سؤال للكويتات المعارضات اسقاط القروض

[ام عفاف الكويت]

الظلم انه العراق تطيح قروضهم :bbbiu:

 

[منوووورة]

راح ان شاااء الله يسقطوون القروووووض واللي مو عاااجبه يطق راسه بالتقرب طووفه عنده اااااااااف

 

[منوووورة]

بأقررب طوووفه

 

[UM M&M]

رد : سؤال للكويتات المعارضات اسقاط القروض

والله لو حادتج الظروف جان انتي اول وحده تبين اسفاط القروض
بسكم عن الحسد والكلام الزايد
البنوك فاتحه ابوابها
بس انتم مومحتاجين والله العضيم لوانتي محتاجه وماعندج احد يوقف معاج ومعاشج مومكفبج ولا عندج اب او ام يساعدون
جان شفتي نفسك مع المفاريد اللي مخذين قروض
ياختي ضروفنا مومثل ضروفج انا تدرين كان عندي بيت بس حدتني الظروف وبعته والحين عايله شكثرنا بشقه صغيره بثلاث غرف وحمامين غرفتي بس انا وزوجي معنا ثلاث من عيالنا والسبب ماعندنا افلوس ندفع اكثر عشان نسكن شقه اكبر
شتقولين انتي والله مامرت عليج الظروف اللي مرت علي ولا علي غيرمن المفترضين
حمدي ربج تراج بنعمه لا تروحين تفقديها
والله لزما العيب كان قلتلج كل الظروف بس الواحد مايبي يفضح نفسه

انا اقعد بالشارع و اكل خبز يابس مع عيالي ولا أخذ فلوس ربا


الله يغنيني بحلاله و اعيش طول عمري اكل و أوكل عيالي بالحلال
الحمد لله عالنعمة

 

[aṕriliå]

رد : رد: رد : سؤال للكويتات المعارضات اسقاط القروض

والله لو حادتج الظروف جان انتي اول وحده تبين اسفاط القروض
بسكم عن الحسد والكلام الزايد
البنوك فاتحه ابوابها
بس انتم مومحتاجين والله العضيم لوانتي محتاجه وماعندج احد يوقف معاج ومعاشج مومكفبج ولا عندج اب او ام يساعدون
جان شفتي نفسك مع المفاريد اللي مخذين قروض
ياختي ضروفنا مومثل ضروفج انا تدرين كان عندي بيت بس حدتني الظروف وبعته والحين عايله شكثرنا بشقه صغيره بثلاث غرف وحمامين غرفتي بس انا وزوجي معنا ثلاث من عيالنا والسبب ماعندنا افلوس ندفع اكثر عشان نسكن شقه اكبر
شتقولين انتي والله مامرت عليج الظروف اللي مرت علي ولا علي غيرمن المفترضين
حمدي ربج تراج بنعمه لا تروحين تفقديها
والله لزما العيب كان قلتلج كل الظروف بس الواحد مايبي يفضح نفسه

:yaaaaaarb:
:yaaaaaarb:
:yaaaaaarb:


الله يفرجهاااااا عليكم ويغنيكم من فضله

 

[Čut!e Quèéи]

رد : سؤال للكويتات المعارضات اسقاط القروض

انا مع اسقاط الفوائد الربوية وتثبيت نسبه معينه للفوائد والي يتعداها من البنوك يدخل في احكام قضائيه

لان اذا اسقطت القروض الحين وباجر لا سمح الله صار شي قوي يجبرج تاخذين قرض حق علاج او فديه لاسمح الله

بتردين تاخذين قرض وينكسر ظهرج من الفوائد ؟؟؟

ترى نص الكويتيين خلصت قروضهم من زمان بس للحين يدفعون قيمة الفوائد لي 10 سنوات جدام

الي خذا قرض مو عيزان يسدده بس تعب واهو يسدد الفوائد


واكييييييييد ضد اسقاط ديون العراق اهدمو ديرتنا ومايعوضونا ؟ غصبا عنهم

 

[+بسبوسة+]

رد: رد : سؤال للكويتات المعارضات اسقاط القروض

ضد اسقاط القروض حق العراق و الكويتيين


حلوة هاذي تاخذون قرض بو 70 و 50 ألف و تستانسون و تالي يطيحون باردة مبردة ...


اللحين مو عطوكم 1000 بدال لا تقطونها على خرابيط سسدودوا ديونكم ...



لاحول ولاقوة إلا بالله
شعب مايعرف يحمد ربه كل ماعطوه قال هل من مزيد ... خافوا الله لا يخفس فيكم ...

:eh_s(14):

هرانية وأفتخر​

صح لسانج...

