ساااااااعدوني اللي بتسافر مع عيالها

[fatoooma]

شلونكم بنات
بتسافرين مع عيالك شنو تحطون بالجنطه

 

[White Musk]

ليش محد رد عليج لي الحين
لازم تحطين 2 طشت صغير لغسيل الملابس
علبة صابون تايد
علاقات لنشر الغسيل على بايب ستارة الحمام
ايريج عزكم الله للحمام للوضوء
كرتون بسكوت ميري
كرتون سبال ينفعون للرحلات
جدر كهربائي لطبخ العيش لأن الأطفال ما يحبون اكل الفنادق وممكن تسوين فيه الشوربة
ممكن أوتي بخال وغلاية ماي ضغيرة
ترا مومهم كثرة الملابس كثر ما هومهم انج تاخذين هذي الأغراض
مايوهات السباحة ونعل للسباحة ممكن الكروكس
ممكن طفاحيات
اذا صغار ممكن ديفيدي بلاير مع سيديات كارتون ممكن تشغلينه لهم بالطيارة
أدول وأكتيفيت إذا فيهم ربو راح يضر الأكتيفيت ممكن تطلبين من الطبيب مضاد حيوي تاخذينه احتياط
لازم كروكس ينفع للسباحة وجوتي رياضة
اخذي النودلز الي يحبونة والشوربة وصحون بلاستك وسماطات ومن بو100 رول اكياس قمامة
اسفنج للمواعين + فوطتين صغار
كلنكس الصغار للشنط + معقم اليد
آخذ لهم جبن الكلاسات النوع الي يحبونة بس الحجم الصغير 4 كلاسات تقريا
اذا عندج اي سؤال ممكن رسالة عالخاص لأني ما ادخل وايد عالمنتدى واتمنى إني فدتج وماسافرتي لي الحين

 

[ريمه الكويت]

اختي انتي ماقلتي وين بتسافرين ؟؟؟

اذا ماليزيا مااعتقد تحتجون كل هلاشيا ماليزيا ماشالله جمعياتهم كل شي فيها والنودلز اهم اساسا ديره النودلز اذا صغار حطي حليب مالهم مال الاطفال البودر اخذي معاج مايوهات وطغتحات الصغيره مالت الايد
الادويه اخذي ادول قطره خشم ومالت الاذون والكحه انا اخذ دايما زيرتك حق البلاعيم والحساسيه وبجنطتي لازم المره حق المغص

اخذي لهم قصص والعاب صغار حق الطياره علشان مايملون اخذي ابر وبكرات الصغار الي بعلبه احتياط مع ان اغلب الفنادق يحطونها بدروج الفنادق

لزاق جروح احتياط اذا عيالج صغار كريم سودو مال الالتهابات وايد يفيدج
اخذي شمسيه لان هالدول يطق فيها المطر طول السنه وانشالله رحله سعيده

 

[ريمه الكويت]

((اذا صغار ممكن ديفيدي بلاير مع سيديات كارتون ممكن تشغلينه لهم بالطيارة)) لوووووووول شلون تشغل الدي في دي بالطياره اختي ماشالله عليج ماخليتي شي الا يبتيه جنكم رايحين بر

 

[أم عبد الله]

حبيبتي أنا بسافر مع اليهال وواحد عمره 8 شهور الشنطة فيها كل من :
حافاظات - ماء - رضعات - دواء - ماء لقاح - حليب - مرطب - كريم للحفاظ - فرشاة للرضعات - صابون حجم صغير للرضعات - فوط صغيرة - بجايم 2- ملابس داخلية 2 - صداري - غطاء ( هذا للصغير ) الباقي/ كل واحد بجامة علشان إذا وصلنه متأخر على طول يغيرون - ملابس داخليه 1 - أكياس زباله صغيرة - دواء- دلاغ سبير - حلاو .... هذا إللي علي بالي طبعا هذه الأغراض في الهاند باغ إللي في اليد

الشنط الكبيرة:
كل واحد 4 بدل - 4 ملابس داخلية - طفاحة للسباحة حق واحد منهم والمايوه وبس أنا بروح ماليزيا إن شاءالله كل شئ متوفر هناك لا تكثرين وطبعا الدي أس لعبتهم علشان أفتك من الحنه

 

[ريمه الكويت]

ام عبدالله ديري بالج تحطين ماي بجنطه الايد او الادويه السائله وحتى العطور اذا كانت حجمها كبير ممنوعه بالطياره ترا ممنوع

خصوصا اذا بتنزلون ترانزيت الامارات تصدقين ياخذون العطور ويقطونها بالزباله تكرمين الا اذا شريتيها من مطارهم يجيسونهم لج ويختمونهم انا السنه الي طافت بردتي من ماليزيا حاطه بجنطتي دوا اشوه كلمت الي تشتغل بالمطار اخذته وجيسته لي وختمت عليه وفيه مطارات مايرضون يقطونهم انتي احسن شي سالي من مطار الكويت علشان احتمال يجيسونهم لج ويختمونهم اذا ممنوع

ورحله موفقه

 

[ريمه الكويت]

انا الحليب مال اليهال اخذ البودر احطه بعلبه صغيره وبالطياره اطلب منهم ماي مغلي اذا عندج طفل رضيع

 

[SG409]

واااااي الله يعينج عاليهال والله يخليهم واهم شي لاتعصبين وااايد وعطيهم تعليمات قبل السفر اذا كبار ويفهمون

 

[حبوبه]

اهم شي حق الطياره شي يلهيهم اخذي الوان ودفاتر العاب صغيره من بواميه حلاو وعلوج ..
تروحون وتردون بالسلامه ...

 

[أم الفارس]

اهم شيء تاخذيلهم بي اس بي عشان يلهون فيها وترجعون بالسلامة

 

[أم عبد الله]

ام عبدالله ديري بالج تحطين ماي بجنطه الايد او الادويه السائله وحتى العطور اذا كانت حجمها كبير ممنوعه بالطياره ترا ممنوع

خصوصا اذا بتنزلون ترانزيت الامارات تصدقين ياخذون العطور ويقطونها بالزباله تكرمين الا اذا شريتيها من مطارهم يجيسونهم لج ويختمونهم انا السنه الي طافت بردتي من ماليزيا حاطه بجنطتي دوا اشوه كلمت الي تشتغل بالمطار اخذته وجيسته لي وختمت عليه وفيه مطارات مايرضون يقطونهم انتي احسن شي سالي من مطار الكويت علشان احتمال يجيسونهم لج ويختمونهم اذا ممنوع

ورحله موفقه

مشكورة بعد عمري انا احط الماي اللقاح في بطل صغير كل سنة ولله الحمد مافي مشاكل وهالسنة بننزل قطر مثل العام ولا احد فتش ولا شئ ان شاءالله التساهيل مثل كل مرة لي ولج وللجميع

 

[ريمه الكويت]

انشالله الله يسهل لج يارب انتي وحظج حسب المفتشين في منهم نحاسه وفيه يطوفون انتي اقري بويهم وجعلنا من بين ايديهم سدا هههههههههه والله يسهل عليكم