❤ღ]

يسعد مساكم وصباحكم الله يسعد كل أيامكم

اليوم حابه أدخلكم بعالم الخيال بس لازم تكونوا ريلاكس أخاف تكون العواقب وخيمه حلو

خذي نفس
كمان نفس






سمي الله وإقري وجولي بخيالك:eh_s(22):











راح أبدأ



الباب يدق الله الفرحه مو سايعه قلبك مو معقوله


مين زوجي رجع من السفر بعد طول غياب
الزوج: مو زي عوايده مو مره مشتاق آآآآآآآآه أكيد تعبان من السفر وتبي أجهزلك أحلى أكل لأحلى زوج


(زوجك) : لاتوني ماكل وشبعان

عسى مو شر وش صاير قعد يضمك ويقول كلمتين حلوين مبين أنهم
لحس مخ؟؟؟؟؟؟؟؟؟؟


ويقطع حيرتك صوته وهو يقول أنا بروح الليله وبكره بجيب

معي (زوجتي من الفندق)
أنا تزوجت وهذا شرع الله وبعدل بينكم ومن ذاك الكلام؟؟؟





هنا تحديدا
في هذا الموقف أول ردة فعل لكي وش بتكون؟؟؟



قولوا ياحلوات بس هدو أعصابكم .
أحنا نتخيل




أنا بجاوب أول وحده
بدون تفكير بروح المطبخ وأجيب سكين وأقول ياتتشهد ياتطلقني إختار؟؟
وهو حر.



اتمنااا المووضوع يناااال عجاابكم ولا تبخلوون علي بتقييييييم

 

[جوديے... كيوت]

انا عالطول

اول شي بطقني البوه

عقب صراخ وبجي

عقب يالله عطني ورقتي مالي قعده عندك

تصدقون عاد انا وايد اخاف من هاللحظه لدرجه جم مره احلم وبالحلم ابجي اكسر الخاطر

بس الله لا يقوله والله يتمم علينا ويحفظهم لنا قولوووووووووو امين

ومشكوره حبوبه عالموضوع

 

[انا لحبيبي .]

رد : سؤال لكل زوجه؟؟؟ تخيلي,,,تمالكي أعصابك,,,وجاوبي؟؟؟؟؟؟؟

بغمى علي

 

[MissChoco]

لا ابجي ولا يغمى علي هههههه


الا اول مايقولي وانا طراقات وتكفخ فيه وماتبقى نعال وانتو بكرامه مو يايته واقعد ازف فيه
ههههههه بعد تبوني ابجي جداامه


واذا راح عاد اهني اطيحله بجيي ههههه

 

[FeShinGoOo]

اتوقع اني راح اموت من الظحك واقوله (( اقلب ويهك يلا عاد )) << ماراح اصدق سالفته ^_^

 

[أنفاسي دخون]

ببرد كبدي فيه وعقبها اخليه يطلقني

الله لا يجيب ساعه الشر لي ولكم خواتي

 

[ღ TőOőma ღ]

اكيييد بنصدم اول شي بعدين من القهر اقعد ابجي واصرخ و عادي اكفخه

واسويله فلم هندي واطلع من البيت وفيه خير يلحقني عاد شقتي نفس منطقة بيت امي يعني مشي << لوووول اندمجت

بس الله لااييب هاليووم انشالله لان ماراح اخليه يتهنى اعيشه برعب لوول

 

[كاميليا1]

ليش تتفاولين يكفينا هم اعطينا موضوع يونس يفرح

 

[مضاوي 75]

الله لا يكتبها علينا ولا على حبايبنا

اول مايقولي بسكت علشان استوعب وبعدين تجي مرحله البجي والصراخ وليش ..وليش

والي راح استقر عليه انه يطلع بره البيت وانا اقعد في بيتي لانه هو بيتي وبيت عيالي وهو بطقاق يطقه هو مع مرته

وراح اقطع علاقتي فيه الا من ناحيه الفلوس بخليه بنك لي ومستحيل اطلب الطلاق

علشان العيال يبقى ابوهم يدخل ويطلع عليهم لكن انا ينسى خلاص
خخخخخخخخخ صدقت

ومن عافنا عفناه ..لو كان غالي

 

[فاقده غاالي]

اول شئ ما راح استوعب اللي يقوله ^^^ واي اتخيل انه صج والله انجنّ



تقبلي مروري ​

 

[الزيـــــ^^ـــــن]

ابجي واصارخ واروح بيت اهلي اي شي مالي قعده عنده

الله لاييب هاليوم

 

[a7la MUM]

متأكده1000% مايسويها
موعشان يحبني لا
لانه مو من نظام بعض الرياييل اللي جذي

 

[اشتياق]

اغتالهم اسوي عمليه انتحاريه

 

[لبى كل الغلا]

رد : سؤال لكل زوجه؟؟؟ تخيلي,,,تمالكي أعصابك,,,وجاوبي؟؟؟؟؟؟؟

ماااااااااااادري بنصدم وببجي بس بعدين
ممكن مو أكيد بتقبل الأمر شسوي الفاس طاح براس
وبدلع زوجي وبعتبرها مو بحياتنا وبكسبه بطيبي
والله لايوفقها <<<<<< عشت الدور

 

[زهره العشاق]

الله لا يجيب ذاك اليوم يارب بس رده الفعل هاتكون بالضرب حتى الموت )او انتظر لين تجي من الفندق واموتهم جميع سوا بالطعنهم او بالرصاص

 

[noor alkwait]

رد : سؤال لكل زوجه؟؟؟ تخيلي,,,تمالكي أعصابك,,,وجاوبي؟؟؟؟؟؟؟

بنصدم وبروح داري وبعدييييييين بصاااااااارخ وبطقه وببجي وبهد البيت ,, وه الله لا يقولها

 

[zaina alotibi]

رد : سؤال لكل زوجه؟؟؟ تخيلي,,,تمالكي أعصابك,,,وجاوبي؟؟؟؟؟؟؟

اقولك من باعني برخيص ابيعه بتراب
وانسحب من حياته عشان ياخذ راحته مع حبه الجديد
إهيئ إهيئ إهيئ

 

[ام سليمان 2008]

ارتفع ضغطي ههههههههه لا مااحاول حتى التفكير

مابي مابي <<<<<<<<<<< شفيج يبا غشمرة على قولت عبدالحسين عبد الرضا يباا حلم حلم هههههههههه

الله لااييب هاليوم

 

[ام شووووق]

رد : سؤال لكل زوجه؟؟؟ تخيلي,,,تمالكي أعصابك,,,وجاوبي؟؟؟؟؟؟؟

مو قادرة اتخيل واااااااااااااع ببجي