وهم شنو ذنب الي حاكرين نفسهم بشقة ولا شروا بيت خافوا من القروض؟؟
وترى في ناس شروا بالقروض عمارات تدخل ذهب ولا سددوا القرض ينطرون الحكومة
وشذنب الي تسلف 10 آلاف من عمه ولا واحد يعرفه مايطيح عنه القرض!!


هذي مواطنه واحنا كلنا متساويين......

المفروض مثلا تطالبون اب 5 آلاف لكل مواطن لا يستلمها نقدا..
تسقط عن الدين...
او اذا لم يكن من اصحاب الديون يستلمها نقدا...

بس وربي ماراح ترضون بتحسدون الي ماعندهم قرض وتقولون نبي كاش

 

[ألمـاااس]

رد : سؤال للكويتات المعارضات اسقاط القروض

شكو يطيحون الديون عن العراق؟؟؟؟؟؟


قهرررررررررر والله

 

[ألمـاااس]

رد : سؤال للكويتات المعارضات اسقاط القروض

بالنسبه للقروض عن الكويتتيين انا اقول يعطون كل اسره مبلغ محترم وبجذيه تتحقق المساواه

 

[ام ريتاج.]

رد : سؤال للكويتات المعارضات اسقاط القروض

انامع اسقاط القروض للكوتين فقط اما العراقين لا مايبين بعيونهم لو شو ماسوينا:rgewrg:

 

[مسك81]

حب لاخيك ماتحبه لنفسك

اشدعوه عليكم حاسدين بعض علشان قرض

 

[Smetk 3'lay]

لاحول ولاقوة الا بالله

 

[الجفووول]

بنات هدوا اذا اميرنا يبي يسقط القروض

فهذي مكرمه منه


خلوا الناس تعيش وربي اعرف ناس 10 سنين يسددون فوائد وباجيلهم 15 سنه يالله يسكر الدين

الحين في شباب ياخذون قروض عشان يستانسون وسفر وسيارات وخرابيط وعقب مايتزوج مرته وعياله ياكلونها نص المعاش مقصص ولامصرف سنع ولا يقدر يعيشهم هذيل شذنبهم حرام بغلطه ابوهم !!

 

[هدوء العالم]

رد : سؤال للكويتات المعارضات اسقاط القروض

بصراحة خواتي لا تزعلون

مني ولا من بعض لأن محد سامعكم

وخلونا نستانس ونرتاح إنا بالكويت إلي مالها مثيل

شفتوا حاكم يهدي مواطنينها 1000 دينار حتى إلي عمره شهر له 1000 ماشاءالله وتبارك الرحمن

الحمدالله خير وجانا من غير تدخل أحد خير من الله سبحانه وتعالى والشيخ صباح الله يطول بعمره

وكل دول العالم مواطنينها مقترضين ولا سمعنا أحد مواطنينها ولا برلمانهم يطالب بإسقاط القروض إلا بالكويت

فــ خلو كلام النواب إلي يشيشونكم ويخلون بعيونكم الفقر الله لا يحوشكم الفقر

إلي حتى يشجعون المواطنين على المظاهرات كأنا ما عندنا خير

وصج مثل ما قال شيخنا الفاضل نبيل العوضي

عين بني أدم ما تحمد ربها

بني أدم لو عنده مزرعة من الذهب بدل ما يحمد ربه يقول ياليت عندي غيرها

هذي إلي سمعتها من برنامج شيخنا الفاضل

 

[Miss Cherry]

ويييييه كتبت رد شطوله راااااح :eh_s(16):

انا ضد اسقاط القروض عشان جذي ابي ارد

اولاً ردًا على سؤالج لا انا ضد اسقاط القروض كلها

شوفي حبوبه اللي خذا قرض فهو خذاه بكامل قواه العقليه ويدري انه مجبور وملزوم يرجع الفلوس او لو انه مو قادر لا ياخذه .. لو نفرض جدلا ً انه اقروا اقتراح اسقاط القروض وراحت قروض المواطنين كلها .. تتوقعين بيتوبون ؟ بتصير كل سنتين او ثلاثه بيطلعون بنفس الاسطوانه يبون الدولة تسدد قروضهم

الحين نشوف ناس على الله ثم على المعاش ويشتكون الفقر وكل عطلة مسافرين وسياراتهم اخر موديل وبيوت وخير واثاث من احسن مايكون كلها قروض وديون وعمات عين ليش شنو اللي حادهم ويبون الدولة تدفع عنهم .. حبيبتي هذا اقتصاد بلد وهالناس المرضى اللي عبالهم خير الكويت سبيل كل من له حق ياخذ منه حصه قبل يخلص المفروض يتعالجون من مرض الاسراف اللي فيهم .. كلن يمد رجوله على قد لحافه هذا حنا نلبس ونسافر ونطلع ونجي على قدنا

