سؤال للحضريات وللبدويات (عن المهر) الكل يدش

[إيمي1987]

والله العنووسه قاعد تزيد والسبب المهور المرتفعه والشباب تعزف عن الزواج

آنا عايلتي 4000

بس ابوي غير

يشتري رياييل

والله اختي العودة 2500

واختي الثانيه 3000
ووحده بعد 4000

يعني ما نشرط بالمهر

واحنا بدو

 

[مرايــــــــم]

موشـــــــــــــرط

 

[no yes]

أنا حضريه ومهري كان 12000 و ولا وحده من خواتي خذت اقل من 9000
يعني مو شرط حسب الإمكانيات

 

[ام الوردة]

حسب ... موشرط

ليش الحضر مهرهم قليل .. لأنها تطلع مع زوجهاااا ويجهزون كل شي مع بعض الشقة والتجهيزات الباجي

يعني المعرس يخلي بعض الفلوس للتجهييييز

وماااااادري هم ارد واقول حسب النااااااااس موشرط

 

[أميره الـ غ ـيد]

‘،

يب لاحظت .. بس ماظن كل الحضر اقل مهور منا

خواتي اللي خذو من عيال عمي مهرهم 6000<< صارت قاعده ماتعطي اقل من 6 لبنت عمك واذا بتزيد كيفك هههههه

وانا خذيت واحد مو من قرايبنا اختلف المهر 8000

،‘

 

[عروس فبراير]

رد : رد: سؤال للحضريات وللبدويات (عن المهر) الكل يدش

حبيبتي عرووس فبراير انا بدويه مثلج

حياااتي والنعم فيج :eh_s(7):

 

[أميرة-]

رد : رد: سؤال للحضريات وللبدويات (عن المهر) الكل يدش

واكو شغلة مهمة يمكن تعرفينها ان المهر عند البدو ايمعونه من العانية اللي تيي من الاهل .. انا رفيجتي بدوية مالجة صارله كم مهر والمعرس موقادر يعطيها المهر المكتوب بالعقد 6 آلاف ناطر ايمع من العانية اللي تييه خلال هالسنة ..

فبرأيي البركة بالقليل .. بلا ديون ولا عانية وضغوط مادية عشان يتم الزواج

حبيبتي انا بدويه وماعندنا هالشي شلون يجمعون المهر من العانية والعانيه اصلا يعطونها الناس اهل المعرس يوم العرس .. يعني يروح يخطب وهو ماعنده فلوس ويقول لاهل العروس انطروا العواني اللي بتجي يوم العرس بيكون مهرها بعد عرسها :bbbiu: هذول من وين طالعين

بعدين العواني قبل مو الحين .. الحين اغلب القبايل منعت العواني


عموما بعض القبايل محدده المهر وغالبا يكون فوق السته بس قبيلة وحده مهرهم 5 .. وهو المفروض يكون المهر على حسب اهل العروس يعني اذا خواتها وبنات عمها ب 7 مثلا مو معقول تكون هي اقل منهم لكن بالاخير يعتمد على الاهل يعني ابوي يوم راح يملج لاخوي وكانت العروس من قبيلة ثانيه مو مننا ومعروف اهلهم المهر عندهم على 8 بس ابوي قال 10 لانه اجنبيه بس ابوها مارضى ياخذ 10 صفوا بعد المكاسر :ggdw: على 8

بس اللي اعرفه اغلب الحضر 6 او اقل .. انا قلت الاغلب بس مو الكل

 

[Fe6aMi]

رد : سؤال للحضريات وللبدويات (عن المهر) الكل يدش

المهر ما يكبر بخت
وعلى حسب الواحد وامكانياته
والرسول عليه الصلاة والسلام نهانا عن غلاء المهور ​

 

[tmtmt]

الي اعرفه جذي بعد
ان البدو مهرهم وايد

بس الحضر اول 4000
الحين يوصل 6000
نادر مايعطون 4000 هذا الي اعرفه

وانا قبل 8 سنين عطوني 4000

 

[bbnbb]

