سااااااعدوونى تعبت اناا من حياتى

[brettey]

رد : سااااااعدوونى تعبت اناا من حياتى

مادري انا طبعي ارادد لو كان زوجي جذيه لا سمح الله ارد عليه بالعشر عشان مايتمادى لان الريال ان سكتي له خلاص بيزيد

 

[أبله كويتيه]

ماعليه حبيبتي

انا اقول لو تردين بيتج احسن

وسالفة بيت اهلج شيليها وسالفة الطلاق شيليها من بالج

سمعيني شغلي قران بالبيت وصلي وادعي الله يسخره لج ويهديه

ولم تشوفينه يصارخ ويعصب قعدي استغفري بقلبج وذكري ربج وشوفي شلون يهدي ويطخ

ولا تردين عليه لان الريال اذا رديتي اهو يرد وانتي تردين واهو يرد وجذي مانخلص

اذا حسيتي وصل بمرحله بس بيمد ايده عليج طلعي روحي الغرفه وقفلي الباب وقعدي على السجاده

واشكي حق الي فوق اشكي حق ربج اهو الي بيفرج همج انشاءلله وبيهديه

بس الطلاق وبيت اهلج مو حل ابد

ماعليه ترا اغلب الرياييل شرار وعصبيه شنسوي بعد

 

[ســكره ورديه]

ليييييييييييييييييش تسكتين له ليش انسان مو محترمك خير شر تدرين ليش لانه مو معبرك مووووليه

رجال يمد يده على زوجته ام عياله مو رجال ابد ولا فيه ذرة رجوله واكبر غلطانه سكتي

اتوقع انك من النوعيه اللي تقول كلمتين ودمعتها على عينها

النوعيه هذي ماتجي بالطيب قولي ليه ياولد الناس اذا انت رجال شاريني ومحترمني ومقدرني انا مستعده افتح صفحه جديده واتغاضى على اللي فات مااقول لك انسى لا بتناسى مو عشانك عشان اطفالي وياااااااااااااليت يكون ابوك ولااخوك معك عشان يعرف ان وراك ظهر

واذا انت بايعني ومو عارف قدري ترا البيت اللي اخذتني منه مو مهدوم وفيه رجال مايرضى على بنته الاهانه ولا ارضاها على نفسي مو عايفه عمري على الروح والرجع اسمع كلام يسم البدن ولا مدت يد

وعلى الاطفال ترا مابيموتون ولا يصيرون ضايعين بالشارع اذا طلقتي اهلك وين راحوا ونفقتك وين راحت اذا صار فيه طلاق اتوقع البيئه اللي انتي عايشه فيها اولادك يسمعون ابوهم قدوتهم يقلل من شان امهم اغلب الوقت مو سليمه في بيت ابوك تعيشين معززه مكرمه بدون هالإهانات اللي تقلل منك

واتمنى ماعاد تيهنين نفسك اكثر السكوووت اكثر شي يخلي الرجال يتمادى

 

[queen pink]

الله يهده لج ويفرج همج ان شاء الله

 

[ريماس77]

عليج بالاستغفار والدعاء

 

[أوكسجين]

الله يفرج همج
ويهديه لج يارب

 

[قلبي سلومي]

لا حول ولا قوة الا بالله

الله يهديه

 

[eman84]

الله يهديه

 

[.،:"$الـعـوبــــة$":،.]

اسمحيلي حبيبتي مهما كان عاد كل شي له حد ن واهم شي الاحترام !
شنو يسبني ويطقني !؟ ليه عسى ماشر !
ومع احترامي للي تقولك اذا جا بيطقك انحاشي !!!!!!!!!!!!!!
يازين وجهي هو يشختني وانا اركض منحاشة !
ليه جهال ؟؟ لا حبيبتي ماني منحاشة وان مد ايده خليت اخواني يعلقونها في رقبته !!
وين قاعدين ! يابنات ،، مهما كان انتوا بنات ناس منتوا بنات شارع !
مثل ماخذاك باحترامك ، يحترمك والا يردك بيت اهلك باحترامك !​

 

[**وقفة فرس**]

