انا اقول فكري شنو يابلج هدية عيد ميلادج
وعلى اساسها حكمي شنو تييبيله
يعني اذا يايبلج شي يسوى وتعبان عليه اوكي ييبيله شي يسوى وتعبي عليه
بس اذا يايبلج عطر
ييبيله كتكات وعصير سانكيست وبفك مو تكثرين عشان يتعلم مره ثانيه اييبلج عطور
خخخخخخخخخخخخخخخخخخخخخخخخخخخخ
صراحه يعني الرياييل مايهتمون حق التفنتق
يهمهم ان ياخذون شي يستفيدون منه
يعني لو من النوع الي يحب دهن عود وبخور روحي العربيه للعود يايبين صناديق توهم عجيبه فيها بلاوي شكثر من بخور ودهن عود ورشوش ومعمول وجم عطر (عاد انتي عطيج الهديه ولما يبطلها ويستانس شوي... قوليله ترى ابي الصندوق مو تعطينه اياه ترى الرياييل مو مال هالسوالف انتي اخذيه استفيدي منه)
والا اذا يحب ملابس.. روحي اخذيته جم تي شيرت على جم بنطلون وجم كرفته.. وي سوي عبالي اكلم رفيجتي ريلها مله كرفتات عايش الدور خخخخخخ.. كملي الطقم بجوتي وانتي بكرامه وفلفيهم تغليف لاتسنعين بالتغليف وايد ترى بيعورج قلبج وانتي تشوفينه يشققه دون مراعاة للتعب الي تعبتيه بالتغليف
وعندج اذا يحب سيايير وجذي
ييبيله البوم حطي فيه صور سيايير حلوه
لايكون فكرتي بقولج ييبيله سياره بعد.؟؟