رد : سؤال للحضريات وللبدويات (عن المهر) الكل يدش

اهو يعتمد على الاهل وطلبهم وشروطهم
وبصراحه الحين اغلب الناس مايفكرون بالمهر كثر تفكيرهم بالريال اللى بياخذ بنتهم ويحافظ عليها ويحترمها
وانا اعرف ناس كان شرط الاب فى عقد الزواج دينار واحد فقط وفى واحد اهو اللى سوا حفله ببيتهم لبنته ولريلها
شفتوا الناس الاصيله الطيبه

 

[فلنتينو]

مشكووورين كلكم ع الردود
بس مو عن ان المهر الوايد يكبر الحظ او ناس اصيله ولا لا
وبعدين اهل المعرس والمعرس اهم من يحدد المهر والله يعني ابوي على قولته لو اهي ذبيحه ماعشتك ههههههههههههه ويقول مهرها دينار ومن هالكلام واحنا نشتري الرجال يعني المعرس عندنا اهو اللي يحدد المهر تقريبا من سبعه وفوق

 

[بنت ام عبدالله]

لهذي الدرجة قيمة المهر مهمه تتناقشون عليها؟!!!

سواء مهر البدويه او الحضريه واجد او شويه

المهم ياحبيبات قلبي ونظر عيوني وبهجة فؤادي التوفيق

التوفيق ثم التوفيق ثم التوفيق !!!!





انا اتفلسف و(للامانه فلسفتي صحيحه) وانا عزوبيه خخخخخ

يلا عسى ربي يرزقني زوج صالح فالح مسمي مصلي يعزني ويحبني خخخخخخ نشبت لكم عدل*

 

[الغاليه ام احمد]

حبيبتي احلى بنت بالدنيا

انتي غلطانه شنو البدو يجمع المهر من العواني

اصلا العواني يقدمونها الناس يوم العرس مو قبله

وبعدين كل القبايل البدويه محددين المهر كل قبيله حاطه قيمه للمهر

يعني لازم ينكتب بورقة الملجه المهر اللي متفقه عليه القبيله

واذا اهل المعرس بيزيدون المهر ما ينكتب بالملجه

يعني احنا العوازم المهر اللي متفقه عليه القبيله 4 الاف

ومهما الواحد يكون غني ويبي يدفع اكثر ما ينكتب الا 4 الاف

وهو اذا وده المهر يزيد اللي يبيه

وبعدين الحكومه تعطي 4 الاف اشحقه ينطر العواني

 

[انصاريه قمره]

احنا عندنا ما نظلب مهر اهم ومده ايدهم احنا نشتري ريال

 

[نورعيونك]

موشرط علي حسب

 

[صمــت_ALsHfaaH]

مادري اظنها على حسب الزوج واهلها مو شرط حظر وبدوو

انا مهري 7000 وبدويه

وابوي حبيبي الله لايحرمني منه ويخليه لي عطاني 3000 < من سالج؟؟

 

[كول سلو]

رد : سؤال للحضريات وللبدويات (عن المهر) الكل يدش

انا حضريه ومهري كان 6000

بعدين موشرط حبيبتي في ناس وايد وناس عادي واحنا عادي مايهم المهر اذا الريال زين

 

[غزييل]

طبعا بالاول والاخير كل واحد ومقدرته

أنا قبيلتي محددين المهر 5000

ولكن اذا المعرس بيزيد مثل ماتفضلت اختي ام احمد ماينكتب بالملجه

وغالبا مهور قبيلتي من 5000 وفوق واكثر شي 7000 و8000

ولكن اذا اخذنا بنت من قبيله ثانيه يكون المهر 10.000 لأنها اجنبيه ( مو انجليزيه ) يعني من قبيله ثانيه

بس اشوف اللحين يعطون 9000 او 8000 للأجنبيه

 

[مطيرية والعزليه]

رد : سؤال للحضريات وللبدويات (عن المهر) الكل يدش

صح مالها علاقه بالحضر والبدو كلن وقدرته

 

[أميـِـِره]

ماادري انا اشوف على حسب ميزانية العايله يعني لو كاانوو تجار او على قد حالهم .. بس طبعا الغالب بالموضوع اللي انتي قلتيه ان القبائل مهرهم عالي شووي