وإذا تقولين فيه ناس ( مواطنين ) مساكين محتاجين .. اللجان الخيرية موجودة والشئوون والحمدلله حكومتنا ماتقصر ماخلت كويتي محتاج .. إما اذا هالمتحاجين مو كويتين فحنا مو ملزومين نصرف عليهم يروحون ديارهم يشوفون يقدرون يعيشون هناك مثل هالعيشه


انا مع اسقاط الفوائد وضد اسقاط القروض
بالاخير انا هذا رايي بس مو بيدي شي عشان محد يحقد علي واذا اسقطوا القروض اقول عليكم بالعافية بعدها انا باخذ قرض وبعد ما اصرفه واستانس بسوي مظاهره سلميه اسقطوا قروضنا وين العدل

 

[miss.eng]

انا علي قرض بس انا ضد اسقاط القروووووووض :eh_s(1): اخذته عن الحاجه اوكي بس غيري اخذ قرض قيمته 70 الف وعمره 23 ومومتزوج اخذه حق الخرابيط والفشخره شلون يسقط القرض عن هالشخص واهوا ناوي ياخذ قرض ثاني لي طيحوا القرض! هذا موعدل شخص ماعنده مسؤوليات واشكره يفتخر بسواد ويهه يكافؤونه باسقاط قرضه خيتحمل شوي بدل الترف والدلع الي اهو فيه :eh_s(14):

 

[جزيرة قاروه]

رد : رد: رد : سؤال للكويتات المعارضات اسقاط القروض

صح لسانج...

وهم شنو ذنب الي حاكرين نفسهم بشقة ولا شروا بيت خافوا من القروض؟؟
وترى في ناس شروا بالقروض عمارات تدخل ذهب ولا سددوا القرض ينطرون الحكومة
وشذنب الي تسلف 10 آلاف من عمه ولا واحد يعرفه مايطيح عنه القرض!!


هذي مواطنه واحنا كلنا متساويين......

المفروض مثلا تطالبون اب 5 آلاف لكل مواطن لا يستلمها نقدا..
تسقط عن الدين...
او اذا لم يكن من اصحاب الديون يستلمها نقدا...

بس وربي ماراح ترضون بتحسدون الي ماعندهم قرض وتقولون نبي كاش

صح لسانج والله:eh_s(15)::eh_s(9):

 

[dnyay_mll]

رد : سؤال للكويتات المعارضات اسقاط القروض

بنات هذا مو حســـد شكو حسـد والله العظيم انا علي قـرض بعد يعني اذا طاحت القروض برتااااااح
بس ليــــش انا لما خذيته محد طقني على ايدي ولاحد جبرنـي وكنت عارفـه ان معاشي بيتقصص
احنـا مانتدخل برغبة الاميـر لو الاميـر الله يطول بعمره طيح القروض مانناقشـه
بس هذي رغبة النـواب والشعب بس الامير وضح هالشغله بمقابلته مع الجاسم
يقدر يطيح عنا القروض
لكن عيالنا وعيال عيالنا شنخلي لهم ؟
حتى لوعندنا نقط ومكفينا لكن ماتدرون شيسير بالدنيـا
خافـو على مستقبل عيالكم شلون بيعيشون ؟
احنـا خذينا حقنـا
لازم نأمن مستقبلهم اهم
خذينا قروض لازم نتحمل
انا مع اسقاط الفوائد اللي قاصه ظهور الناس بس القروض كلها لا

 

[رايقة1980]

واللي مضايق نفسه وعايش على قد معاشه ماخذا قرض


شنو ذنبه؟؟؟؟؟؟؟؟؟؟؟؟؟؟؟؟؟؟؟

 

[++The DuchesS++]

انا علي قرض وبكامل ارادتي خذيته مافي احد جبرني
في ناس تاخذ قروض لشي ضروري لعلاج او دين
وفي ناس فشخرررررررررررره وسفر ولعب
حرام الكل يتساوى ويطيحون القروض موليه
انا مع اسقاط الفوايد لانها ربا
ولمن خذيت قرض كنت اجهل بصراحه اثم الربا
والحين لو يرجع الزمن ورا ما اخذ قرض لو شنو عشان هالربا اللي حطيته على ظهري

انا ضد اسقاط قروض العراق
بس ترا هذي علاقات دوليه بين دوله ودوله واهم ادرا بالهشي