تدرين ليش يعاملج جذي؟؟؟؟؟؟
لأن شخصيتج ضعيفة...وتعدين الأمور بالساهل من باب إنج ماتبين المشاكل...وللأسف تعدينها قبل لا تحلينها حل جذري....
اللي يقل أدبه على مرته ويمد إيده أول مرة ثقي بالله إنه بيعديها لأنها ماحطت له حد وعدت الموضوع بالساهل....
وطبعه عصبي بكيفه بنات الناس مولعبة ولا مجبورين على القعدة معاه أهله يتحملونه....
.ودام زوجج عصبي وعشان عيالج...دقي عليه وقوليله شوف وقت يناسبك نقعد فيه ونتناقش...قبل لا يكبر الموضوع ويدشون أهلي بالسالفة...وقدي معاه وفهميه كلللللللل اللي مضايقج بسسسسس بدون عصبية وملاسن وبنفس الوقت بدون دلع وتهاون منج علبو بتكسرين خاطره ديري بالج شخصيتج لاااازم تقوينها أكثر بس موبطولة لسان...أتمنى تكونين فاهمة كلامي...وقوليله آنا أبي الإحترام قبل الحب وترفع عن الأمور التافهة وعديها مثل ما أعديلك عشان حياتنا تمشي صح...وطلعي كللللل اللي بخاطرج وياليت يكون نقاشكم راقي ما تقاطعون بعض وتتشعبون بالأمور...ونبهيه بحززززززم إنه لو قط كلام وصخ عليج أو مد إيده إنه راح يكون آخر مابينكم...وذيج الساعة مو إنت اللي تتفاهمين معاه لأ أهلج والقانون...خله يهاب شوي...عصبي مايشوف شر يهج بالشارع يروح البحر...رصصي له تحف يكسرها بس لا يحط الحرة فيج والأهم عيالج مايشوفون هالشي...لحد ما يخف هالطبع عنده وينمحي...وفهميه إنج مرته إذا ماكن للحين مستوعب وإن لج وعيالج حق عليه مثل ماهو وعياله لهم حق عليج...شنو كله مجابل النت ولا هايت؟؟؟وين دوره كزوج وأب؟؟؟؟
الله يكون بعونج وايسر أمرج ويهدي زوجج ويسخره لج يارب

 

[مريم1]

مادري شو اقولج بس مالج غير الصبر وبذاات عندج عيال

 

[دانة من البحرين]

اسمحيلي حبيبتي مهما كان عاد كل شي له حد ن واهم شي الاحترام !
شنو يسبني ويطقني !؟ ليه عسى ماشر !
ومع احترامي للي تقولك اذا جا بيطقك انحاشي !!!!!!!!!!!!!!
يازين وجهي هو يشختني وانا اركض منحاشة !
ليه جهال ؟؟ لا حبيبتي ماني منحاشة وان مد ايده خليت اخواني يعلقونها في رقبته !!
وين قاعدين ! يابنات ،، مهما كان انتوا بنات ناس منتوا بنات شارع !
مثل ماخذاك باحترامك ، يحترمك والا يردك بيت اهلك باحترامك !​

والله عوعي كلامج درر وربي هذا الي كنت بقوله فديت عمرج:weight_lift:

 

[خذني بقايا جرووح ‏]

يسلمكم ربى أختى ارجعت لبيت زوجهاا الله يهديه انشااءالله مشكوورات

 

[فوفو الدلوعه]

الله يسخركم لبعض ويحنن قلبة عليك

 

[منيرة خالد]

الله يعينج

بس نصيحه اذا شفتيه معصب ويسب لا تتحجين ابد اسمعي واسكتي ولا تفتحين معاه حوار خليج زعلانه بدون كلام اللي يبي سويه ولاتحطين عينج بعينه وابتعدي عنه وراح يعرف انه غلطان

وحاولي تشغلين حياتج بعيد عنه ترا كثر مجابلكم لبعض تولد الاعصاب والملل واهو يحط جنونه بالصراخ والسب



الله يهداه

 

[miss-winter]

زعلي زعله جايده وحقريه مره وحده فتره يعني الله يعينج يارب

 

[دانه_83]

ليييييييييييييييييش تسكتين له ليش انسان مو محترمك خير شر تدرين ليش لانه مو معبرك مووووليه

رجال يمد يده على زوجته ام عياله مو رجال ابد ولا فيه ذرة رجوله واكبر غلطانه سكتي

اتوقع انك من النوعيه اللي تقول كلمتين ودمعتها على عينها

النوعيه هذي ماتجي بالطيب قولي ليه ياولد الناس اذا انت رجال شاريني ومحترمني ومقدرني انا مستعده افتح صفحه جديده واتغاضى على اللي فات مااقول لك انسى لا بتناسى مو عشانك عشان اطفالي وياااااااااااااليت يكون ابوك ولااخوك معك عشان يعرف ان وراك ظهر

واذا انت بايعني ومو عارف قدري ترا البيت اللي اخذتني منه مو مهدوم وفيه رجال مايرضى على بنته الاهانه ولا ارضاها على نفسي مو عايفه عمري على الروح والرجع اسمع كلام يسم البدن ولا مدت يد

وعلى الاطفال ترا مابيموتون ولا يصيرون ضايعين بالشارع اذا طلقتي اهلك وين راحوا ونفقتك وين راحت اذا صار فيه طلاق اتوقع البيئه اللي انتي عايشه فيها اولادك يسمعون ابوهم قدوتهم يقلل من شان امهم اغلب الوقت مو سليمه في بيت ابوك تعيشين معززه مكرمه بدون هالإهانات اللي تقلل منك

واتمنى ماعاد تيهنين نفسك اكثر السكوووت اكثر شي يخلي الرجال يتمادى

انه معها