سؤال للي تشتغل بالستراس

[الزين يفرض نفسه]

سلام بنات مبدعات يعطيكم العافيه


بغيت اسأل اذا انا عندي رسمه او نقشه وبسويها على ستراس على خام مثلا T-Shirtاو شيله ...

شلون الطريقه ؟؟؟

انا سمعت عن كربون وورق شفاف بس مادري شلون بالضبط وسمعت عن شي اسمه الجلاد الحراري او شي جذي شلون يستعملونه ؟؟؟؟؟؟

ياريت اللي تعرف ما تبخل علينا وياريت اذا في قسم ثاني البنات يساعدوني اكثر بشوف بسألهم بعد ......

ابي شي يكون دقييييق ومرتب يعني الشغل يكون جنه جاهز

 

[Stylist]

,والله انا مثلج سمعت عنه بس ماشفته يقولون في ورق فاضي وانتي تسوين عليه رسمه وبعدين تطبيعنه احس يتعب

انا شايفه عند االكلف رسمات جاهزه في الوان وفي لون واحد تحطينه عالتي شيرت وبلأوتي يتثبت

 

[طير الحب]

صح انا سامعه بعد الرسمات الجاهره اللى تطلبينها واهم اللى عندهم يحطونه لج

 

[أم البنين]

هلا خواتي انا اشتغلت بالستراس

انا رحت وشفت ان في رسمات جاهزة بس وايد غالي وما يسوى
المهم انا بقولكم شنو سويت
نفس ما قلتوا شريت الجلاد الحراري تحطينه على النقشة اللي تبينها
وتثبتين اطرافها احسن عشان لا يتحرك
المهم اشتري ملقط احسن مال الستراس عشان تحطين وحدة وحدة
وتحطينهم بالمقلوب ما ادري اذا فهمتوا علي والا لا علشان بعدين لمن تشيلون الجلاد
وتلزقونه على الشيلة او التي شيرت يطلع شكله عدل وبعدها تيبين قطعة خام
ما تبينها وتحطينها على الرسمه ومشي الاوتي على الرسمه لمن تتاكدين انهم لزقوا
واذا كان على اطراف الشيلة انا شريت من بدور الله يحفظها الجهاز بس باقي اركب الاطراف وانشالله اذا خلصتها راح اعرضها لكم

 

[الزين يفرض نفسه]

واااي ام البنين <<< حلو اسمج

مشكوره على المساعده بس بسألج

الحين لمن تحطين الجلاد على النقشه يكون شفاف وتبين النقشه وتالي احط عليها الستراس؟؟؟

لمن تقولين تحطين الستراس مقلوب يعني الحبه نفسها صوب الصمغ تكون لي فوق وصوب اللي تلمع يكون لي تحت صح ولا لا ؟؟؟؟؟


بيييييه اذا جذي يبيله دقه متناهيه عشان يطلع مرتب عبااااله شكله صح ؟! !!!!!

 

[الزين يفرض نفسه]

اي وبانتظار شيلتج بشوف الشغل


ومشكوره حبيبتي

 

[الرهف]

يا حياتي في مجال تحطون الطريقة بالصور علشان نستفيد

 

[زهور الجمان]

اشلون الطريقه با ام البنين

 

[فاطمة82]

وين ينباع هذا الجلاد الحراري نحصله بمحل كلف عادي؟

 

[أم البنين]

واااي ام البنين <<< حلو اسمج

مشكوره على المساعده بس بسألج

الحين لمن تحطين الجلاد على النقشه يكون شفاف وتبين النقشه وتالي احط عليها الستراس؟؟؟

لمن تقولين تحطين الستراس مقلوب يعني الحبه نفسها صوب الصمغ تكون لي فوق وصوب اللي تلمع يكون لي تحت صح ولا لا ؟؟؟؟؟


بيييييه اذا جذي يبيله دقه متناهيه عشان يطلع مرتب عبااااله شكله صح ؟! !!!!!

اللله يسلمج حبيبتي وعيونج الحلوة

صح نفس ما قلتي تفتحين الجلاد وتحطينه بالملقلوب على النقشة يعني مو تلزقينه على النقشة
لا طبعا تقلبين الجلاد وثبتيه على الاطراف عشان ما يتحرك الجلاد عن النقشة
وبالملقط اخذي وحدة وحدة واللمعه تحت والصمغ فوق نفس ما قلتي علشان من تخلصين النقشة
راح تشيلين الجلاد وتحطينه على الشيله وبعدين بالاوتي مشي عليه لمن تتاكدين انهم كلهم لزقوا
وانا حاظر باي سؤال المهم انا سويت شيله وخلصتها انشالله راح اصورها واحطها لكم
واذا اشتغلت بشيله يديده راح احط الصور احسن

وسلامتج

 

[أم البنين]

وين ينباع هذا الجلاد الحراري نحصله بمحل كلف عادي؟

اي اختي نفس ما قلتي انا شريته من بلوكات بس اعتقد بكل كلف يبيعونه لان مرغوب الحين وايد

 

[الشيهانة]

مشكورين جميعا على المعلومه وخصوصا ام البنين الله يخليهم لج

 

[الاسطورية]

اي يون ينباع الجلاد؟

 

[أم البنين]

مشكورين جميعا على المعلومه وخصوصا ام البنين الله يخليهم لج

العفو حياتي
والله يسلمج من الشر

 

[أم البنين]

اي يون ينباع الجلاد؟

بالكلف انا شريته من بلوكات