سؤال محيرني: ليش الثقيلة حظها واقف و الخفيفة قايم حظها ؟!!

[ضايعة بدنيتي]

والله بصراااحة انا هالشي ملاحظته .. البنات راعيين االسوالف حظهم احسن منه مافيه .. والبنت الي صاينة نفسها وماعندها خرابيط واقف حظها .شوف عيني . سبحان الله كل شي نصيب مكتوب فوق الجبين .. مانقدر نقول الا الحمدلله على كل حال . وكل يجي من ربنا خير وصلاح لنا .. وان كنا صاينين نفسنا مو للناس الا لربنا اول وبعدين لنفسنا واهلنا . والحمدلله على كل حال.

 

[روح مغليهآ]

رد : سؤال محيرني: ليش الثقيلة حظها واقف و الخفيفة قايم حظها ؟!!

لا اله الا الله
يعني تزوجت مهندس مو شرط يعاملها زين ومرتاحه
بعدين ذكروا ماحد ياخذ غير نصيبه

 

[tulip]

رد : سؤال محيرني: ليش الثقيلة حظها واقف و الخفيفة قايم حظها ؟!!

اهي وقفت على هذي بس

يبا الحين الحلوه والجميله تلاقين حظها واقف

والجكر والعاديه اهما الي ماشي سوقهم ؟

مساله مساله حظ

الله كريم كل من ورزقه

 

[sweet-ss]

رد: رد : سؤال محيرني: ليش الثقيلة حظها واقف و الخفيفة قايم حظها ؟!!

كل واحد ياخذ نصيبه
مافي احد نصيبه يروح منه
الله يرزقنا على قد نيتنا
حتى النمله سبحان الله بقصه سيدنا سليمان عليه السلام
النمله رزقها موجود
وعلى قولت المثل لو تركض ركض الوحوووش غير رزقك ماتحوووش

 

[Stylista_Q8]

عادي في زواج عن حب وفي زواج تقليدي مو شرط ...

يعني اللي كلمها يمكن عجبته وشافها اهيا اللي تناسبه كزوجة وحبها مو عيب ... عادي اهم شي كانت نيتهم شرييفه ..وتزوجو ...


والعكس بعد في بنات تزوجو زواج تقليدي وقايم حظهم مافيها شي يعني مو مقياااس هذا ...

وكل وحده وشخصيتها ... واللي الله كاتبه بيصير ... والنصيب بيد الله سبحانه ...

Ma3aha

w el Mas'ala Mas'alat Qesma w Na9eeb

w Allah yarzgch belrayal e9al7 enshallah ..

 

[مشتاقه لك يبا]

رد : سؤال محيرني: ليش الثقيلة حظها واقف و الخفيفة قايم حظها ؟!!

كلامج صح اختي بس بالنهاايه هذي ارزاااق بايد رب العالمييييييييين

 

[مرافئ الذكريات]

رد : سؤال محيرني: ليش الثقيلة حظها واقف و الخفيفة قايم حظها ؟!!

نصيـــــــــــــــــــب

 

[نور مغليها]

رد : سؤال محيرني: ليش الثقيلة حظها واقف و الخفيفة قايم حظها ؟!!

تصدقين عاد .. أخو رفيجتي متزوج وزوجتهـ ملكة جمااال عندها عيال لو تشوفينها تحلفين ماعندهاا عيال من الضعف والرشااقهـ ومهتمه بنفسهاا وبـ بيتها وعيالها يعني سنعهـ مسسسنعهـ ...
بالاخير زوجها حب وحده وتزوج عليهاا .. طبعآآآ متعرف عليها من النت والبنت اصغيرهـ واهوا عمرهـ بالثلاثييين تقريبـآ
وررربج قعدت عندهـ اسبوووووع وآآآحد بس ما زاادت عليهـ بيـوووم ...
اسبووع وطلقها ..


يعني مو شرط مو كل الازواج بعدين الي تتزوج واحد من النت مستحيل تستمر علاقتهم لأن ماكوو ثقهـ بينهم

 

[زامليه وافتخر]

اى والله ...

كلامج على الجرح..

بس ربج كريم ..

 

[رهيبة قطر]

مب شرط كل شي نصيب

متى ما ربي كتب للوحده تتزوج بتتزوج صايعه كانت ولا ملتزمه

وبعدين حتى لو مزيون دكتور وولد عايله مب معناته انه خوش صبي وبتكون سعيده معاه

اهم شي تكون خايفه ربها عشان ربي يوفقها

 

[مريوومه12]

والله شي نشوووفه بعيووننا
بس الحمدلله كل شي قسمه ونصيييب والله مكتوب بنشووفه

 

[عيون منوعه]

مممم


لأن يشوفون البنت الثقيله بنت معقده و ماعندها سالفه

و هذا غلط أكيد لكن ما أدري ليش نظرة مجتمعنا الحاليه جذي :\

 

[Madmoiselle]

حتى آنا ملاحظه
نصيب سبحان الله​

 

[M!Ss Smart]

اختي صايعه ولا مؤدبه المساله مساله نصيب كلن نصيبه على الله

وانا معاج انا المنحرفات حظهم قايم لوووووول مادري ليش

 

[ماريا ابنة الحي]

اولن هاذا النصيب وهاذا اللي الله كاتبه ثاني شي
انا صاينة نفسي حق نفسي عشان لما اطالع روحي بالمنظرة احس شكثر انا غالية واكون فخورة انتي ما استرخصت بنفسي
وانا صاينة نفسي عشان اللي خلقني ورضاه علي
انا صاينة نفسي عشان ابوي وامي اللي وثقوا فيني وربوني احسن تربية وراهنو علي
الزينة زينة حق نفسها مو عشان الزواج بالنهاية الموضوع نصيب

والريال اللي يرضى ياخذ وحدة جذي مابييه اقعد ببيت اهلي احسن

معاها


وبعدين كل هذا نصيب

الله يؤتي الملك من يشاء وينزع الملك ممن يشاء ويعز من يشاء ويذل من يشاء
بيده االخير كله

ربج موزع الارزاق

والي مؤمنه ومانكتب لها نصيب هذا اختبار من رب العالمين
ياتنجح فيه ياترسب


الله يرزق بنات الحلال بالزوج الصالح المصلح مخموم القلب ويرزقهم بالذريه الصالحه
قووووووووووولووووووووووووو امين