سؤال للي مسافرة ماليزيا او تايلند او المالديف

[بنت ناس وقلبها الماس]

جم تكلف؟؟؟؟؟؟
هذي معلومات عشان اللي لها خبرة تقدر تقدر لي التكلفة
حق زوجين
التذاكر+الفندق نظيف+المصروف+التاكسي
الصوغة وايد للاهل
والتسوق لنفسي وسط الاشياء الحلوة اللي مو عندنا

 

[احلى من الحلى]

ماليزيا كلفتنى كل شى تذكر واقامه وسوق وصوغه وكان بعد ولدى معاى وتكاسى كل شى كل شى 2300

بس اقولج كنت امدلعه نفسى اخر دلع وماخليت شى بخاطر

 

[منووور]

السلام عليكم

انا توني راده اليوم من ماليزيا والمالديف

ماليزيا كلها تنزيلات هالايام وزينه اسعارها كنت امشي واشتري حيل حلوه عروض تنزيلاتهم بس المالديف مافيها لا سوق ولا شي بس الفندق بجزيره بروحه وحيل حيل حيل يجنن بس الجزيره غاليه من ناحيه الاكل او المساج والسبا والسوالف هذي بس بصراحه تستاهل اللي يقط عليها فلوووووس مكان نظيف وخدمه ممتازه واكل نظيف وحلال واي استفسار انا حاضره اختي

 

[إستبرق]

شوفي تايلند ما اقدر اعطيج المبلغ لاني لعبت لعبت لعبت بالثلاث ولما نقول الميزانيه الي قطيناها لاي احد ينصدم يقول انتوا وين رايحين وعرفت هالشي زياده لما سافرت شهر 10 ماليزيا
لان ماليزيا اغلى من تايلند وقعدت فيها 15 يوم ورحت جزيرتين وكوالا وجنتنق وافاموزا وتسوق عدل عدل والفنادق 5 نجوم بس واحد 4 نجوم حجزتهم من النت كلفتنا انا وزوجي 1800
وتايلند ارخص من ماليزيا وانا حتى خذيت صوايغ وايد

 

[((الزيــــن))]

انا تايلند مع ريلي مع كل شي ذكرتيه 10 ايام
كلفتت 2000 دينار وتسوقت وصوايغ وكل شي ..

 

[kandora]

توني يايه من تايلند وماليزيا بس بصراحه صرفنا فوق ال3000 دينااار لان مو بس انا اتسوق حتى اهوا لوووول وكنا نشتري ماركات وحتى السكن كان فايف ستار ... بس بصراحه حيل استانسنا غسلنا جبدنا وردينا

 

[بنت ناس وقلبها الماس]

الله يهنيكم
مشكورين عالافادة
تعرفون الواحد لازم يحسب حسابه عشان يعرف
وانتو ما قصرتوا
تسلممون

 

[أم حسون]

والله انا وريلي ماليزيا كلفتنا 1850 كل شيييييي تذاكر روحه ورده وتذاكر داخليه تكاسي مكالمات رحلات مطاعم تسوق صوايغ رحلات كل شي تهبل ماليزيا

 

[monmoon85]

جان زين تعطوني الفنادق السنعه بمالزيا ابي احجزها عن طريق الانترنت ابي احسن موقع

 

[kandora]

حبيبتي سكني بالماريوووت تحتج مجمع بعد والفندق ايننننننن وجدامج على طول مجمع بافيلون مو طبيعي تخطرين له بشارع

 

[منووور]

بالنسبه لماليزيا

الملينيوم حلووو توني سكنته

انا سكنت قبل 3 سنين بالماريوت بعد حلووووو والاحلى انهم كلهم بشارع العرب والسوووووق حوالينج

 

[zgrteyaa7de]

انا رحت مع اهلي قبل سنتين تايلند 12 يوم صرفنا 3 الاف يعني اكيد اذا انتي وزوجج اقل من 3 الاف