سؤال لكل وحدة بالمنتدى

[Mazyoona]

؛

.

أصعب شي أنج تقعدين بين أحبابج و تحسين أنج غريبه

 

[~انحناءات أنثى~]

طبعاااااااااااااا الموت بدون تفكير
ماكو مصيبه اكبر منه

 

[الوفا عنواني]

اصعب شي بالدنيا انج تنظلمين من اعز الناس و ما تقدرين تبينين برائتج

 

[كويتيه78]

اصعب شي الظلم لما تكونين مظلومه وماحد يعطيج فرصه تدافعين عن نفسج
وفراق الاحباب​

 

[m!ss nunu]

أصعب شي الاحساس بالنـدم
جعل محد يذوقه ان شاء الله

 

[نــ..الوجود..ـــاادرة]

أصعب شي والله فقدان الأم بالدنيا

 

[حياة زوجي]

مشكورين يابنات على الرد والمشاركه

صحيح كل الي قلتوه صعب بالحياة

والقرب من الله والايمان بالقضاء والقدر يخفف عنا صعوبات الحياة

 

[Mona Lisa]

بصراحه بجيتينى عشان فقدت اعز مخلوق بالكون كله ست الحبايب امى الله يرحمها شكثر ولهت عليها

كانت دنيتى وحياتى وحبها صادق من القلب مو مصلحه الحين الدنيا مالها طعم ولا حلاه عقبها يا بنات الله يخلى لكم امهاتكم

ويطول بعمرهم ديروا بالكم عليهم ولا تقصرون معاهم عشان الام عمرها ما تعوض صدقونى

 

[لولوي]

يالنسبه لي..

اصعب شي لما تكون فتره ابتعد فيها هن ربي

 

[anoore]

اصعب شي بالدنيا الشي اللي مافي اصعب منه ابد
هو انج تتمنين شي ومن كل قلبج تبينه وتحاولين بكل ماعندج انه يصير وبالاخير يصير عكس الشي اللي تبينه

 

[غالية زمانها]

اصعب شي بالدنيا ..
* اتشوفين اعز الناس عندج مريض وماله علاج وماتقدرين اتسوين شي .. شي يعذب
* الوالده .. " مو مسلمه " عسى الله يهديها .. " ادعو لها الله يخليكم "
* لما كنت بالثانويه محد شجعني بالدراسه .. ويلوموني .. باللي وصلت له ..
* الدنيا تغيرت بناسها .. باطباعها .. تخلت عن عاداتها ..
* تعامل الناس بالطيب .. والطيب ماينفع معاهم ..

واسفه اني طولت عليكم

 

[لوكي 22]

اصعب شيء في الدنيا هو انج تشوفين غيرج قاعد يحقق امانيه واحلامه وهو بنفس عمرج وانتي بعدج قاعده وماسويتي ولا شيء من اللي كنتي تتمنينه << صاجه

واصعب شي .. الغرررررررررررررررررررررررربه تهد الحيل

 

[محد يسواك عندي]

تسلمين حياتي ع الموضوع الحلوو انا عن نفسي صراحه كل شي اصعب من الثاني كل شي وله صعوبـته
الاولى قالت الموت اصعب شيء
الثانية قالت الحب من طرف واحد
والثالتة قالت انك تنجرحين من حبيبك
والرابعة قالت انك تعيشين وحيده
والخامسه قالت ان الدنيا تبعدك عن الناس الي بتحبينهم​

 

["قطر الندى"]

اصعب شي بالحياه شوووفين انسان انتي قدرتيه وحبيته وضحيتي علشانه وايد بس اهوو موو مقدرتج

يسلمووووووووووووووووو

 

[*امووونه*]

اصعب شيء في الدنيا هو انج تشوفين غيرج قاعد يحقق امانيه واحلامه وهو بنفس عمرج وانتي بعدج قاعده وماسويتي ولا شيء من اللي كنتي تتمنينه << صاجه

واصعب شي .. الغرررررررررررررررررررررررربه تهد الحيل

نفس كلامج والله

بعد اصعب شي الندم لما تندمين بعد ما فات الفوت :0bee2e8d89:

 

[ليتني مآكبرت]

أصعب شي لما تشوفين [بعيونج] إنسانة قطعة من قلبج تموت قدامج _ الله لايحطكم بهالموقف

 

[ms. hana]

اصعب شي بالحياه الساعه 4 الفجر و انج تكونين مشتهيه تاكلين سنيكرز حييييييييل .. وما لقيتي بالبيت كله الا واحد وباجي فيه لقممه وحده وطبعا كانت خدامتكم ماكلته يعني سورها


صعبه ما قدرت اتخيلها
هههههههههه
شي صعب جدا .. صح



يسلمو ياحياتي

 

[(كويتيه عسل)]

اصعب شي الظلم :eh_s(2):
لما تكونين في ضيجه واللي انتي عادتهم رفيجات اول ناس يتشمتون فيج
ولما تكونين متضايقه ولا وحده من الرفيجات المصلحجيات حواليج حتى لو مجامله
وانج تتمنين شي وتشوفينه راح لناس ماتستاهل وموكفو

 

[سعودية من نجد]

اصعب شئ اذا جاءت سكرت الموت ورصيدك من الحسنات لاشئ

 

[shai5at al3arab]

لما تحس باحساس الظلم