سؤال من طالبة الى معلمة انجليزي

[Terrific_face]

hello :eh_s(8):

في سؤال محيرني

بخصوص حرف الـــc

متى انطقه k

مثل : car Curious case

ومتى انطقه s
مثل : cell Success

 

[Terrific_face]

up
up
شدعوه :eh_s(2):ولا رد

 

[الأميرة جوري]

لرفع

 

[Turquoiseya]

هاي حبوبة
في قاعدتين عامات تطبق على حرف c:

القاعده الاولى: c تنطق k اذا صادف وراها حرف ساكن او حروف هذي: a, u ,o
القاعدة الثانية : c تنطق سي اذا كان وراها e, i , y

success
الحمراء كان وراها حرف ساكن فتنطق ك
اما الزرقاء جا وراها حرف e فتنطق سي

احيانا في حالات شاذة وتقريبا مو واجد بالانجليزي انه حرف سي ينطق ك اذا كان وراه واحد من الحروف اللي كتبتها بالقاعدة الثانية نفس كلمة soccer تنطق مثل سوكر مع انه وراها e
وهذا معناته انه مالج غنا عن القاموس الناطق للتاكد من النطق الصحيح

 

[Terrific_face]

thank you very much :eh_s(7):

 

[Turquoiseya]

anytime sweety

 

["." simba]

مشكورة وايد تركوازية انا بعد هالسؤال كان محييرني وايد

و انا في سؤال ثاني محيرني بس مستحيه اسأله ممكن تجاوبين علي اذا سمحتي

ليش اسيا و اندونيسيا و ماليزيا ننطقهم اجيا و اندونيجا و ماليجا

هل لان ورارهم a و i. و كل الكلمات الي فيها s و وراها i و a ننطقهم جذي و لا بس الدول *

 

[Turquoiseya]

q8ya samra

سؤالج هذا عبارة عن قاعدة ثانية تطبق على جميع الكلمات تقريبا معاهم اسماء الدول اذا شفتي s+ ia او s+io
s تنطق ج خفيفة نفس نطق اهل الشام لحرف الجيم اذا جا وراها اصوات مركبة يعني حرفين علة مدموجين ويعطون صوت ثاني

منها ia , وعندج بعد io
مثل asia و television

وللمعلومة انا ماتعلمت اي قواعد خاصة بالنطق 00 هالاشياء تعلمتها من كثر الاستماع والقراءة والملاحظة على النطق

واي سؤال عندج حبوبة
اسأليني 00 ترى استانس على هالاسئلة

 

["." simba]

وي مشكورة اخيراا لقيت أحد أسئله و ويجاوبني لأنه قبل سنه يتلنا ابله انجليزي و ما تنطق بعض الكلمات عدل فصرت استحي اكلم احد بالانجليزي

حتى بالحصة أتكلم عربي وما أتكلم انجليزي

و أي انا بعد عندي مشكله ثانيه

انا السبلينغ مالي حده تعبان شنو أيها الطريقه اللي اقدر أتعلم فيها السبلينغ بسرعه و تركز بمخي عدل *

 

[Turquoiseya]

الاملاء وكثرة الكتابة والقراءة تخليج اتركزين على شكل الكلمة وتحفظينها ذاتيا
لدرجة ان ممكن تكتبين كلمة جديدة وطويلة عريضة صح بسبب القراءة وممارسة الكتابة
في كتاب عندي حلو عن السبيلينغ توني شاريته عشان انمي لغتي اللي ضاعت مع التدريس بس حاليا ما اقدر اطلعه من غرفة عيالي لانهم نايمين
اذا قاموا بكتبه لج وترى شاريته من مكتبة جرير


خوش ابلة سهرانة

 

["." simba]

لووول جنج تقرين أفكاري توني كنت قاعده اقول شلون ابله و تسهر

امبي وايد وايد مشكورة تركوازيه لأني لو كتبت كلمه شكر لج بالجريده ماراح اقدر اوفي ب حقج و أكيد الاشياء اللي قلتي عنها راح تركز بمخي لأني

تعلمتها بطريقه ممتعه و راح و تنفعني ب تطوير لغتي

و بليز بليز لما يقعدون عيالج الله يحفظهم لج إنشالله مو تنسين تقوليلي عن اسم الكتاب *

 

[Turquoiseya]

:dddds:

ان شالله باكتبه لج
واذا عندج :080402ask_prv: راح اساعدج باذن الله بليز لاتترددين كلش
واهم شيء انج استانستي على طريقة الشرح

وماله داعي لهالشكر الكبــــــــــــــــــــــيــــــــــــــــــــــــــر
احرجتيني يا قلبي
وحياج وحيا كل البنات :aha:

 

["." simba]

^^^^^^^
آفا عليج اي سؤال راح يدور ب مخي راح اسدحه لج هني اصلا لا توصين حريص

 

[سكارلت]

انا السبلينغ مالي حده تعبان شنو أيها الطريقه اللي اقدر أتعلم فيها السبلينغ بسرعه و تركز بمخي عدل *

عندج هالموقع حلوووووو صج انه حق جهال بس المهم انه حلو ومفيد:eh_s(15):

http://www.kidsspell.com/

وفي طريقة حلوة عشان تحسين مهارة الآملاء وهي :

اولاً تلقين نظرة عالكلمة تخزينها خززززز
ثانياً تبحثين عن معناها بالقاموس بنفسج ولا تاخذين المعنى جاهز من أحد!
ثالثاً تخزينها مرة اخرى الى ان تصبح مألوفه لج
رابعاً اذا كانت كلمة طويلة جزئيها وقسميها الى وحدات صغيرة ماتزيد عن 3 حروف
خامساً تهجئينها بلسانج وتنطقينها وانتي تتخيلين انج تكتبينها (تخيل بس!)
سادساً اكتبيها على ورقة بيضا وانتي تنطقينها بنفس الوقت.
سابعاً غطي الكلمة واكتبيها بورقة جديدة وكرري هالشي 5 مرات بس.
اذا غلطتي فيها مرتين من أصل خمس محاولات.
حطي الكلمة عندج بقائمة سميها البلاك ليست (مخصصة للكلمات اللي تغلطين في املائها)
وكل يوم اقريها وأكتبيها مرة وحدة بس.وحاولي تستخدمينها هي وجميع الكلمات اللي بالقائمة بجمل جديدة وبكتابة البارغراف.
قد ماتقدرين

وصدقيني راح يتحسن أملائج بدرجة ماتتصورينها.

 

["." simba]

^^^^^^
اوك بجرب هل طريقه انشالله و مشكوره فديتج عال مساعده :d و فكرة الباراغراف بعد حلوه راح استخدمها باغلب الكلمات اللي اتعلمها*

 

[طالبة1990]

ويييع فونتكس

انا اشوف ان ماكو قاعدة محددة

يعتمد على حصيلتج وبعدها سبحان الله تجي من نفسها

ونفس ماقالوا البنات يعني حاولي تطابقين امثله ببعض

 

[Turquoiseya]

قوة حبوبة

اسم الكتاب : Barron's spelling
fourth edition
the easy way

سعره جنه بثمان دنانير
وهذي صورته:


توني بادية بالكتاب ولحد الان عاجبني
ماشفت فيه تعقيد 00 وشرحه حلو
هذا رايي الشخصي 00 وان شالله تستفيدين منه والبنات بعد

 

["." simba]

مشكوره تركوازيه و ما قصرتي و سوري اذا تعبتج معاي