سؤال للمنقبات فقط

[ام عبدالرحمن المرى]

اما والله رايحه للالمانيا وبلجيكا وفرنسا وفينا وايطاليا وهولندا والله ماقطيت نقابى والله وستانس ولا حسيت انى مضايقه عادى الاجانب ما همهم والا ستغربوا

 

[فنـــــر]

لا والله عسانى ما اقطه
انا لابسته لرضى ربى مو رضى للنااس واى ناااس كفره ويستحقرونا
والله كنت لما امشى فى فرنسا كانو لما يشوفونى خصوصا عجايزهم كانو يضايقونى ويسفلوون بالفرنسى ويعقدون حجااانهم بس اقول فى قلبى باجر تحترقون فى نار جهنم ..............
الحمدلله لابسه برضا واقتناع ربنا بكل مكان مو بس بالكوييييييييييت ....

 

[فطفط نجد]

نهي بابا انا مااااااافي قط نقااااب مال انااااا عشاااان في مشكل اخو ماااااال انا قرقر وااااجد
ونفراااااات واااااجد عيوووون وانا واجد هلو[حلو].........شنو انا يسوي؟؟؟؟؟؟؟

 

[النور الهادي]

فيكم الخير

وحياكــــــــــــــــــــم اللـــــــــــــــــه:ggdw:

 

[حـوريه]

انا بصراحه قطيته بفرنساا ......... ولتزمت بالحجاب من غير مكياج والعباة ... وكان شعور غير

اما بسفرتي العام لجنيف لا والله استمريت لابسته

 

[ورده وزهره]

انا كنت بامريكا اكثر من سنه في روشستر على عبايتي ونقابي وعاااااااااااادي .. بس لما رحت اووورلاندو الله وكيلج شوفي النطرات والله يلصقوون بعيوووووني بلاك ايز بلاك ايز حتى زوووجي تضايق مع ان عيوووني مو بينه حيل ولا حاطه مكياج ولا شي .. بس يوم قطيت النقاب ارتحت ولا قامو يخزوون ويوم رديت روشستر لبسته .... يعني الزبده على حسب المكان اذا تحسين المكان يضرج اذا انتي لابسته قطيه و ان شالله الوجه حلال اذا مافيه مكياج .

 

[كويتيه 2008]

اللي لابس النقاب بقناعه مستحيل تقطه في الخليج او اي دول ثانيه

 

[**أم السنع**]

لا والله ما اقطة لو شنو بالعكس واروح بعباتي الراس والله كنت احس اني كائن غريب لا والاستغراب الاكبر اذا سمعوني اتكلم انجليزي والحمدلله اتكلم بطلاقة اطقهم البوهه علبالهم ان النقاب يعني تخلف وشوفي اشكالهم اذا شافوج بفنادق غالية والله ما عليج منهم اشوف اهم ما يستحون من لبسهم العريان ليش احنا نستحي لا والله اوريهم الاسلام والمسلمين

 

[Eva-SS]

ما قطيته رحت اوروبا

لندن وهولندا وفرنسا وتركيا كلها بنقابي ونفس لبسي ما غيرته .. والدول العربية بعد نفس الشي

 

[سنبلة]

لا مستحيل اقطه انا لابسته علشان الستر وماافكر اني اقطه سواء بالخليج والا بره

 

[غدا أجمل]

ما قطيتة ولا مرة وما أتخيل نفسي أقطة في يوم سواء دولة عربية او غير عربية والله الهادي

 

[@@ Strawberry @@]

أاأأأأأأكيــــــــــــــــــــد ماأقطه لأن الله سبحانه موجود بكل مكان وأنا لبسته بإقتناع وللستر ومدام لبسته مستحيل أقطه ومستحيل اغضب ربي ؛؛؛؛

 

[غربــــة اِحساس]

شوفي حبوبة اذا لابسته كعادة او مجبورة عليه متوقع انها تقطه

اما اذا لابسته لله ومعتبرته عبادة خالصة لوجهه الكريم لو على قص رقبتها ماتقطه

الحمد لله نطلع ونسافر وعلينا عبينا ونقاباتنا يارب تممها من نعمة وستر : )

 

[اخت فروحه]

اذا بتسافرين وتستانسين روحي الدول العربية او ماليزيا النقاب عادي عندهم


اوروبا راح ايضايقونج بالخز حاولي ماتروحين

 

[خشف الشمال]

بس للأسف اشوف بعض المنقبات بالمطاعم ينزلون نقاباتهم جدام العالم وياكلون ..

وهذا انا شفته هالسنه في تركيا خبركم مافية بارتشن ..


وحده لابسة نقاب ويوم حطو الأكل قطت نقابها حتى اخوي استحا وغير مكانه..

والله عيب اشكرة جدام العالم ..

وحتى بالكويت بعض المنقبات بالمطعم يقطون نقابهم ..

وبعض البنات لابسة نقاب وتارسة عيونها كحل هذا مادري شنو يسمونه من نقاب قمة التناقض..

قلت البعض مو الاكل ..

وفية بعض المنقبات ماشاء الله تبارك الله تحسين صج انسانه محترمه لو تكون بروحها بين مية ريال حافظة نفسها وخايفة ربها..


وشكرا...




الوحدة إذا لابسة نقاب لازم تحترم هالنقاب ..

 

[ورده بنفسجيه]

اشكثر احن على زوجي ابي اروح تايلند قالي تقطين النقاب عشان اهناك اذا عرفوا انج عربيه او خليجيه بالذات


يزيدون علينا دبل قلت ما اقطه بالعنه تلعنهموفي هناك خليجيات يلبسون كمام بدل النقاب يقولون ما شفت

 

[dalprincess]

انا مو منقبه ... بس في دول ينفع لها النقاب وفي دول لا ... يعني امريكا كلللللللللش ماينفع فيها نقاب .. الحجاب ويخزون جنه بايفين حلالهم فمابالج النقاب .. واوربا اكثر الدول عادي فيها منقبات انا اشووف وخصوصا لندن واايد اشووف فيها ... والدول الباجي عادي النقاب بس اذا تقدرين لاتروحين امريكا عشان لحد يضايقج وتخترب سفرتج

 

[تــوتــه]

اكييييييييييد ما اقطه

ليش انا لابسته بس عشان الخليجيين وبرى الخليج عادي !!!

الواحد دام لابس الشغله باقتناع المفروض ما يقطه حتى لو كانت الظروف السياسيه صعبه انا مو مجبوره اروح هناك

وجهة نظر

 

[eng.jacvara]

الصراحه انا مو متنقبه ولا بتنقب بس شفت الموضوع وقلت بدش اشوف شالسالفه
ماشالله عليكم ملتزمين بنقابكم والله يثبتكم وانا عن نفسي لما اسافر واشوف بنات منقبات مو قاطيين نقابهم استانس واقول الله يثبتهم وهذيل صج متدينين اهني ولا هناك نفس الشي والا عندنا بالكويت رياييل واهناك مو رياييل؟
الله يثبتكم ويستر عليكم اكثر واكثر

 

[chakletaA]

تبي الصراحه انا دابله كبدي منه وما احبه
بس عاادات جتمعيه اقطه ليش