سؤال من فرنسا الي النمسا

[pitza]

شلونكم بنات ابي مساعدتكم

اقدر اسافر من فرنسا الى المنسا عن طريق القطار
ياريت تردون علي عفية لا تهملون سؤالي لأني ناويه ان شاء الله
نسافر على اول 8 باريس وودي من هناك نروح النمسا والمانيا بالقطار
بانتظار ردودكم

 

[CheeSeCaKe]

أهلين هلا والله

اختي المسافه بالقطار جدا بعيده بين باريس وفيينا اكثر من 7 ساعات والأفضل الطيران الاقتصادي اقرب وارخص تقريبا المسافه ساعه ونص

لكن تقدرين تروحين جنيف المسافة بين باريس وجنيف بالقطار (يوروستار) مدتها حوالي 3-4ساعات والمسافة حوالي 500كلم .. وبما انج بتروحين اول 8 يعني راح تلحقين على مهرجان جنيف

وبقطار يوروستار الأوربي الرحلة بين باريس و لندن خلال ساعتين تقريبا

ملاحظات بالنسبة للطيران الاقتصادي :

تحجزين عن طريق النت آنا ما جربته ولا مره بس هذا اللي عرفته

من خلال هالسايت تدفعين عن طريق بطاقتج الائتمان ويرسلون لج علي الايميل الفاتورة برقم الحجز
وما تقدرين تكنسلين بعد ما تحجزين ،يعتمد سعر التذكره على سرعة حجزج ، كل ما كانت المدة أبعد، بتلاقين اسعار التذاكر رخيصه جداً اما لو حجزتيها في نفس وقت سفرتج تلاقين اسعار التذاكر مرتفعه .


http://www.flydba.com

(منقول)


وبالتوفيق لج

 

[pitza]

مشكروة جييز كيك ماقصرتي على معلوماتج
بس اذا رحت اقدر من فيينا اروح المانيابالقطار صح؟
وسؤال ثاني بعد ولا عليج امر، اقدر ارد من المانيا الى فرنسا بالقطار؟
شاكرتلج تعاونج

 

[CheeSeCaKe]

هلا بيتزا حياج الله

تقديرين تروحين من فيينا إلى ميونيخ خصوصا انهم يم بعض .. وبرأيي الشخصي بما أنج بتروحين النمسا والمانيا فلا تطوفين زل ام سي وسالزبورغ لأنج أساسا راح تمرين عليهم

يعني خط سيرج ممكن يكون جذي

فيينا - (من فيينا إلى سالزبورغ 3 ساعات ونصف تقريبا بالقطار)

سالزبورغ - ( من زيلامسي إلى سالزبورغ ساعة و نصف )

يعني إذا بتروحين من زلمسي إلى ميونيخ لازم تمرين على سالزبورغ

زيلامسي - ( من زيلامسي إلى ميونيخ فالمسافة حوالي 3 ساعات , ساعة ونصف لسالزبورغ وساعة ونصف تقريبا لميونيخ .. تبديل قطارات )

يعني من فيينا إلى ميونيخ تقريبا 4 ونص بالقطار


ومثل ما قلتلج من قبل من باريس إلى النمسا تقريبا 7 ساعات

والنمسا يم ألمانيا

فالرحلة من باريس إلى ميونيخ والعكس راح تكون بالقطار 9 ساعات ... فما انصحج لأنها متعبة جدا جدا

* ومن المدن القريبه من باريس عندج ستراسبورغ المسافة بينهم ساعتين ونص (بتلاقين فيها ميدنة الملاهي يورو بارك)


*وتقدرين تروحين بلجيكا يعني تقريبا ساعه وربع من باريس الى بروكسيل تنفع تطلعين لها وترجعين بنفس اليوم

* ومن بروكسل تقدرين تروحين كولون ( بألمانيا ولما قريت عنها وايد مدحولي اياها لأنها تقع بين هولندا وبلجيكا ) مده الرحله ساعتين و20 دقيقه بالقطار .

اتمنى أكون افدتج

وحياج الله :tek:

 

[a7la_3emya]

اي والله انتي رحلتج مثل رحلتي انا بروح باريس وبعدها بناخذ قطار لي زلمسي ومن زلمسي بنروح فيينا ....

 

[pitza]

مشكورة تشييز كيك الصراحة معلوماتج حيل فادتني
ماقصرتي

 

[galaxey12]

اختي الطريج بين الدولتين بعيد وايد

شوفي هذا الرابط فيه الطيران الاقتصادي

http://www.skyscanner.net/gbp/flights/pari/vie/080817/airfares-to-vienna-from-paris-in-august-2008.html

انتي تحطين اي دولة تبين ويحددلج الطيران الارخص
وبصراحة الطريقة سهلة وآمنة انا مجربته

وتطلع لج سعر التذكرة يا اقل او نفس القطار
لكنج بتكسبين الوقت
بدال 9 ساعات بالقطار يصير ساعتين بالكثير بالطيارة
وحطي في بالج لما تنتقلين من دولة لثانية القطار لازم يتبدل وعندج تقريبا ربع ساعة علشان تشيلين اغراضج وتروحين القطار الثاني
صعبة حق الي عندها يهال

 

[غلا يوسف]

انا الي اشوفة تشيل من بالك فكرة القطار لان المسافة طويلة حول 10 ساعات الا اذا عاد فيكم حيل وشدة عاد كلام ثاني وهذا موقع القطار الأوروبي.
How to travel by train in Europe: Eurorail, Eurail, Official fares and schedules from Rail Europe

وهذي شركة ايزي جت للطيران شيك عليها وشف اسعارهم.

cheap flights, hotels and car hire - easyJet.com

في امان

 

[غلا يوسف]

هلا اول واحد مطار اورلي Orly Airport يقع في جنوب باريس وفية صالتين الصالة الغربيةOrly West Termina l والصالة الجنوبية Orly South terminal , المطار يبعد عن وسط باريس 15 كيلو وهو اقرب من مطار شارل ديقول لوسط باريس.

وهذا موقع المطار Paris Orly Airport

وهذا موقع المطار على خريطة باريس



وأي سؤال حاضرين

 

[pitza]

مشكورين حبيباتي ماقصرتوا بمعلوماتكم